正宗上海生煎皇 (Closed)

友人一直話要食小籠包，經過一番討論同網上面搵嘅結果，就近近地去試呢一間。去到咁啱有台人走，所以等左唔駛1分鐘就有位。去到當然叫籠小籠包食，呢次我哋冇試正宗嘅小籠包，試咗芝士鮮肉小籠包，芝士唔會蓋住肉嘅味道啱啱好，食落去都有肉汁流出來，最好就趁熱食，只係個皮比較厚咗少少。麻辣粉絲伴豬紅係因為聽到個侍應話新出，所以叫咗碗，本人因為唔食豬紅，所以我淨係試咗啲粉絲，辣度我覺得係好微好微嘅辣。鍾意食茄子嘅人可以試吓呢個，茄子加京汁味道好香。不過菜飯味道就一般最後食埋個四川擔擔面飽哂，連出名嘅生煎包都冇食到。地方比較細，不過呢個價錢食到啲咁多嘢食已經好好，下次要再嚟食生煎包同其他野。

總係久不久就會有小籠包癮發作 但係係香港周圍試左好多間都係失望而回 呢間都唔例外… 芝士鮮肉小籠包 ($34)芝士！？？？？仲有小鮮肉？！！！小籠包皮算薄 但係唔滑 個皮比較粉；入面都有湯汁肉汁 不過賣點既芝士就冇乜 鮮肉味道一d都唔鮮 所以味道很一般 ；更重要既係佢唔夠熱 唔熱既小籠包係點都唔會好食 我覺得真係冇其他人講既咁好食呀四川擔擔麵🍜 ($39)花生味偏淡 反而辣油味更出 麵上面既醬有d似炸醬？！係辣醬加豆瓣醬既味道 再有d肉碎咁；麵既彈性同蛋味亦都一般 不太掛湯 所以整體屬普通貨色 .上海生煎包 ($17/2)叫得上海生煎皇 生煎包先係賣點 ~~外皮金黃 有少許脆口 而包就鬆軟 內裡仲保持到有肉汁 肉既調味亦係剛剛好；可惜呢個世界係有比較既 食過之前介紹過既祥興記之後 呢個係明顯遜色好多 相對黎講 佢既外皮唔夠祥興記香脆 入面既肉同湯汁亦少好多 所以生煎包都係祥興記最正土匪雞翼 ($28)佢既孜然味唔多濃 所以比較似食緊唔太入味既黑椒雞翼 其實佢都煎得幾香脆既 但佢唔係土匪雞翼囉😂 都係食番譚仔三哥最正

在旺角令人食個番尋味的食肆不多，正宗上海生煎飽王是其中一間值得一去再去的食店。去生煎飽王就一定要點生煎飽。每次都沒有失手，生煎飽熱辣辣非常新鮮，每次一口咬下去，都是肉汁四濺。除了生煎包，小籠包亦是做得很好。皮薄得來盛著的湯包亦很飽滿。土匪雞翼亦烤得香味十足，沒有被其他食店給比下去(註：這道可不是上海菜噃)其實食平民菜真的不用去高級中菜館，像這樣的小店才是王道。