當文歷餅店 by Dominique Ansel (Closed)

呢間嚟自紐約嘅餅店咁岀名相信都唔使多講，佢地嘅甜品都好精緻😍每一件都係藝術品🎨開咗咁耐都未試過，經過海港城緊係要去朝聖下！最近嘅主題係#當文歷甜品遊世界 ✈️🌍甜品有🇩🇪德國嘅黑啤、🇮🇹意大利嘅水牛芝士等，堂食之餘仲外賣咗俾屋企人，疫情咁耐無得去旅行，一於食件蛋糕止下癮啦～🇹🇭🥭芒果糯米飯 ($68)呢件芒果造型蛋糕賣相非常吸引🤩表面係糖漬新鮮芒果，而裏面就係糯米海棉蛋糕同椰汁米飯忌廉。雖然口感就未係好似，但一粒粒嘅椰汁米飯真係有驚喜😍味道就同真嘅芒果糯米飯相比可以話係一模一樣！🇫🇷🧀法國軟芝士 ($68)芝士控必試！😍呢件蛋糕用上布里芝士慕絲，配埋芝士牛油曲奇同芝士海綿蛋糕，真係「芝」味無窮🤩味道帶少少鹹香，就好似拎住成舊芝士咬咁好幸福，不過芝士味重食到尾就可能會有啲膩🤣🍴另外仲叫咗一個鹹點套餐，包一款鹹點同飲品🥐新桂香叉燒蛋牛角包套餐 ($88)牛角包偏鬆軟，不過少咗份脆感，切落去有啲鬆散。至於叉燒肥瘦不均，有啲過肥😟不過值得一讚既係個包牛油味非常重同香濃，而且🥚炒蛋非常滑溜，配上蔥花一齊食，整體感覺不俗😋🌼棉花糖熱朱古力 (套餐+$8)呢杯熱朱古力有個gimmick位🤩就係店員會係

呢度出名造型特別嘅蛋糕，好似紙包檸檬茶、菠蘿包、淡奶罐頭等，好有本地特色～我為咗試佢個檸檬茶蛋糕而嚟，可惜週末黃昏嚟到已經賣晒(太晏了🥺)不過都食咗其他甜品😋菠蘿包($65)個包🥯嘅外層係椰子慕絲，再包住菠蘿🍍(菠蘿包終於有菠蘿🤣)青檸熱情果醬，酸酸甜甜食落無咁漏，舊牛油🧈係海鹽馬斯卡彭忌廉，咸咸地，口感同味道都幾可亂真😂個底有啲脆，係椰子達克瓦茲，成個口感夾埋晒幾豐富芒果糯米飯($68)呢個甜品橙黃色，賣相好吸引🤩但係食落就無菠蘿包咁驚喜，味道就好似平時食嘅芒果糯米飯，但係口感唔一樣～外層嘅芒果醬包住椰汁米飯忌廉，中間包咗舊糖漬芒果🥭，幾開胃，加埋糯米海綿蛋糕，食落粒粒米飯，但就無糯米飯咁煙韌嘅口感，無咁易食滯🤣整體味道都唔錯～棉花糖熱朱古力($68)開頭見佢賣相幾靚所以叫咗，一送上嚟店員叫我哋錄影，影佢放舊棉花糖花🌼喺上面，等佢慢慢開花😍佢嘅朱古力味夠晒濃，唔會好甜，中和返甜品嘅甜度，推薦🤤環境﹕7/10抵食﹕6.5/10味道﹕7/10應該要加個賣相分😆：8/10

當文歷餅店開咗咁耐，有時經過會好多人排隊，所以都未試過，不過上網又成日見到人post啲好靚嘅相，又以香港特色美食造型，感覺幾有心思。今日嚟海港城決定買外賣試下！！原來除咗蛋糕之外，仲有酥皮撻、牛角包、三文治等等，都幾多選擇。今次就揀咗芒果糯米飯、椰子菠蘿包、檸檬茶同埋火龍果撻4款。全部都好靚，食得特別開心每一款都幾好食，菠蘿包就最有驚喜！裏面有菠蘿油味、少少椰絲，夾埋熱情果醬好有層次。翻兜指數超高！仲有芒果糯米飯還原度好高，亦有糯米飯嘅口感，唔太甜，可以自己食曬一個。總括嚟講，呢間餅店夠曬獨特，亦好比心機，真係值得一試！