丼瀛 (Closed)

同老公慶祝結婚六周年紀念，老公book咗呢間喺觀塘中海日升中心嘅日本菜，地點方便就喺駿業街街市對面。丼瀛位置唔起眼，要上一層電梯再轉彎先見到。本身book 6:30 ，遲咗10分鐘去到，好彩仲有位，坐低已經八成滿，離座時全場都滿座。本身係想點十道風味，侍應推介不如試吓12度風味一上菜見到好新鮮刺身用12個shot杯精緻咁裝住，下面可能墊飯或沙律菜，每一個都好好味，刺身都非常之新鮮清甜。然後另一個招牌菜係天龍卷，味道好好，用天婦羅炸蝦模仿龍嘅形狀砌成嘅壽司卷，蝦頭都好脆好好味新鮮多膏。另外點一個赤背刺身，好大隻非常新鮮清甜。芝士焗蠔相對失色，芝士味濃郁，蠔就唔算係最新鮮，但對得住個價錢。香檳葡萄特飲味道好好，唔係藥水味嘅葡萄果汁。服務方面侍應非常殷勤，有詳細介紹或推介招牌產品，非常快嘅速度收碟。一坐低就擺低兩杯熱茶。我哋兩個人坐左一張四人枱，所以非常寬敞，坐滿人都算熱鬧，但唔算太嘈吵。以慶祝周年紀念來講，都係一個唔錯嘅地方。下次會再幫襯加油！

今日收工約咗朋友喺觀塘食飯，決定去呢一間 丼瀛J-City 食飯！餐廳嘅裝修好靚，有靚靚嘅燈牌，仲有公仔嘅裝飾！入邊空間座位都好大，餐廳食物有質素，而且性價比高，份量十足！築地壽司杯超有心思嘅精美壽司杯，一共有六款不同刺身壽司。包括三文魚、海膽、甜蝦、蔥吞拿魚腩、黃金魷魚、松葉蟹肉，刺身都係新鮮送上，特別係三文魚係厚切上！！大愛！！蟹肉忌廉芝士拉麵日西合璧嘅美食，係是日精選，超有驚喜！一上碟嚟到就要即刻襯熱食，會嗅到超香嘅忌廉芝士，一入口會食到香甜嘅忌廉同蟹肉嘅鮮甜味，最意想不到嘅係配搭上日式拉麵，完美地配搭出全新口感，非常好食！蛤．味噌湯十分足量嘅味噌湯，非常鮮甜！明太子醬燒玉子玉子上面搽滿明太子醬，味道有層次感，會先食到少少明太子醬嘅鹹味，然後到玉子嘅甜味。串燒牛舌燒到剛剛好，啖啖爽脆嫩滑唔會韌，有口感！ 銀鱈魚西京燒肉質非常鮮嫩，調味剛好！燒得好食！芝士焗蠔焗到剛剛好，芝士忌廉好香好creamy，生蠔超肥美！必點！今晚大飽口福啦！值得一提，係佢哋門口見到有好多款嘅午市外賣便當，都好抵食，一於下次試下叫佢哋嘅外賣便當返去食！

朋友話想食新鮮刺身魚生，講真以我印象中食過咁多間日式餐廳中最新鮮莫過於呢間丼𤅗！🦐阿根廷赤蝦壽司哈哈😆嗌呢件壽司嘅原因就係阿根廷🇦🇷贏咗世界盃，要食住呢個勢去慶祝一番。赤蝦好甜，口感夠柔軟👍🏻🍤天龍捲嘩！隻蝦好大隻呀！仲要炸好脆！每一件天龍卷上面都包住厚厚嘅三文魚，雙重口感，又脆又軟😋加上獨有特色醬汁喺每一件天龍卷上面，就算唔點豉油都夠哂味，正👍🏻大家唔好錯過個炸蝦頭呀！蝦頭入面好多蝦膏，好香好甜😋🐟花之戀兩塊厚切三文魚，花之戀嘅size啱啱，唔會太大舊，飯又唔會太硬太實！🌯三文魚手卷呢舊手卷紫菜夠脆，裏面嗰舊三文魚可以食到最底，夠足料👍🏻用料十足🐠海膽油甘魚丼超新鮮😋有三塊厚切油甘魚夠肥美。海膽鮮甜融化喺口，齒頰留香😋😋😋加上呑拿魚魚腩蓉，好味到呢😘🦀軟殼蟹野菜米紙卷米紙內包住好多沙律菜，食落好清新！可惜我嫌軟殼蟹略少，食來食去都好似齋食沙律菜，味道係唔錯，只係食唔到軟殼蟹嘅口感。🧀芝士焗蠔芝士夠creamy又夠哂香，隻蠔夠哂大隻！咬落夠多汁，夠哂味👍🏻

觀塘真係好多高質既餐廳,依一間丼瀛都好近APM,而且餐廳大又有好多選擇,講得出既日本食物都會有,今日點了店員介紹既食物,依度既店員好有禮貌同耐性。刺身:北寄背及三文魚腩: 三文魚腩真係好正,好肥美而且鮮甜精選熱食及串燒甲羅燒:好夠蟹膏、足料、好味海膽包天婦羅:海膽真係好正,而且熱食都不差三文魚鰭:香脆可口而且好新鮮其他仲有:羊肋串、鍋燒烏冬、芝士焗蠔,真係超級豐富同滿足。最後仲食左個甜品泡芙,真係好完美,好開心。餐廳既選擇真係好多,真係好想試多點不同款式,不過真係太飽了。下次再來。

觀塘真係好多好野食🙈🙈諗住簡單食餐日本野，但呢度除左menu 多選擇外， 質素仲好好， 性價比好高👍🏾真心有驚喜😍😍😍🥗先黎個溫室蕃茄豆腐沙律，豆腐同蕃茄擺盆排得好有心機， 沙律沙亦好新鮮😌😌🦪🧆熱食之選有芝士焗蠔，濃厚芝士忌廉覆蓋住隻肥美生蠔黎焗， 完美配搭🥰 和風豬頸肉燒得爽滑唔乾身，而且仲大大份， 一邊傾一邊逐片逐片食啱晒😝🍣牛油果軟殼蟹卷卷面舖滿牛油果溶， 入口香滑😙🍱食日本野點少得魚生、 壽司， 特上九點壽司盛盒啱晒人少少又試多啲款魚生，魚生夠新鮮，鮮味十足👍🏾🤭🦀最令我地滿足係松葉蟹肉甲羅燒丼，鮮味嘅蟹膏蟹肉， 真係無敵🤤🤤🤤🤤連蟹蓋剩下少少嘅蟹膏都唔放過🙈🙈好味到一啲都唔想浪費10月份適逢10週年慶🎉🎉店員話只要show 到現金券張相，及like FB/follow IG ， 就可以有優惠😍已經諗定幾時再黎食好野🤭🤭

💛 #觀塘 #丼瀛又同家姐喺觀塘揾好西食😋 今次我哋嚟到中海日升中心一樓嘅呢間日本餐廳「丼瀛」，呢度嘢食種類超多，價錢都唔貴，餐廳環境佈、播嘅歌曲都賞心悅目💛💛🐠 季節空運五點刺身盛 （$398）見到openrice好多推薦，我同家姐即刻叫咗呢個刺身盛，果然係好特別🤩 師傅將橫筋笛鯛切成超薄嘅薄片，片片透明，堆砌成一隻鳳凰嘅形狀，好靚！ 呢個橫筋笛鯛配上酸酸甜甜嘅柚子醬汁、蔥花食好甘甜香口😋 其他四點刺身分別係油甘魚、三文魚、鮮帶子、赤蝦，四樣都勁厚切勁肥美，食完之後魚香嘅油脂充滿口腔，超香！🤪🍣 加州反卷（$48/4件）加州反卷裏面有玉子、蟹柳、青瓜、牛油果，用紫菜包起再加上壽司飯同蟹子，再沾千島醬食，perfect!😋🦪 芝士焗蠔 （$38）芝士冇想像中漏，一人一隻唔怕肥！🥟 日本魚皮蝦餃 （$38）炸魚皮蝦餃幾特別，咬得出魚皮嘅煙韌，但又有啲脆口，入面隻蝦都幾彈牙！👍🏻

第一次去到中海日升中心覓食，原來呢度都幾多嘢食，係一個好好既觀塘覓食點。環境唔算高級豪華精緻，係普通到唔普通，餐具都係普通黑色膠碟膠筷既日式餐廳。不過!!!食物高質喎!!!絕對媲美高級豪華既壽司刺身店!大推佢呢度d刺身。我地叫左:季節空運5點刺身盛 $398(廚師發板空運魚半條，油甘魚2切，三文魚2切，帆立貝1隻，赤蝦2隻)赤蝦大大隻，超級鮮甜，好味到連個蝦頭都食清埋。油甘魚、三文魚、帆立貝全部都好厚身，超級新鮮。最正就係廚師發板空運魚。切得好靚，仲要砌到成隻鳳凰咁，個presentation好得!!另外一讚就係呢度既service，店員特登介紹今日既廚師發板空運魚，係魴鮄。(仲好nice寫畀我哋睇個字點寫lol)特登拎出黎俾我哋睇本身條魚係咩樣，又細心介紹。魴鮄屬於白身魚, 粉紅與白色交集的魚身肉質紮實、富彈性，軟滑緊緻，味道唔算好濃，但清清甜甜好好味。另外仲叫咗芝士焗蠔，同銀鱈魚乾，送啤酒一流!!!所以千祈唔好睇店面裝修普通，食物高質，絕對值得一試!!