熨烤達人 (Closed)

3個人叫咗咁多野食，飽到癲，好彩有細佬包底😂😂·•叫咗個2人燒烤set($498)。豬牛雞都唔錯，有細佬燒埋真好☺️•芝士炸雞($118)。滿滿既芝士，芝士卷住d炸雞一齊食，好正🤤•泡菜芝士餅($68)。睇圖以為細份d，點知咁大份！熱辣辣好食，食到泡菜味•牛肉飯卷($68)。咁多樣野算係最清😂😂印象中係正常•芝士燉飯($68)。我自己麻麻地🙈•雪濃牛肉湯($108)。同韓國個味真係好唔同，韓國個味會淡d，e個加埋個飯一齊食都唔錯👍🏼

成日經過呢間都見門口有好多人幫襯~一直都好想試下~今日終於有機會黎食韓燒舖頭入面啲裝修好靚好得意~啱哂啲鍾意影相打卡嘅人一定好容易影到靚相一入門口就要探熱同埋用酒精搓手液呢間餐廳好方便可以將隨身物品放喺櫈裏面而且櫈裏面有膠袋套住唔怕污糟啲五花肉好正~肥瘦啱啱好~燒到個皮有少少燶邊真係勁好食啲雞翼係一字骨食起上嚟好方便又容易啲熟啲味調到啱啱好啲牛肩胛肉同埋牛舌雖然冇醬汁醃住但都夠味反而唔會太鹹太濃味正朋友要飲酒叫咗一支真露幾個杯大家share呢個自暴自棄速食麵勁得意放喺架車上面不過如果你嫌佢架車阻住啲位你可以同佢講唔要架車雞翼同蝦卷同埋芝士燉飯呢3樣熟食都好ok我哋幾個都覺得好好食而且好夠飽一定會再幫襯

補祝朋友生日食韓燒只可訂晚上六時的枱，其他時間只可walk-in 之前來過知道要等位，所以今次早點收工七點來到等一張枱，大約7點半有位拍下門外的裝飾，消磨一下時間商場位置闊，等得幾舒服每一張櫈都有公仔做裝飾內有黑色膠袋供人放袋，記得以前來没有膠袋有了感覺乾淨點另外，餐廳有膠袋供應客人放口罩貼心服務室內不少掛畫及裝飾，感覺環境好輕鬆食得好自在食物上得好快，而枱面又較細，前菜任食芝士燉飯：來到要即刻食，芝士凍左開始會硬，飯有微辣，飽肚之選炸蝦飯卷：最好味是沙律醬，蝦有點淋左，不太抵食如果爐邊蛋要任食，至少需要叫一個燒肉餐或四份可燒的牛舌：沒有調味，要依靠點醬汁，最好有少少鹽吊下味牛肩胛：我們燒得熟了點，但牛本身味道不出，都是加點鹽好點自暴自棄麵：侍應落枱時，問我們要不要架車要了，用來拍照，拍照後即還車想不明白車的用途是什麼。自暴自棄麵就是公仔麵加了點芝士的撈麵，有半熟蛋及芝士腸。吃了有點浪費quota真露：人大了接受到酒精的苦味，第一次飲，不懂評價.服務很好，侍應的反應很快

先祝大家🐽年快樂！今日年初三同男朋友去拍拖食好d啦，點知食到半肚氣！我地7點4去到拎飛，點知等左足足一個鐘，8點4先入得去食，最差ge係眼見遲過我地拎飛果d人都快過我地入座！原因係人地都係3人或以上，而餐廳裡面2人枱只有4張枱，其餘大部分都係3人以上的大枱，感覺上好唔公平，點解唔可以靈活小小呢？餐廳環境潔淨，座位之間寬闊，坐得舒服，細心位係有儲物sofa登可以放野，咁就唔怕袋同外套食到有陣味。職員先倒半邊蛋漿，一定要加碎芝士和粟米落去煮，因為蛋味本身偏淡。記得上次食炑八，d蛋漿係可以無限添加，點知呢到添加係要再加錢（半邊$30\全邊$50），仲要係唔包多份芝士粟米，感覺好唔抵所以就冇追加。特級雪花牛$108有6片牛，質素對得起價錢。脂肪分佈平均，燒完之後牛脂香，牛肉味重，不過多食會膩。芝士燉飯芝士味沒想像中咁重，屬於偏淡，好處係食完都唔會覺得膩。真係拉絲架！野蠻奶奶雞全晚最好味ge就係呢個野蠻奶奶雞，我地叫左大辣，湯底莣味又唔會太辣。雞件份量都算多，建議大火煮10分鐘就夠，如果唔係肉質會煮鞋左。入面都多蔬菜菇類，仲有粉絲，健康而又飽肚。