糖坊

Open Now

Now Closed

放假去天水圍探朋友，約埋一齊去食下午茶，朋友話想食甜品，於是就去咗佢屋企附近嘅甜品店。芝士奶蓋開心果鮮奶見到成杯都係一深一淺既綠色就知道開心果味勁濃郁，一飲落口開心果味爆曬出嚟，即使已經飲咗落肚，開心果味仍然喺口腔中迴盪。如果鍾意食開心果嘅朋友一定會愛上依一杯開心果鮮奶！超多芒西米露杯底裝滿甜甜嘅芒果，西米亦都超足料！芒果非常香甜，飲落亦都充滿椰汁味，芒果加椰汁真係非常之夾！芒果世界(糖坊四號)杯底佈滿西米而表面亦都有非常多嘅芒果肉同埋芒果脆粒，芒果脆粒亦都豐富咗口感層次。每一啖都係非常濃郁嘅芒果味，啱晒鍾意食芒果嘅朋友。整體味道唔會太甜，甜度啱啱好。雙重焦糖咖啡牛角包窩夫擺盤非常精緻，材料好豐富，啱晒同朋友一齊share。兩大件牛角包窩夫，上面鋪滿左勁多有勁多咖啡味cream 同Lotus餅乾碎。牛角包窩夫好鬆脆，口感外脆內軟，配埋咖啡味cream一齊食，甜度啱啱好。仲有朱古力雪糕、迷你雪糕筒同黑糖珍珠！朱古力雪糕朱古力味香濃，黑糖珍珠非常多，口感煙煙韌韌。

又嚟到天水圍，未諗到嗰度出名食乜，但有間甜品店唔聲唔聲，又幾有驚喜3點下午茶時間啱啱好開門，就走入去食佢地嘅Croffle非常澎湃，滿滿開心果cream，調製得好香口，唔會太膩Croffle壓得好有烤烘香，仲有令人好懷念嘅糯米糍，同埋開心果cone仔估唔到而家仲食到好甜嘅芒果，呢杯芒果世界有齊芒果雪糕、芒果肉、芒果凍乾同芒果乾mix埋一齊係幸福大同，啖啖芒果好滿足飲品都好正，呢杯開心果鮮奶花紋勁靚，面頭嘅芝士奶蓋好香綿，鮮奶唔會溝到好甜，啖啖都係開心果嘅果香，仲有啲nuts有質感呢杯芒果西米露都好足料，好多芒果肉同西米露，但又唔會好滯，而且甜度拿捏得非常好，仲好有層次

好耐冇食過糖水了～ 收工獎勵吓自己，甜一下先🤪 呢間糖水舖認真幾骨子，麻雀雖小，但係款式就十分多🤣 中式、西式、飲品、小食，都係樣樣有齊，總有一款啱你心意💓1️⃣ 雙重開心果牛角窩夫🧇嗌咗個即叫即整嘅牛角包窩夫，一份有兩件，除咗有開心果味嘅ᴄʀᴇᴀᴍ係面之前更加舖滿哂開心果碎碎🤪配埋雲呢拿味雪糕同煙煙韌韌嘅麻糬一齊，太正了👏🏻 2️⃣ 台式奶茶雪花冰💠夏日熱辣辣食雪花冰涼浸浸最開心💓 除咗有得自選配料之外，更加有得揀要加奶蓋或者榴槤肉😚我就加咗勁邪惡嘅奶蓋，將唔太甜嘅奶茶雪花冰配上鹹鹹地嘅芝士奶蓋同曲奇餅雪糕，有驚喜🤩3️⃣ 超多芒西米露🥭芒果系列唔可以錯過～ 平時食嘅西米露都係一碗碗，呢到嘅就係一大杯，濃濃嘅芒果味加埋細細粒滑捋捋嘅西米😍芒果份量係超級多😋4️⃣ 芝士奶蓋開心果鮮奶🥛新出必飲，超濃郁嘅開心果味🤪強烈建議要先啜芝士奶蓋同開心果碎碎，勁正🥰呢杯飲到最尾都唔會話味道會變淡咗，抵讚🫶🏻