Lady M (Closed)

Lady M lunch set既主菜質素令人相當失望叫左個3 courses ($198),主菜要左忌廉粟米周打湯貝殼意粉,一見到賣相覺得比較似係罐頭粟米湯粉,食落去味道亦覺得似係罐頭開出黎，完全俾主菜個名呃左。Lady M收呢個價錢，但價錢卻有負食物質素。其實佢大部分既主菜都係澱粉質再加食材費用相對便宜既蔬果素菜，$198既價錢應該好大部分係交租。不過，雖然主菜咁令人失望，個前菜都還可以，起碼烹調方面應該要d技巧。我不嬲都鐘意Lady M既千層蛋糕，甜品要左開心果千層蛋糕試下，但可惜開心果味唔似伯爵茶味咁突出，唔講都唔知食緊開心果味...

最初認識LADY M梗係因為佢哋嘅千層蛋糕。試過第一次之後就愛上。無論邊一種味道，食落都係咁fresh, 味清甜 (除咗近期嘅竹炭味膩咗少少......)。又不時推出啲期間限定味道，攪到不得不久唔久去下。自從某日試過佢哋嘅熱食，發覺去LADY M唔再只係為食甜品。無論小食或主菜，都同蛋糕一樣味道係剛剛好唔會太濃味；賣相精緻，上枱時熱度非常足夠。而所有菜式都唔含肉類，每當想食西式素食，就必然會去哩度。以下係集合幾次嘅相，唔逐樣介紹喇，反正叫邊樣咸/甜食都no regret!