小胖台灣便當 (偉華中心)

Open Now

Now Closed

食餐台灣便當當去一轉台灣黎到要排隊職員有禮安排同指示都十分清晰先係counter 買野食再入座 侍應會根據客人手上嘅號碼牌送餐揀左台灣鐵路大排骨便當 加左$12升級南部滷肉飯份量十足 排骨好大份 配埋粉絲 蛋角 好豐富不過老實講 滷肉就比預想中少 而且味道唔算太出色 但就唔太油 唔會搞到啲飯油林林另外就仲叫左麻辣鴨血肉燥寬粉麻辣食得好過癮鴨血滑溜 吸晒啲麻辣湯 成碗總共有5、6舊寬粉唔同平時米線鋪個啲又闊又厚嘅寬粉依到係幼啲同薄身啲個款一樣有煙煙韌韌嘅口感而且掛湯能力十足十分出色唯一唔好係個碗對我黎講太高身 有啲難夾啲粉同𢳂湯 同埋成碗得4粒肉燥另外每個餐可以加$14追加小食揀左鹽酥雞同脆地瓜鹽酥雞不過不失 香脆似普通炸雞粒地瓜本身唔太甜 但加左梅子粉又唔錯飲品就揀左焙茶同埋蘋果茶焙茶茶味濃郁 食左咁多野可以消消濟而蘋果茶就好香蘋果味 好似平時紙包飲品蘋果綠茶咁 但依一到嘅就冇左個種死甜 十分之清香 都係一個唔錯嘅選擇

沙田新城市廣場行過少少嘅偉華中心搵到一間唔過$100嘅台灣食店，實屬感動🥲🥲 三杯蜜汁烤雞扒湯麵🍜 $58蜜汁烤雞扒好大塊，肉質易咬開，蜜汁味算重。而湯麵就較普通，味精味濃，麵太淋，不過有條菜，都算係咁啦，仲包埋一大支茶，絕對對得住個價錢。 除咗湯麵，仲有便當，而嘢飲方面仲有其他選擇，喺沙田來講性價比算係好高，$58嘅餐，食物質素唔差，包嘢飲，有位坐，份量多，我最後都食唔晒🤣🤣🤣 下次再試其他😊😊

沙田一間CP值超高每日都要排隊嘅台式便當，就算飛唔到台灣，係香港都食到正宗好食嘅台灣便當專員帶埋屋企人黎食，有野飲嗌埋小食，3個人埋單先＄２４２，平均一個人先＄８０● 逢甲香烤豬軟骨便當 + 芙香蘋果茶(凍)餐廳好大方，便當大大份，醬烤豬軟骨好入味而且好淋，唔洗特別用力都咬得爛豬軟骨白飯用上珍珠米，食落每粒米都好有口感，水份充足配料上有粟米，蓮藕，紅蘿蔔絲，雲耳，青瓜，青菜，蛋皮一啖飯，一啖配料，再加一啖豬軟骨，簡單撲素，但味道係最直接最好食● 三杯蜜汁烤雞排湯麵三杯意思係麻油，米酒，醬酒各一杯，店家調教嘅比例可以講話岩岩好唔會太咸 ，酒香唔會太嗆，麻油味唔會太濃再加上表面有蜜汁，再加多一層甜甜地嘅味道增加層次雞排好大塊，煎得表面金黃香脆，肉質依然保持到嫩滑麵質細幼，係同台灣食到嘅麵條一樣口感● 芙香蘋果茶冷/熱飲品唔洗加錢，但凍飲係會大大樽送上餐廳呢隻芙香蘋果茶雖然係茶包 ，但專員覺得好飲到直頭想問下店家係咩牌子嘅茶包蘋果味香濃好突出，就算咁大樽都一樣咁好飲咁香● 熱金橘檸檬茶茶底香濃，金橘味香唔澀，加埋檸檬嘅清新香味，食飯前飲一啖好開胃跟餐追加小食＄１２● 盬酥雞不過不失，雞件唔細