泰小子 (Closed)

//< 泰小子 >小編呢排成日都見到人食泰式香蕉煎餅！！小編二人都冇去過泰國，所以都冇食過～ 然而香港竟然有賣就一於去試喇🤪————————————- 炙燒棉花糖香蕉煎餅 $45 -店員話呢一個係新品，推薦我地試呢個～ 棉花糖一共有兩種，炙燒過所以可以拉絲添😂😂 煎餅特別係邊嘅部份有脆脆嘅口感😯 因為佢朱古力醬唔會落得太多，所以即使棉花糖好甜，配埋夾住左香蕉肉嘅香脆煎餅都唔會過分甜～ 幾特別🥰————————————- 楊枝甘露 $28 -一拎到手完全係俾佢西米嘅份量驚艷🤣真係成杯都充滿住西米！！記得記得一定要充分攪拌，攪拌完會得到圖6😆 小編一開始冇攪拌覺得奇怪點解淨係飲到奶味，當我哋充分攪拌完之後是飲到好濃嘅芒果味，芒果粒粒都好多架😋————————————- 芒果糯米飯 +$35 -小編完全係俾佢花形嘅芒果糯米飯吸引咗所以買咗個😍 整到咁除咗好靚之外，食每一啖飯都一定會連住咗啲芒果肉🥭芒果都甜，糯米飯較黏，椰汁🥥唔會過鹹～ 正常之作😝————————————評分：7/10地址：屯門青河坊3號利寶大廈地下3號舖營業時間：12:00-23:00 #泰小子 #thaih

幾時先有得去旅行呀😫無得去旅行，唯有周圍去揾美食止止痕啦😉好彩揾到一間近乎喺泰國食到嘅味道，大家真係可以值得一試👍🏻🌰Nutella榛子醬香蕉煎餅榛子醬同煉奶都搽得好均勻，重點唔係薄薄一層醬，而係有一定厚度，唔會透薄嗰種！煎餅入口就有啲脆脆哋，𡁻落有淡淡嘅香蕉味，口感唔錯👍🏻但我略嫌香蕉味唔夠濃，如果多返少少香蕉味就完美嘞😍🥤泰式奶紅茶茶色靚、奶味濃、茶味香，甜味又適中！呢杯係我喺香港飲過最好飲嘅泰式奶茶💯唔會好似啲泰國餐廳咁一味死甜又無茶香味！真係幾好飲，唔錯😏🥭芒果糯米飯賣相好靚，芒果切得厚薄適中，而且芒果夠新鮮又夠香甜😋而糯米飯口感夠煙靭，但又唔會黐牙！以呢個價錢嚟講，份量都算十足！芒果糯米飯愛好者真係不容錯過🤩

無得去旅行，好掛住外國嘅特別小食，依加唯有喺香港捐窿捐罅食下唔同地方嘅嘢食，扮去咗旅行🙈 記得喺泰國街邊食過一個香蕉煎餅做宵夜，都幾難忘，但食泰國嘢嘅餐廳都未必有香蕉煎餅，估唔到依加屯門都食到～•🥢 Nutella榛子醬香蕉煎餅 $35呢到嘅香蕉煎餅都有唔同口味，有啲都加咗香港人鍾意嘅口味，例如紫薯、芝士火腿、蜂蜜芥末，都幾特別，不過今次揀咗暫時最多人推介嘅Nutella榛子醬～煎餅好薄，幾香脆，香蕉都壓扁夾咗喺中間，因為壓到好扁，所以唔會有香蕉嘅口感，但香蕉味都冇比Nutella遮晒，不過有返香蕉口感應該是會更加正😝～Nutella榛子醬鋪滿左整塊煎餅，再加埋煉奶，好邪惡！•🥢 芒果糯米飯 $38芒果切得好薄，排得好靚！芒果都幾甜，無渣，糯米飯幾黏，椰汁味幾香，不過淡咗少少。•🥢 泰式奶茶沙冰 $26呢個泰奶沙冰唔會好甜，凍冰冰夏天飲啱晒！沙冰中間有一兩粒大粒少少嘅冰，但整體都唔會太粗粒，不過可能天氣太熱，沙冰溶得有啲快，所以飲到最後啲沙冰溶得7788就會淡咗好多😢