和氣食堂 (河畔花園)

Open Now

Now Closed

每次夜晚經過沙田河畔都會想試一試呢間日整野 但因為次次都好多人既關係 所以卻左步 但今晚難得地可以等左15分鐘就入到去 所以其實都幾期待睇個menu其實都好多選擇 但女朋友今晚唔太舒服 所以就同生冷野無緣啦 不過唔緊要 仲有好多吸引既野食order 第一道order既野食就係芝士厚燒玉子（$42）市燴d計就差唔多係10$ 一舊 但係我都覺得性價比唔錯 因為塊芝士燒熔左落去舊玉子到 食落好creamy 好滑 而且玉子整得唔老 岩岩好第二道菜就係千迴火鳥三隻 （$38） 火候唔錯 雞亦都外焦內嫰 仲辣辣地 跟住就係石鍋鏝魚炒飯（$108） 塊鏝魚幾大塊 同埋每一啖飯都炒得好均混 兜到個飯成個都有濃香既鏝魚汁味成餐飯最正既都係呢道芝士軟殻蟹卷（$58）個人認為係必食 軟殻蟹新鮮炸出黎 超香口 同時配塔埋沙律醬同埋蟹籽黎食好夾 個口感好rich最後2個人食左350$ 食到好飽 結果要打包走 剩左半個飯 所以下次黎會叫少一樣野食 呢間野真係大件夾抵食！

呢間和氣食堂，經過好多次，今日出完trip 返黎就同女朋友去食餐好既。7點黎到都要等一陣位。如我標題所講，選擇多到癲左。咁厚既餐牌我都第一次見。最誇張係魚生飯既選擇，不過我地想食d 熱辣辣既，所以最後係揀左石煱飯既。先黎既係叫電擊雞翼，咁奇怪既名堂，有睇開我食評既朋友應該都知我最鍾意叫埋呢d 怪名既野食。佢係凍冰冰既單骨雞翼，上面有層糖，味道都幾特別，開胃既前菜。之後上既明太子醬天婦羅炸蝦，d 蝦好鮮好彈牙，同埋好大隻，jeng!呢個石煱鰻魚炒飯，好香，熱辣辣，好足料，除左面頭既鰻魚，炒飯入面都仲有好多，哀依思呢個燒日本廣島蠔都好大隻，上面層蒜巧香喔 食完個蠔，d 蒜我地用左黎撈飯我地仲叫左個芝士軟殼蟹卷，同火炙鵝肝3點。值得一提既係個火炙鵝肝3點，首先呢款食物我係香港未食過，而佢個鵝肝都好唔姑寒，$62 可以食到鵝肝，推薦！

今日放工約咗個friend喺沙田圍食飯，因為河畔花園呢度都幾多嘢食。我哋兩個都好想食日本野，係 OpenRice搵到呢間餐廳就決定試下。黎到嘅時候已經係八點半，但都仲係要等位，睇落真係幾受歡迎。一坐低侍應已經幫我地斟左兩杯熱茶因為真係好肚餓，所以我哋都叫咗幾多嘢食上面嘅肉係黑豚肉，佢應該用咗燒汁去煮，食落鹹鹹地，一啲都唔乾，幾嫩個飯配左一兜泡菜，小小酸同埋唔太辣，都幾開胃本身以為係焗蠔，但原來蒜頭下面係生蠔。啲燒蒜都幾鹹，配隻生蠔食唔係好食得出蠔味呢個芝士軟殼蟹手卷超級好食軟殼蟹好脆，而且份量都幾多，配埋啲芝士同蟹子一齊食簡直一流！燒雞翼我真係幾鍾意食，佢燒得幾入味，同埋唔老，所以入面都幾滑吱啲檸檬汁食仲好味呢個烏冬係我最鍾意嘅嘢食！佢配料有隻蛋、蔥、薑、Wasabi、同埋一d好似天婦羅碎嘅嘢，撈埋一齊再點個冷麵汁，味道非常之好嗰個烏冬煮得唔淋有咬口，加埋啲脆脆，口感好豐富好好食！刺身食物都超級新鮮，特別係油甘魚好香口

星期五的晚上出完街，想食日本菜，就諗起河畔呢邊有間唔錯既餐廳，一於又再黎食。以為九點零鐘會少人d，點知都仲係要排隊，排左十五分鐘左右先入得。因為已經係呢間餐廳食過幾次，所以今次叫左唔多野食。不過今次改用自助點餐，每台客人需要用手機scan QR code 點餐，省卻叫人點餐時間，非常方便。-芝士軟殼蟹卷 $58: 外層芝士味道濃郁，再配脆脆ge 軟殼蟹，十分美味。-北海道魚生冷烏冬胡麻汁 $82: 胡麻份量十足，胡麻愛好者必點。-雜錦刺身丼 $82: 魚生份量唔算多，賣點為八爪魚鬚，較少雜錦刺身丼配有八爪魚鬚。

沙田河畔呢附近雖然有啲僻，但真係間間都幾好食咁又黎呢頭覓食，見咁多好評就試下呢間和氣食堂好爆呀! 成個夜晚都keep住咁多人睇黎真係有番啲保證火焰左口魚邊牛油果沙律前菜叫咗個沙律，見到有牛油果呢樣野就忍唔住叫咗左口魚鮮甜，用火灼一灼更係帶出更多魚香味牛油果香滑不膩，配埋點點黑松露，成個沙律細緻又開胃芝士軟殼蟹卷成舊擺入口，凍凍地嘅壽司飯撈埋熱辣辣軟殼蟹加上芝士同蟹籽沙律醬嘅提味，呢款壽司十粒星值得一叫呢個刺身盛有三文魚，甜蝦，廣島蠔，油甘魚厚切三文魚唔多講喇又鮮又甜甜蝦大大隻蝦頭都爭啲吮埋落肚廣島蠔一定要擠檸檬唔是的話我會嫌有點腥油甘魚永遠係食完之後下次又會唔記得油甘魚係咩味道嘅存在但係是好食的!白咖哩烏冬配炸雞到熱食喇~~個樣係奶蓋烏冬咁，好似好勁上面係層類似忌廉咁嘅野，好creamy，但又無忌廉咁漏咖哩收埋喺層奶蓋底，我地撈勻黎食，層cream貌似中和咗下咖喱嘅濃味又令到個烏冬增添香滑，旁邊仲有炸雞，巧食燒日本廣島蠔上枱就有兩隻嘅，一隻係芝士燒，一隻係蒜燒因為睇落太好味忍唔住手啪咗隻落肚先醒起未影隻芝士味啲芝士響舊蠔上面溶下溶下真係好鬼引人千迴火鳥呢個雞翼個名有啲霸氣，唔再係手羽乜

今日是媽媽既生日，佢最愛既就係日本菜，記得之去和氣食過，印象不錯，今晚近近地就帶媽黎河畔慶生-因為中午先決定食呢間，拿拿臨打去預訂，好彩！仲有位7點鐘去到門口都已經有人等緊位店員話由入座起計限時90分鐘，其實都好足夠時間--火焰左口魚邊牛油果沙律左口魚同牛油果都係我好愛食既，燒到半熔既左口魚D油滲出黎，好油香，加上清新既牛油果同沙律菜以$68既價錢黎講係必食！如果左口魚邊唔只4塊，多多一兩塊就更加好啦（貪得無厭mode)-海鰻壽司，味道同相一樣好吸引記得上次食過足個牛油果軟殼蟹芝士卷好食今次再點！不錯不錯！軟殼蟹炸得夠脆身-細佬最愛食玉子，厚厚的，大大件，味道唔算太甜-唔好睇少三文魚五味，五件三文魚壽司都各有特色，咖哩鹽三文魚個味道好新奇，原來都好夾；即使其中一件係外表平平無奇既三文魚，肉質都好嫩口-芝士燒廣島蠔蠔都算大隻，燒完都仲好多汁蒜燒茄子燒完好juicy，蒜加茄子係一定唔會出錯既配搭媽媽對呢還都好滿意

星期六晚嘅七點鐘門口已經排曬長龍， 我哋攞咗張飛等咗一陣就入得非常好彩！食物嘅選擇非常豐富， 唔同嘅卷物似乎係呢間餐廳嘅特色。芝士軟殼蟹卷， 蟹籽好多淋喺面， 芝士用火槍燒過， 食落好香， 軟殼蟹好脆身， 卷物份量都好大件， 略嫌啲飯有啲散散地唔係好夠實。芝士厚燒玉子， 初時以為仲會有啲醬汁喺面， 嗰款應該係汁燒玉子。 芝士同玉子本身唔算好夾， 而且玉子入面好乾， 係有好濃嘅蛋味但係真係好乾同好實， 點咗豉油都彌補唔到， 個人有啲失望。大阪豬扒丼， 同佢餐牌張相一樣咁大碗！ 吉列豬扒上面有厚厚嘅椰菜絲同木魚絲， 豬扒底下嘅飯有啲似滑蛋飯， 豬扒脆身唔漏，麵粉亦唔厚，非常好食！配埋滑蛋飯完全加分！

第一次黎和氣食堂  鋪頭位置唔多不過未夠7點黎到 所以都仲有枱呢~黎到緊係要試下唔同既壽司 卷物同丼飯一次過上曬壽司呢~仲有芝士軟殼蟹卷!! 好味~最後加多個蒲燒鰻魚丼!呢餐都好滿足好飽呀最重要係食材都好新鮮 而且好多選擇~下次可以再黎試埋其他野食啦!!