Read full review
2015-06-05
1513 views
晌屯門三聖村嘆完海鮮,食埋個美心Line Friends蛋糕,一班死佬話飽話飽,咪又喺專登揸程車落去元朗食B仔涼粉 。因為今次食海鮮揀頭輪,食完未夠8:30pm,所以,去到「佳記」九點未夠,等位嘅人唔多,我哋都喺等咗幾分鐘,老闆就安排咗張三連枱俾我哋 。除B仔涼粉,「佳記」仲有唔少招牌嘢,今次都睇準埋個榴槤糯米卷!雖然話門外等位唔多,但鋪內依然坐滿人。不過,攞位期間都發生咗段小插曲,因為我哋成13個人,兼大部份人有番咁上下身形,真喺要3張枱先夠坐。老闆先安排咗兩張,而另一張有個後生仔坐緊,無點嘢,一個人霸住成張枱,話啲朋友嚟緊,即時被老闆鬧啦 ,叫佢齊人先再俾枱佢。講真,「佳記」啲客流量超快,個個食十零廿分鐘就走,使唔使咁自私霸住啲枱呀 ! B仔涼粉 $72 對照舊年嘅食評,事隔一年多,都只喺由$70加到$72,絕對溫和,對番啲相,份量一樣咁大堆頭,唔會有種加你少少錢,但減去多多份量嘅搵笨現象 。唔使多講,一定B仔涼粉x3先夠我哋食,與其叫嚟食飯後甜品,我就覺得喺食飯後果喇。一排3大兜B仔涼粉,香蕉、奇異果、水蜜桃、蜜瓜、哈蜜瓜、西瓜、大樹菠蘿、椰果、蘆薈、木瓜、龍眼
對照舊年嘅食評,事隔一年多,都只喺由$70加到$72,絕對溫和,對番啲相,份量一樣咁大堆頭,唔會有種加你少少錢,但減去多多份量嘅搵笨現象 。
B仔涼粉
$72
47 views
2 likes
0 comments
原本喺想試榴槤糯米卷($42),可惜乜榴槤產品都無,退而求其次就喺芒果糯米卷。一盒有6件,橙色糯米皮本身已加入芒果汁去做,入口又煙煙糯糯 ,再捲住大大嚿原條芒果肉,芒果嘅香味實在澎湃香甜 ,而外層沾滿椰絲,椰香成為出色嘅襯托配角。
芒果糯米卷
$36
112 views
5 likes
0 comments
Post