Milu Thai มิลู่ไทย (百樂中心)

Open Now

Now Closed

繼上次食完火焰火鍋之後，今次來到銅鑼灣呢間Milu Thai食同樣令人驚艷嘅火焰燒雞😋餐廳裝修風格獨特，以泰國街道特色嘅漫畫塗鴉為主，比人一種休閑舒適嘅感覺～火焰燒雞💰HK$208賣相相當之吸睛🔥點火嘅果一刻非常之適合打卡📸 然後店員會將隻燒雞拎返去廚房斬件之後先再上菜！燒雞嘅外皮燒到好薄同好香脆，雞肉亦嫩滑多汁，令人回味無窮，不愧為招牌菜之一～泰式燒牛柳💰HK$98牛柳外層燒到微微焦脆，肉質保持多汁同嫩滑，而且冇筋！旁邊嘅秘製醬汁香辣惹味，令牛柳嘅肉香味更加突出～椰汁雞湯(小)💰HK$118呢碗椰汁雞湯喺視覺上呈奶白色，會令人以為係椰汁味比較重，但一飲落去就會發現味道竟然係泰式酸辣香味為主，再有淡淡嘅椰子味去襯托住，令人特別開胃～黃咖喱炒大頭蝦💰HK$268呢到嘅黃咖喱獨特之處係除咗咖哩味濃厚之外，仲融入咗陣陣嘅蛋香味，味道更一般嘅黃咖喱更加誘人🤤大頭蝦肉質鮮嫩彈牙，仲有埋味道是美嘅蝦膏添，成隻蝦都吸收咗滿滿嘅咖喱汁，令人回味無窮～芒果梳打💰HK$34味道清新而甜美，帶有濃郁嘅芒果香味～餐廳非常貼心，每張枱都擺放咗牙籤同埋用來棄置骨頭嘅小小垃圾桶，店員態度亦親切友善，會主動幫忙更換，

話銅鑼灣喺聚集美食之地，相信都無乜人反對，而呢區食廈又特別多，唔知何時興起食廈呢家嘢，大抵因為地鋪租金升到癲，做飲食嘅人就唯有「向上」發展，食廈漸漸應運而生。今趟就約咗親友嚟到「Milu Thai」，喺一間新開嘅泰菜館，都喺睇到食友嘅食評而走嚟一試。百樂中心差唔多成幢都做飲食，呢過百樂都知，緊忙時段超多人等電梯，所以，不妨走走樓梯吧，因為餐廳只喺位處二樓。走入店內，先喺「大廳」位置，放置嘅枱櫈異常少，晌吋金呎土嘅香港（仲要喺銅鑼灣區）簡直一反常態，實屬奇景。轉晌另一邊用餐區，就以卡位為主，而啲卡位寧舍闊落。此外，呢度無乜「滿天神佛」，取而代之喺啲色彩繽紛嘅牆畫，多添一份街頭藝術感。餐牌設計簡單，部份菜式圖文並茂，若以類別劃分，則有推介菜式、精選沙律、泰式小食、燒烤、主菜、海鮮、湯品、明爐、蔬菜、傳統主食及飲品，數數埋埋，都有近70款食物。泰式青木瓜沙律 $78早陣子先晌另一家泰式小店食過柚子鮮蝦沙律，加上親友唔喺好知泰式青木瓜喺點，所以，就先落單一客青木瓜沙律。其實個沙律好簡單，就喺青木瓜絲同自家調嘅醬汁，入口冰涼、清爽開胃，青木瓜絲非常爽脆，不過，個醬汁嘅辣勁好厲害，比起常食到嘅青木

雖然已踏入九月，但天氣還是很悶熱，只想吃點酸酸辣辣的泰國菜，增進胃口。這間是在銅鑼灣的新開泰國菜館，座位之間很寛裕，很適合大班朋友一起吃飯聊天。生蝦刺身$98-天氣炎熱，叫一個冰涷的生蝦刺身，生蝦很鮮甜，點埋個酸辣醬汁，很開胃。蒜蓉牛油燒大頭蝦$168-名乎其實的大頭蝦，個頭仲大個蝦身，蝦頭很多膏，蝦肉鮮嫩有彈性，蒜蓉牛油味很香。爆炸炒蟹$388-第一次食爆炸炒蟹，原來是用了很多香料和香葉等炒的蟹。隻蟹本身很大隻，味道很鮮甜，配合香辣的的味道，很有泰國特色，與平時我們吃的中式炒蟹很不同。青檸酸辣明爐烏頭$168-我最喜歡個湯汁，用了青檸和辣椒，所以味道酸酸辣辣，很開胃。烏頭魚肉幼滑，味道與青檸味很夾。涷青檸茶$28-酸酸甜甜的青檸茶，夠涷又清涼。芒果梳打$28-味道香甜的芒果梳打，解渴一流。

在東南亞菜當中，泰國菜都算是我經常會吃的菜式之一。泰國菜大部分都是利用的天然材料與特色香料結合，從而變化成美味多元的料理。泰國菜除了有着色彩繽紛的造型外，其中的酸、甜、辣、香更令人無論在視覺或味覺也很満足。今天來到這間泰國菜館，牆身畫満很多泰國特色的漫畫，給人一種活力和朝氣的感覺，亦與色彩鮮奪目的泰國菜很配合。生蝦刺身（$98）👍👍👍👍👍泰式生蝦刺身是我經常會點的前菜，生蝦大隻又爽甜，配以酸辣的醬汁，味道更清新。吃的時候還可以跟蒜片、辣椒和苦瓜同吃，爽脆的蒜片、甘苦的苦瓜和辛辣的辣椒形成多種口感和味道，亦為這餐泰菜作一個美味的開始。爆炸炒蟹（$388）👍👍👍👍👍這個爆炸炒蟹是時價的，所以最好點菜前問清楚當天價錢。首先講講隻蟹，隻蟹本身又大隻又多肉，味道鮮甜又多汁，嫩滑的蟹肉一梳梳，蟹拑的肉更加是啖啖肉，跟多種不同的香料和香草一同爆炒，令這味爆炸蟹爆發著辛香惹味的香氣和辣味，真是令人食指大動。蒜蓉牛油燒大頭蝦（$168）👍👍👍👍👍開邊的大頭蝦，用蒜蓉和牛油一起燒，蝦肉燒至剛剛熟，沒有過火，肉質還保持鮮嫩。牛油和蒜蓉的香味更令大頭蝦的鮮味加倍提升，蝦頭部份的蝦膏更精彩，甘香味美，不要錯過。