李家 (Moved) New Location

28/03/2015 晚餐4個女仔tst shopping完想食韓國菜，見李家好出名就去試下。6點半去到時見人龍唔算太長，但第一輪剛入座，所以等了一小時😓入面環境好暗，落order後送上兩碟前菜。但係沙律菜個底有好多水,未停乾水😖等左20分鐘終於有野食喇！第一碟-芝士雞蛋卷雞蛋好香，芝士都好多，好好味，鐘意芝士既朋友環試下，但係4個女仔分有點膩。第二碟-海鮮煎餅呢個煎餅都不錯，用左好多雞蛋煎，所以都幾厚！餡料好豐富，有大蔥、蝦、魷魚等等。仲有個醬，酸酸的，唔辣，都幾夾！第三碟-鐵板燒五花腩燒五花腩伴有辣泡菜及辣大蔥絲，仲有BBQ醬可以沾，但我覺得無咩特別。第四碟-芝士辣雞年糕四碟之中，呢個最辣，同樣係鐵板上，表面芝士係拉唔斷，內裡有年糕、雞肉粒、青椒、泡菜、紅蘿蔔等等，因為環境太黑所以睇唔清楚。我覺得好特別，因為其他店舖未有賣呢個！P.S.李家每碟野食都好好好大碟，3-4人份量，所以在場好多人食唔晒，餘下既野食可以take away的😊

韓風真喺唔講得笑令一班人願意等足成個鐘先入到座嘅餐廳都大排長龍！本身都有朋友推介咗啲必食嘅菜式，所以一坐底睇都唔駛睇就叫咗三味！店員再三提醒他們每道菜嘅份量都唔小，但我地雖然得兩個人，但都堅持唔改，因為難得排到，如果食唔哂咪打包囉 野食未到之前就食住啲前菜先，有椰菜沙律同醃白蘿蔔！椰菜沙律有啲食唔慣，覺得生椰菜的味道不是太討好！太fresh喇白蘿蔔就最啱解辣用 第一個上檯就喺熱辣辣嘅芝士辣雞年糕，份量真喺唔野小！滿滿嘅芝士舖上面，融埋啲辣汁同辣雞年糕，食得滋味辣味喺食完之後不斷回辣，不過個人覺得係偏甜小小！配料有洋蔥同青椒，全部都又稔又入味！夾起雞肉同年糕時，都食沾著辣汁同牽絲！ 海鮮湯可以暖一暖身，每次韓食都愛點！海鮮量唔講得笑款多量多，我地加埋每人飲咗四至五碗都有，真誇張有大蝦、魷魚、蜆肉、青口同小小泡菜不過辣得有點嗆，而且辣味一直唔散，飲嘅時候要小心啲香蔥炸雞都上埋檯喇，雖然知道好熱氣，但香到忍唔到喇，即場食咗三件！每一啖都有雞肉，蔥同汁，唔知喺咪連香蔥一齊食，一啲油膩感都無雞同平時快餐店食到嘅好唔同，皮脆肉又嫩！仲好有雞味添連難整嘅雞胸都整得好好食最後我地清晒個湯，將食剩嘅辣雞

即興炸雞, 好驚要等位既我地。。。準時放工9秒9衝過去6點正到, 唔洗等位 6:30半出面己經好多人排隊人少少又唔係太餓, 叫左양념 치킨(甜辣炸雞), 치즈불닭 떡볶이(芝士辣雞炒年糕)同오뎅탕(魚餅湯)食物等左15分鐘左右, 唯獨芝士辣雞炒年糕要等耐D天氣有D凍凍地, 加上熱辣辣魚餅湯, 一絕 湯底微辣, 魚餅不會浸到過軟, 喜歡吃硬野既朋友I表示滿意 炸雞感覺上似炸完擺左一段時間,唔係太熱亦唔夠脆不過就冇油膱味望住前面鋪滿既芝士辣雞炒年糕, 真係好吸引 系腦交戰既情況下, 冒住強烈既罪惡感同埋來勢洶洶既脂肪。。。年糕夠煙韌, 用芝士卷埋一齊食!!! 不D過雞唔滑,要扣分朋友唔係太食得辣, 就覺得辣左少少雖然入座時己經講明限時食1.5hrs, 大概食左1hr左右職員就叫我地賣定張單先, 搭正1.5hrs, 職員就會準時remind你夠鐘同快少少 總括來說, 食炸雞既話去TAKE AWAY既李家會更值得一試~