Morokok (家樂坊)

Open Now

Now Closed

呢間摩洛哥風情泰式fusion餐廳，環境大，每枱不會太近，坐得都幾舒服，而且食物好食，佢唔係傳統嘅泰國餐廳，有啲fusion菜嘅感覺，呢個餐廳仲有cocktails，可以邊飲酒邊食泰菜。

原來星期六都有LUNCH 同TEA SET，價錢唔算貴，不過無我想食嘅野，所以散叫。用某個APP訂枱嘅話單點食物有半價，但每人要柯打一杯正價飲品，同埋半價不包括蛋糕、龍蝦類嘅產品。玫瑰Latte $42裝得好滿，職員已經行得好慢、又好小心咁送上枱，不過都流左少少出嚟🙊；咖啡味偏淡、玫瑰味好出，唔算好甜，我覺得係三杯入面最好。焦糖Latte $42本身以為會有焦糖面，但原來賣相同普通Latte無分別。比玫瑰果杯甜少少，咖啡味一樣偏淡。凍Mocha $46朋友唔中意熱飲，但我個人覺得熱飲應該比凍好味。呢杯咖啡味多D，唔係好甜，仲有少少苦。炸蝦餅 $78一客有6件，每粒都係完整一粒，唔係一分為二果D；新鮮炸出嚟，非常熱；自己最中意點佢個偏酸嘅橙色醬。蝦味唔重，口感亦唔係彈牙，應該溝左D麵粉，所以味道同質感都唔係泰式餐廳果D。芝士焗蕃薯條 $88用鐵板上枱，所以好夠熱，芝士亦可以拉到絲，而且好芝味。粗蕃薯條無得輸，好蕃薯味，而且外脆內軟😋。乾炒大蝦冬蔭公螺絲粉 $148有三隻彈牙大蝦、偏酸唔辣嘅醬汁、三隻螺絲粉、配料仲有草菇同甜椒，個組合無問題，但完全稱唔上乾炒，個碟底起碼有3湯匙油....😨

旺角鬧市中央難得有一間環境寬敞嘅餐廳，陽光由大玻璃照射入店，大大增加室內空間感，亦令人猶如身處草地上用餐般舒適。雖然已經第二次到訪，但無論環境、服務及食物質素都依然保持水準。今次小食叫左🍟芝士焗蕃薯條($88)強烈推薦芝士控要Order！拉絲效果實在令人口水直流，忍唔住同朋友嚟場拉絲battle！帶天然甜味嘅蕃薯條炸得香脆，芝士鋪滿蕃薯條上，一擺入口濃郁芝士味率先跑出，而蕃薯條嘅甜味正好中和油膩感，個人覺得係必點之一。主食分別叫左🍕野菌巴馬火腿黑松露薄餅($158)同朋友大力推薦嘅🍚蒲燒鰻魚海膽意大利飯($168)薄餅一上枱已經傳出陣陣黑松露香味，餅地屬薄脆批類型，脆到好似餅乾咁，就算食多幾塊都唔會好頂肚。巴馬火腿同火箭菜佈滿薄餅，再配合黑醋醬，味道清新。又有饅魚又有海膽嘅意大利飯用依個價錢食到都算CP值高。朋友介紹一定要試佢地依款飯，因為饅魚煮得好食，而且海膽鮮甜。由於我唔太識食海膽所以唔詳細評論，但口感係滑口同無苦味，幾好食。鰻魚亦如朋友所講，煮得啱啱好，又軟又入味。佢地嘅意大利飯煮得唔會過硬同過軟，有咬口之餘唔會整到變糊仔，有飽肚感！既然佢地出名食泰式野，甜品當然要試Mango