夏茶

Open Now

Now Closed

之前睇到post 介紹呢間既椰子凍，今排天氣熱到咁，就去買黎試下啦～椰子凍有兩款，一款係淨椰子凍，一款就一半椰子凍一半芒果布丁，今次試後者。其實呢嗰真係集合所有DON'T喺一身既甜品，芒果濕熱，椰青寒涼，仲要凍食，不過食幾啖唔理咁多啦🤣🤣不過真係幾好食，椰子凍清甜，爽口彈牙。下面既芒果布丁，有奶香，質感細滑，甜度剛好。上面啲芒果肉都香甜，溝埋一齊食唔錯😋😋小店有咁既質素唔錯，值得支持👍🏻👍🏻

之前見到媒體報道 夏茶出咗個椰子凍，今日去到附近特登過嚟睇吓有冇得賣，本來都好驚摸門釘，但竟然唔使排隊😮 同舊舖嘅情況相差好多 估唔到呢 😮原來椰子凍都有兩款口味，其中一個就係原味椰子🤣，另一個就係芒果口味。我就叫左芒果味椰子凍拎翻屋企食～店員好方便地整都唔使整直接喺雪櫃就拎俾我啦～芒果椰子凍同大部分芒果甜品一樣，個面係芒果肉粒粒，下一層就係重點層椰子凍！濃濃既椰青味又唔會太甜，質感幾爽口，比大菜糕軟滑少少。之後就係比較Creamy嘅布甸layer，雖然個名叫做芒果布甸，又有睇得見嘅芒果肉，但係味道都係椰子味為主，唔知係咪因為白色嘅部份係椰漿呢？🤓總括來說，呢個甜品都係幾好食 而且佢份量好足夠，我同妹妹兩個人一齊食都好滿足～ 不過內裏嘅椰子肉係好硬淨，我用店鋪比既膠硬就食唔到既🙈