Orange Elephant Thai Restaurant (利奧坊) (Closed)

大角咀似乎想打造一個美食天堂 😃真係愈開愈多餐廳或小食店，搞到好日都唔去大角咀嘅我，都多咗去食食食 😁前排就約咗老友食飯，話想食泰國嘢，好耐冇去，就揀咗去呢間。店內環境都好寬敞，好多座位，有一幅好吸睛嘅牆身 (如相中背景 😂)呢度嘅嘢食，每碟嘅份量都幾多下，所以唔叫咁多碟喇，驚食唔哂 😆🦐 柚子蝦沙律 $89老實講，比起海南雞，我會推介呢個多d！蝦好鮮又大隻，柚子肉好juicy唔會乾身，酸酸辣辣好開胃！🐓 泰式海南雞 $128/半隻半隻份量都ok，雞唔會話太細隻 👌雞皮冇太多脂肪，雞肉亦夠嫰滑 😋🥥 椰青焗海鮮飯 $114睇落個椰青就唔算好大個，但個飯真係3個人share食都得！d飯壓實架，又好多料！😧有椰肉、蝦、魷魚、青口、三色豆及腰果，蝦同青口唔係俾BB size架！係大大隻！😮椰汁好清甜，d飯索哂椰汁好香濃 😋🥭 芒果椰汁糯米飯 $68俾原個芒果 (大家應該唔計舊核架呵？😂)芒果肉夠多又夠甜！❤️不過覺得糯米飯嘅份量就少咗d，應該多2舊仔個比例就會啱d，因為食食下得返芒果冇糯米飯夾埋食，硬係爭咁d 🙈糯米飯好煙韌軟綿，椰奶都俾夠及較濃身，好香啊 😍

之前成日喺lunch hour都有食過呢間餐廳嘅lunch set。喺大角咀附近返工嘅人，應該都唔陌生。因為佢係由博文街搬過嚟。搬咗新鋪之後成個鋪位仲好有泰式風格。入座見到晚市堂食八折，舖頭亦都有免費Wi-Fi服務，落單用QR code網頁，要另收+1服務費。都算係幾抵嘅一餐。一入座即刻點返一杯mango mania($36)。真材實料粒粒芒果肉都飲得出食得到。泰式燒雞半隻（$128），乾身脆皮又香口，咬落去卜卜脆，食落口軟冧冧。Juicy得黎，有泰式辣醬加持，少少辣又酸甜，口感層次更加豐富。西蘭花炒鮮魷（$78），食得出嘅鑊氣，除咗西蘭花同魷魚仲有紅蘿蔔。鮮魷爽滑彈牙，西蘭花同紅蘿蔔火候十足。雜錦串燒（$89），有豬、牛同埋雞。串燒仲附送沙嗲醬入口更野味。肉量厚身又大件，聞落去陣陣都係炭香味。芒果椰汁糯米飯（$68），成隻芒果上枱，兩個飯團大嚿得黎仲有少少熱，上面有椰汁飄香。食嗰陣將椰汁淋上芒果。連埋啖飯一齊食，又熱又凍既口感相當有趣。呢個甜品係呢晚最有驚喜既一道菜。

Orange Elephant在九龍城一向都遠近馳名想不到大角咀分店原來由博文街搬到利得街的新商場奧利坊，鄰近小巴站而且食店林立，相信很快會成為新的覓食熱點晚飯時段來到已座無虛席但上菜速度仍然很快蛋網海鮮金邊粉$98用煎蛋製成網狀包着酸甜的金邊粉不只賣相討好，口感亦更豐富海鮮方面就有大蝦、魷魚、魚塊、青口份量二人share剛剛好雜錦串燒$89雞牛豬各兩串，沙嗲面上抹有少許醬汁牛肉相對太熟了點不過仍很入味Mango mania芒果冰特飲$36芒果肉大大粒份量比平常飲品店的更多芒果肉比飲管還要大要除開蓋才吃到凍泰式奶茶$32奶茶順滑微甜如果可以再甜一點就更好了芒果椰汁糯米飯$68當然少不了以最受歡迎的甜品芒果糯米飯作結芒果已經𠝹成粒粒瓣起方便食用暖暖的糯米飯配上椰汁味道一流Orange Elephant大角咀利得街11號利奧坊地下G501-3號