Uncle Tetsu's Cheesecake (Closed)

芝士撻曾經成為飲食界一時熱話，現在熱潮稍為冷卻了，不需再大排長龍...放工經過位於銅鑼灣的日本人氣蛋糕店Uncle Tetsu's Cheesecake，以前就試過這家的日式芝士蛋糕，今次就試試芝士撻 ($16/個)~包裝完全把日本那套搬過來，精緻又可愛 *v*今次買了原味芝士撻和抹茶芝士撻，不過因為紙盒裡面沒有另加卡紙分隔，經過舟車勞頓後，拿到家有兩個表面都爆裂了 >.<返到家都不熱了，不過即場買時也只是微暖而已...原味芝士撻做到流心效果，柔滑creamy，芝士味甜中帶酸香，餅底就不算很脆。抹茶味芝士撻同樣也有流心，留下淡淡抹茶香，紅豆也不會過甜，豐富味覺層次，甜膩度比芝士撻為低。這間芝士撻size 勝在份量足夠，不算太迷你，一人一個已經剛剛好。

一路以為尼間野得芝士蛋糕賣，但最近係團購見到60蚊有6個芝士撻/綠茶紅豆撻，就買左黎試下。size都算合理，唔會好細個。先講芝士撻，味道係甜甜地既cream cheese,,有少少酸味，叮左之後食，中間做唔到流心效果，唔知如果即場食會唔會流呢？個撻皮過左2個鐘叮返都仲脆，講真以10蚊一個黎講合格有餘。另外仲有綠茶紅豆撻，綠茶味好濃，濃到有d苦，紅豆都算多，不過我覺得有d硬。好多鋪頭都有綠茶撻，不過有紅豆都係第一次見，所以都幾新奇。值得讚既係2個撻唔會太甜，以團購10蚊一個黎講，真係好抵，值得一試。原價就16蚊一個，以日本品牌黎講，價錢都算合理既。