euro go go

Open Now

Now Closed

今日路過呢頭，就係呢度食lunch啦。佢地經營模式同ME.N.U一樣，都係要俾左錢先有人送野食俾你。今次食芝士肉醬辣意粉、蒜蓉包同忌廉朱古力。可能未到食飯時間，都唔係太多人。等左一陣，就有野食啦。個蒜蓉包跟餐加5元，好夠味同好脆。但係下次都係唔加啦，都唔係太抵。個意粉面頭都幾多芝士，真係幾有心機製作。肉醬味幾濃，而且有小小辣，更顯惹味。表面上份量唔算太多，但食完之後真係好飽。個凍朱古力個味就OK濃，個cream先係主角。我初初以為忌廉係噴射忌廉，原來佢地用蛋糕所唧既cream。如果就咁食就真係好甜，但溝埋凍朱古力就剛剛好啦。總結來說，雖然佢地係西式快餐。但係食物質素同服務絕不遜色於餐廳既，如果價位可以低番小小就更好啦。講到咁，實有下次既。