Sixer Burger (Closed)

經過朝十晚七的打工仔非人生活, 解決了一堆又一堆的問題後。本以為「輕輕鬆鬆又放工！」朋友, 你想法未免太簡單了。「今晚食乜餸呀？」當聽到太太的發問後, 終於意識到, 晚餐才是要面對的最大難題。「行到邊, 食到邊。」經過多年戰役後, 發現的最佳解決方法。芝士磨菇汁牛肉漢堡 $68今晚最後工作地點在荃灣。一如以為秉承行到邊, 食到邊, 於是就來到千色匯的Sixer Burger。餐廳採用歐陸式風格裝修, 簡潔整齊。漢堡包表面稍為烤焗, 口感微脆。牛肉十分多汁但味道偏淡。套餐同時搭配即炸大大條薯條。

漢堡店愈開愈多，對食客而言都係好事，漢堡除左係快餐，仲可以係正餐。週六去左荃灣呢間漢堡店試下，小店就喺千色匯，我地去到嘅時候尚早，到6點半左右都已經坐滿客人~不過，食漢堡就唔會話時間好長，所以翻桌夠快，唔會話要等好耐。小店用船為題，裝潢以藍、白為調，牆上嘅船舵、門外木桶配合主題。鋪面空間感足，雖然位置唔多，但枱與枱間唔會話好逼狹，以食漢堡嘅小店而言，都坐得幾舒適。Sixer burger主打漢堡，分別供應7款漢堡、1款熱狗、全日早餐、幾款小食，晚市仲有3款意粉。芝士磨菇汁牛肉漢堡 $68 + 薯條&汽水 $18所有漢堡都可以附加薯條/沙律、汽水($18)~即叫即做，需時等候。店員話芝士磨菇汁牛堡係hot item，所以點左呢款。漢堡賣相唔錯！（我仲諗起某龍蝦專門店嘅擺盤）薯條係男朋友鐘意嘅粗薯，現炸，脆卜卜，其實幾好味，不過食到尾會有少少硬身~佢地嘅漢堡包採用類似豬仔包嘅款式，比較特別啲，食落脆脆地，有別平時食burger嘅口感。牛肉漢堡份量唔少，雖然牛有牛味 (廢話)，略嫌唔夠肉汁，比較乾身。芝士嘅份量都冇預期中澎湃，有待加強。磨菇汁若然能夠稠身啲更好。下次黎試下其他款式！全日早餐