羅東肉焿番

Open Now

Now Closed

📍 羅東肉焿番 @ 元朗ღ 芋見紫薯吐司 $45ღ 滷三層焢肉套餐 $70ღ 芋泥綜合芋圓 $70身為元朗人竟然上個月先第一次食呢間台灣嘢😂未食之前睇咗下其他食評 發覺好壞參半都驚驚地但食完覺得好ok啵(⁎⁍̴̛ᴗ⁍̴̛⁎)嘢食偏鹹但係會覺得係台灣古早味！吐司芋泥味會較出 唔算好甜👍🏻反而紫薯就無乜味麵包都係正常厚吐司 但唔算好鬆軟最推薦焢肉飯 滷得好入味一定要配飯！芋圓就無咩特別 嫌佢室溫唔夠凍囉🤣回頭指數😼3.5/5（家常台灣菜味道(⌒▽⌒)

下午在鳳琴街打波後, 十分肚餓.  而小米就想食台灣菜, 所以我倆就來這小巷裡的台式小店. 此店只收現金, 仍有多人在等候入座, 看來很受歡迎. 等待廿分鐘左右, 職員安排就座. 幸好在等候期間, 已經選好食物, 可以快快下單呢!     羅東肉焿湯  此店名物肉焿湯.  在2019年底在宜蘭羅東夜市没有機會品嚐, 現在就要來一碗<補償>.  肉焿湯裡早已配好辣醬和芫茜. 剛好座位旁邊就是自助區, 方便取用各款醬料. 加入烏醋, 香油& 胡椒粉再攪拌. 先處理多塊滑滑豬肉.  豬肉有粉漿包裹, 封存肉汁精華,豬肉已經醃制, 有底味, 單獨品嚐也很美味. 再到湯底了!  高粘度湯底帶著熟悉的阿宗影子, 不過自己加料後, 變得更香更辣更惹味呢!  假如有蒜末會更正!       大魯肉飯  套餐原本配細魯肉飯.  可是小米長大了, 想要大SIZE, 於是加5個大洋變為大魯肉飯.   小米把飯和魯肉拌勻, 一口一口地享用.     一口鹽酥雞    台灣名物之一<鹽酥雞>. 四十几個大洋, 大大碟, 抵! 即點即炸, 熱辣辣上枱. 雞肉有底味, 再配炸皮上的香

上星期响附近食完晚餐，經過這家店發現有芋泥吐司，當晚太飽吃不下，心心念念想要試吓，決定今日來食。店內陳設簡單乾淨，進店時剛好趕及下午茶嘅尾班車。叫咗2個下午茶餐，再加一個鹽酥雞，當然唔少得好想食嘅芋泥吐司啦。第一個茶餐係肉焿湯米粉，加半隻溏心蛋，仲有個炸物籃。溏心蛋口感又滑又香。肉焿湯米粉嘅湯好厚身，大大舊豬肉質地鬆軟有肉香，又幾好味喎。炸物籃有花枝丸、甜不辣+台灣腸，最鍾意花枝丸有粒粒花枝，唔點醬都好味。鹽酥雞又香又脆，食到停唔到口，怕熱氣就飲返啖冬瓜茶中和吓。第一個茶餐係芋圓甜品套餐，有一碗細芋圓，加一份炸地瓜條。炸地瓜條表面香脆，內裡香軟口感黏糯，加埋梅甘粉台灣味出曬呀。我哋揀芋圓3號，好鍾意仙草加芋圓嘅口感，連埋煙韌黑白珍珠更加正，仲有咬爆爆珠嘅滿足感，好爽！最後最後就係今次嘅主角芋泥吐司，佢其實係紫薯蓉加芋泥蓉，吐司外皮烘脆，紫薯蓉同芋泥蓉都好香滑，一啖咬落去，香脆嘅口感，滿滿嘅餡料隨即塞滿口腔，真係~ 好！滿！足！啊！

早排去左元朗大棠賞紅葉，之後見餓餓地就搵到呢間台灣小店，決定試下佢啦！我哋一去到，都見到好多人排隊入座/外賣，我哋都等左一陣先入到去。小店唔大，裝修比較簡單。入到去我哋就叫咗呢度招牌名菜-肉羹湯新竹米粉，成碗嘢好足料，有蒜蓉，芫荽同辣醬，筍絲，撈埋一齊食個種酸辣好好味！肉嘅口感都唔錯，喺冬天食真係好暖胃！我哋仲食咗呢度限定嘅芋見紫薯土司，我自己都好鐘意芋泥同紫薯嘅味道，脆脆地嘅三文治，餡料豐富，所以覺得好好食，不過個餡係冰凍嘅，由於嗰日天氣好凍，如果係熱嘅餡相信會更加正下次有機會會試埋佢地嘅滷肉飯同其他小食！

芋見紫薯吐司($45)成日見到foodie post，芋泥控嘅我，一直好想試，趁放假特登去試試......同想像中有啲唔同，芋泥同紫薯蓉原來係凍，芋泥同紫薯蓉打得好滑，不過有啲太甜，個吐司只係hold住芋泥同紫薯，唔係好加分，成件事差左少少spark，其實如果食到一粒粒芋頭同紫薯粒，可能口感會好啲，只可以話我期望太高如果行過食就OK，唔會建議特登排，而且有啲貴🙈🙈🙈

😋味道：4/5📸打卡：4/5🗣服務：4/5🏡環境：4/5💵人均：$70-100💰性價比：4/5👍🏻推薦度：4/5🏃🏻‍♀️回頭率：60%.🥪芋見紫薯吐司 $45 (7.5/10)久仰呢度嘅芋泥吐司大名🤩！所以就算要排好耐隊都要一試！不過又冇想像中咁好好好好食🙈多士有烘過 夠香又外脆內軟😋紫薯芋泥爆餡😍（好興奮🥰）出奇意料地個餡係凍架！一食落有淡淡紫薯同芋頭香甜味刺激味蕾🤤芋泥好綿滑😙但唔知係咪因為兩樣都係偏淡味唔濃 需要用其他嘢襯托或者去強調個味 食到一半開始味覺有啲麻痺 紫薯同芋泥味都冇乜餘韻😢仲有最重要嘅係真係好！大！份！好心急嘅我吐司一嚟就即刻食😂但食完已經飽左一半。。食唔落主菜🤢.🍜2號乾拌麵餐 $66 + $15（乾拌麵 綜合丸湯 凍古早冬瓜茶 + 滷肉汁燙青菜）▪️乾拌麵（刀削麵）(7.5/10)個人好鍾意食刀削麵😍呢度嘅刀削麵都唔錯🥳麵質夠煙韌有咬口 又有少少彈牙😋個汁都好特別🤣唔係辣 少少酸甜加肉碎😋▪️綜合丸湯（花枝丸貢丸）(7/10)冇乜特別 普通胡椒湯加花枝丸同貢丸 湯幾夠味 丸都幾大粒幾彈牙😛▪️滷肉汁燙青菜（跟餐+$15）(7/10)滷肉汁好香 味都幾濃😋生菜都幾爽口

又黎到測試黃店係咪一定難食既一日，今日入元朗，超級遠，又勁勁勁爆熱。尼間店之前想食好耐，但有直苦無機會，今日搵到女神陪我食，開心。叫左幾樣野share, 間野叫得羅東肉焿，當然叫翻個肉焿米粉，配一口鹽酥雞，之後有一份芋圓配精選炸物拼盤，最後就係芋見紫薯吐司。肉焿好似口水，好杰，但味道ok既，d肉就un左少少，鹽酥雞好味，炸粉唔會太厚，而且好多舊。芋圓對我黎講太甜，佢唔只糖水甜係連d丸子都甜xd不過芋圓係幾煙un好食既，裏面仲有d海藻水晶都好食的。最後芋見紫薯吐司，兩個人share係岩岩好，一個人會好濟，d芋泥同紫薯溶都好滑，配埋吐司包，好味

🔸芋見紫薯吐司每日限量架！上次食唔到，今次中午黎終於試到💛香芋和紫薯本身質地差不多，同樣本身都帶有天然甜味又健康。吐司烘到金黃色，微脆，夾住成吋厚既淺紫色既芋泥同深紫色紫薯泥，芋頭淡香、紫薯清甜，咬落口絕對滿足！由於肺炎肆虐，餐廳座位有限，呢排推出左2款抗疫便當🔸抗疫便當- 3雞(古祖味雞捲、鹽酥雞、雞搥🍗)，大滷肉飯 半隻糖心蛋，冷泡無糖高山茶便當係台灣夜市嘅風味！雞捲最為出色，雞皮不會太肥膩而雞肉好嫩口。鹽酥雞既椒鹽同白胡椒味好香，相信堂食會更脆口。雞搥係燒既一口雞，沾埋自家製辣醬，十分惹味！冷泡茶著重原汁原味，色澤翠綠口感亦甘醇。食完熱氣小食可清清熱. 唔喜歡雞既既可以選另一款係 3海鮮 - 鮮蝦卷、花枝丸、甜不辣🔸乾拌面餐- 乾拌面、綜合丸湯、熱冬瓜茶同樣用左滷肉，乾拌面有多重層次，而且外賣撻涼左既拌面都好好食。醬料方面mix埋芫荽同辣醬，面身係厚芯既波浪型，有咬勁！湯品方面既墨魚丸同貢丸都好彈牙，尤其貢丸有香菇豬肉又多汁。.冬瓜茶同坊間既一樣甜度已定，回家食外賣可以加少少熱水，同樣清熱止渴，係台式食物嘅好配搭☕️

成日系IG見到人po呢間嘅吐司📸次次見到都流晒口水🤤總算俾我食到啦😎·🥪芋見紫薯吐司麵包有烘過下🤤脆脆地入面系凍嘅芋泥加紫薯💕顏色好靚口感凍凍地 滑滑地 仲好足料👍🏻味道唔會好甜·🍚1號羅東肉焿湯餐第一次食肉焿湯 入面嘅有豬肉同筍絲加埋辣醬幾特別但豬肉唔係我鐘意嘅口感魯肉飯配咗半隻溏心蛋🥰魯肉肥瘦適中 味道都唔錯好快就清咗碗飯🤣·🍚3號綜合丸湯餐湯入面有貢丸 花枝丸 味道唔錯都系配魯肉飯·舖店位置較少 可以選擇外賣堂食仲會有袋裝口罩👍🏻

聽聞呢間台灣餐廳既芋泥吐司幾出名今晚就去食下魯肉飯同吐司啦😸羅東肉焿湯應該係鋪頭招牌😼所以同朋友叫咗個套餐share $78有一碗湯，魯肉飯連飲品晚飯來講價錢好抵😸羅東肉焿湯好特別🙀 用咗大量嘅豬骨熬湯 湯入邊仲加咗啲蒜蓉 烏醋 台灣甜辣醬做調味料 再煮成羹 我都係第一次飲咋🙀 味道帶少少酸有啲似食翅落咗啲醋咁😸羹中豬肉好稔 質感比一般豬肉滑身 原來係加咗啲魚肉 幾好食😻魯肉飯帶咸 不算太重甜味 比較似肉燥飯如果再多啲汁會好啲😹小食加咗客台灣士林香腸 肥瘦適中 烤得又夠乾身配埋個蒜蓉醬好夠味 超級似台灣食到嘅風味 下次想起台灣一定再來嘗嘗😻😻甜品嚟啦😽 幾驚晚市佢賣晒 因為每日數量有限哦芋見紫薯吐司超大份餡料又足😻芋頭同紫薯超match 壓成芋泥同紫薯蓉 口感綿密 入口即化 配埋烘過嘅多士下午茶或者做甜品都啱啱好😸

依日相約埋另一個元朗好友黎食台灣野！其實已經係第二次黎，每次都係為佢既燒麻糬而來，但兩次都食唔到，今次仲唔已經用冰麻糬取代。雖然可惜，唯有食番其他野補數啦！羅東肉焿湯... 其實一直對肉焿好好奇，羅東既肉焿係自家製既，用左手切豬肉加入魚漿，味道多左一份咸鮮味。湯底比較黏稠，仲有唔少荀絲，小辣都唔會太辣嫁！古早味炸雞卷... 半份既雞卷切件上，外層既雞皮都脆脆地嫁，入面就係醃左既雞肉，沾上甜酸汁都唔錯啊。芋見紫薯吐司... 排期大熱既吐司之一！仲有肉鬆芋泥吐司、Oreo紫薯泥吐司。吐司原來係凍食，烘過表面，入面就夾住好多芋泥同紫薯泥，甜度低岩哂keep fit 既你呀！椰香奶酥吐司... 一塊薄薄既吐司烘得香脆，表面有層椰香奶醬，唔會太甜，加埋cream有冷熱交溶既感覺。冬瓜茶、檸檬冬瓜茶... 食台灣野點可以唔飲冬瓜茶呢😚原來本身係凍既，唔洗加冰就唔怕沖淡啦，味道都唔錯嫁！

最近相信大家都多了時間在家🏚我也多了時間在家，好好享受在家中的時間！ 但也更會珍惜可以在街上的日子呢❤️-這晚剛好有事要到元朗， 難得來到，當然要在附近尋找好食的東西😚看到羅東肉焿番， 是台式的餐廳，絕對是俾我手上的芋見紫薯吐司吸引🍞💜滿滿的紫薯配上芋泥，一直也好想試呢！ 感覺好有台灣風味！紫薯愛好者必試🍠吃下去不會太膩，而且份量十足，二人分享，一人一件最好💜-當然也點了不少的台灣小食，分吃點了台灣士林香腸同梅甘地瓜條🥔當中最驚喜的是梅甘地瓜條🥔好推薦大家要試！ 一來新鮮的地瓜條是十分脆及好食，配上一點點的梅粉，梅味配上地瓜好夾呀😋同埋感覺唔會太熱氣！要試要試💛-最後到台灣店，當然要食芋圓😋😍很喜歡煙韌的口感，是頭號最期待的食物呀！仙草芋圓1號入面有三色芋圓、蜜紅豆及海藻水晶🍡係滿足對芋圓的慾望呀❤️❤️-如果突然想食台式食物，要來支持🧡📍 羅東肉焿番：元朗鳳翔路69號建輝大廈地下5號舖

好耐之前上網見到呢度個芋泥吐司就好想黎食，咁啱黎開元朗就去食😋😍大魯肉飯😍平時食開個d都係細細碗，今次加大佢份量真係好足😋魯肉肥瘦勻稱，唔會太油太肥🙈個溏心蛋整到好令，好賞心悅目💕😊羅東肉羹湯😊間餐廳用呢道菜做餐廳名，所以就試下呢個係一個好濃稠既湯，類似碗仔翅既質地，佢加左辣，唔係太辣，但加左風味更佳🙈芋見紫薯吐司🙈見到咁飽滿既芋泥紫薯泥真係好治癒😂其實望得出佢整得好綿密好smooth，佢麵包有加少少煉奶，中意食甜野既我就覺得有多d煉奶會更好🙈😋仙草芋圓3號😋叫左兩個糖水外賣，呢個一開見到勁多粒粒鋪滿個碗好有滿足感😊芋圓夠煙韌，我揀呢個係貪佢有爆珠，平時多數要去手搖店先有得加😋佢個底全部都係仙草，好重手😘黑糖甜湯😘呢個同個3號差唔多價錢，但感覺好似3號cp值高d,除非你好想食熱既糖水/太飽又口痕😂因為個3號好似料多好多架，呢個都有芋圓紅豆同珍珠，但就冇3號咁澎湃😂冬瓜茶好清甜好飲，係熱既啱哂冬天飲👍🏻食咁多野埋單都係198，仲咁啱見pepe同連豬，係黄店丫下次黎開都會想試埋其他丫🙈

是日一行4人黎到食甜品，朋友之前食過，所以極力推薦呢間，果然冇令我地失望。去到都唔洗等，直接有位坐。睇左陣餐牌叫左兩份芋見紫薯吐司，一份雪糕綜合芋圓，一份仙草芋圓2號，我自己就點左仙草芋圓3號。朋友們既芋圓仙草同我差唔多味，只係有啲配料唔同姐。呢個芋見紫薯吐司，我忍唔住試左啖，超級爆餡，芋頭紫薯味超濃又唔會太甜，果吐司夠脆，好食。到我自己食既仙草芋圓3號，有仙草凍，有黑白珍珠，有芋圓同埋我最愛既爆珠，仙草凍係有甜味唔會苦，黑白珍珠好彈牙，芋圓好足料好香，有啲仲食到芋頭粒，最正就係啲爆珠，咬落去果下真係好爽，令成碗野果口感層次更豐富。整體黎講，食物質素高，服務唔錯，雖然唔係主打甜品，仲有唔少鹹既台灣野食，但都係忍唔住叫哂甜品黎食。