點點甜 (Closed)

隔左成年之後又過黎食甜品啦～今次係第二次黎食芋圓 芋圓同以往一樣好香蕃薯芋頭味 滿足到芋圓控！😋🍠不過芋圓份量比之前就少左好多啦😢得六粒😢不過其他野都好足料 丸子個d夠咬口 味道係可以搭救既🙂

上星期打完邊爐，食完熱氣野，特別想食糖水！上網搵左一輪，附近選擇都幾多，但又心思思想食啲未食過嘅。點點甜嚴格黎講，已經食過，但上次去嘅係荃灣分店，點左三個甜品，都覺得普普通通。今日俾多次機會，並且點左兩款上次冇食嘅，又覺得ok喎~旺角店位於豉油街，經歷改名轉型，裝潢冇乜點變，同之前幾乎一樣。週五晚客人唔少，好在只係等左一陣就入得，店內位置唔多，相對荃灣店點都冇坐得咁舒適。餐牌相同，供應熱嘅芋圓系列、愛玉凍、刨冰、榴槤甜品、雪糕、港式甜品、西式甜品例如窩夫、心太軟等，定價合理。上次我地喺荃灣店食過紅豆沙、椰子西米露、杏仁露，都好稠身，比例好似錯錯地咁，今次決定點雪糕同冰類。芋泥奶凍冰 $32有芋泥、奶凍、小丸子、芋圓、薏仁，同圖片相符嘅賣相。芋泥味道天然，感覺完全冇落糖，味道唔濃，唔會太粉。奶凍食落比較硬實，帶少少奶味。墊底嘅係煉奶冰，唔算打得好碎，仲有少少口感，配合配料，整體就唔係好甜。兩款芋圓都好煙韌軟糯，係我地喜歡嘅口感，唔會太硬芋圓食落冇乜味，但只要唔係浸糖水甜到脫髮嗰種，已經係合格！小丸子份量都幾多喎，細細粒，呢個甜品都幾抵食。寶石金時 $32有抹茶牛奶雪糕、紅豆、焙茶啫喱，呢