熊貓甜品屋 (Closed)

向佐敦食完晚飯向openrice揾甜品舖, 就揾到遠少少既 熊貓甜品屋, 不過完全係值得, 因為熊貓實在太可愛啦. 依間全間都係以熊貓為主題, 無論牆身, 碗碟同刀义都係有熊貓既踪影, 成件事十分之少女.甜品種類唔少, 都好多人都叫椰皇系列~~芒果蜂蜜吐司伴雪糕球 ($46)好好味, 芒果雪糕球同芒果汁(加甜奶) 好重芒果味,  蜂蜜不太多,  而最重要既吐司就烤得好脆口,  不過件自家製熊貓曲奇就烤得唔夠耐, 好似唔係好夠熟, 而且冇咩味道. 

萬聖節的下午，我難得放下午假，於是決定去佐敦搵嘢食。在附近老麥食咗包薯條，週圍行下捉下精靈，行行下無意中見到有間好得意的店舖，在街對面已經見到熊貓啦，好似好得意喎~原來呢間舖叫做「熊貓甜品屋」，時間真係岩岩好可以食個Tea。門口側有隻大熊貓，翹起雙手，樣子很寸啊，呵呵。裡面的桌椅都印了熊貓啊~牆壁都有幾隻懶熊，好可愛哇~這裡禁止吸煙喔。因為有點肚餓的關係，我叫了兩個甜品及一杯凍飲。原來連餐具都是流口水的熊貓頭，好像都很想吃吧。XD這杯凍蜂蜜薄荷奇異果，味道幾鮮甜，也有一點薄荷味，和奇異果的鮮甜都幾夾喎。芒果蜂蜜吐司伴雪糕球，吐司叠得高高的，鮮黃色的芒果雪糕顯得非常搶眼，而前面巧妙地放了一塊熊貓曲奇，頓時增添可愛感。除了慢慢溶掉的雪糕球，吉士醬和水果佈滿整塊吐司，顯得相當澎湃。四件長條形的吐司，叠成一座吐司山，既有看頭，也十分鬆脆可口，沾濕了甜甜酸酸的芒果雪糕，亦都相當好味醒胃。仲有清新多汁的火龍果、酸甜軟腍的芒果肉、以及鮮甜的士多啤梨，多種味道交替著，頓時減去飽膩感，不經不覺我一個人便把整碟吐司全部吃光光。綠茶疏乎厘，上碟的時候整碟是熱烘烘的，上面焗過的那塊口感都幾香口。伴以一湯匙紅豆