大喜屋 (Closed)

是日與家人一行8人打算招待親友來到大喜屋食放題。小妹都係第一次食大喜屋，但早就聽過朋友推介哩間放題正，但因為晚市人多就揀左中午黎食!! 今餐因為等待親友到來，一點坐底，兩點先人齊，好彩中午放題係無限兩小時，一開門到三點都係任食! 算係咁啦 !環境舒服! 明顯係走高檔路線，平日人唔多! 位都好寬鬆!刺身新鮮，特別強烈推介極大海老，鮮甜到極，值回票價!而其他北寄貝同螺片都好新鮮!剌身款可能唔算太多，但每樣都足料厚切，未見有叫左唔黎的現象。一行8人邊傾邊食，天婦羅等炸物很新鮮，炸蝦的肉仲係脆，油係金黃色，小妹諗油應該係定期換所以炸物唔會太老! 熟食方面握介日本烤薯，細細塊唔飽肚但好甜不過同樣地，小妹試左烤鰻魚，小妹覺得肉就夠厚身，但調味料略嫌太甜，或者其他朋友喜濃味都會岩食。另外，創作壽司細細舊幾得意，唔會「濟」之餘可以試多樣野，小妹欣賞蝦類，夠新鮮。而芝士焗蠔係大喜屋的賣點，其他放題店應該無，焗蠔還可以。食完每人得到一杯「季節限定」雪糕，小妹食左哈根達斯，親友食左milk top !

朋友介紹下去左呢間放題, 聽聞很好食的, 一於上去試下!首先佢真係限兩個時段, 你一定要跟佢指定時段食飯, 我地吃左早輪 6pm 至 8pm,唔洗等位, 但真係超多人, 超迫order 了很多野食, 首先來到的是一大盤刺身, 量真的超多, 亦很大件同很新鮮! 大虎蝦刺身真的要推介, 很大隻, 很鮮甜!三文魚刺身亦都很肥美!另外推介的是這款芝士焗蠔, 不過等候時間很長, 要不停追單才出很濃芝士味, 但蠔就比較細隻另外有不同款的炸物, 都很美味, 有吉烈蝦, 炸蠔, 炸年糕~238一位, 都算是抵食!