Owens (砵蘭街)

Open Now

Now Closed

次次經過呢間 Owens 都好想去食，但總係食飽先見到，一於決定今日去食個lunch先～餐廳裝修帶歐陸風，牆壁貼上植物圖案海報，環境幾悠閑，係舒服既用餐地方。餐牌內嘅午餐有多款選擇，包括意大利粉/飯、墨西哥卷、肉眼牛扒、全日早餐等等，套餐包餐湯或沙律同飲品，仲可以追加法式蟹肉龍蝦湯、特飲、小食同甜品。餐湯       當日餐湯係煙肉薯仔湯，陣陣煙肉味散發出來，味道香濃，口感幼滑，很不錯。紐西蘭頂級肉眼牛扒       $132肉眼牛扒都幾厚身，要左五成熟，火喉控制到啱啱好，入口juicy，肉質鮮嫩有咬口，外層炭燒焦香，牛扒帶獨特嘅炭烤香氣，令牛扒最原始嘅味道散發出來，沾上特製醬汁更滋味，配搭脆脆嘅粗薯條，口感十足，好喜歡。雙色芝士巴馬火腿印度烤餠      $68另一款主菜係雙色芝士巴馬火腿印度烤餅，外層烤至香脆，中間夾住溶溶嘅芝士同巴馬火腿，入口鬆軟可口，味道同口感都唔錯，點埋自家製乳酪醬汁更開胃，配搭翠綠嘅沙律菜一齊食，好爽口。芝士/蒜蓉焗生蠔      $68焗蠔點左兩款口味 : 芝士同蒜蓉，焗蠔面層鋪滿蒜蓉，上碟時離遠已經聞到陣陣蒜香，食起嚟惹味十足。芝士焗蠔口感好creamy

我哋諗呢間都真係好多人都識了🤣 但我哋就一直未有機會試佢，因為佢真係長期都咁多人等🥹 嗰日收工見唔算太多人等，終於可以試吓佢😍Sᴇᴛ ғᴏʀ 2 $408是日餐湯煙肉薯仔忌廉湯，因為有薯仔，所以口感好濃郁，湯質亦都好杰撻撻😙 仲有啲煙肉用嚟吊下味，都唔錯嘅蜜糖柚子雞翼雞翼Sɪᴢᴇ都唔細，炸到脆卜卜，食落口仲熱辣辣，肉質嫩滑仲好Jᴜɪᴄʏ，蜜糖嘅微甜加埋柚子嘅微酸，用嚟開吓個胃啱哂😚龍蝦汁虎蝦闊條麵份量中規中矩，有兩大隻虎蝦，肉質爽彈，啖啖肉，闊條麵食落麵幾有彈牙，唔會好冧，成個闊條麵都充斥住濃濃嘅龍蝦味，真係索一索精神爽利🤪美國安格斯肉眼牛扒塊扒上到枱就見到燒得好靚，Sɪᴢᴇ都幾大同埋幾厚身，牛扒真係要咁食先爽，我哋叫咗五成熟，呢到要讚吓個廚師掌握個生熟度掌握得好好，食落肉質嫩滑，牛味幾香濃，非常Jᴜɪᴄʏ，呢個大推👍🏻芝士/蒜蓉焗生蠔 +$68見佢有個Aᴅᴅ ᴏɴ生蠔，即刻叫埋嚟試吓，一共4隻，就算熟咗都好，隻隻都好大粒，超級飽滿，表面有一大堆蒜蓉或者芝士，但都食到隻蠔嘅鮮味，蒜蓉相對重口味，但好惹味，芝士就食個香味，兩款都好正😍伯爵卷蛋 +$48呢款甜品嘅伯爵茶味非常霸道，濃郁到癲

🤍Owens 真係我超級推薦嘅cafe，以往到訪都覺得每樣食品都高水準，仲要好多甜品選擇。人氣超高，不論lunch或者dinner都成日有人排隊，cafe關注組都有常客，真係無限回訪之店！黎緊owens 仲會係將軍澳開分店，呢間真係好值得更多地區嘅人認識。同埋呢到嘅店員都服務好好，睇得出佢地真係用心待客。除左散叫，餐廳都有2人餐同1人dinner set,二人餐包左沙律/湯、頭盤、兩個主菜、甜品同餐飲。dinner set仲可以add on加小食，之前黎食過呢到嘅小食都好高質，所以加左好多小食+甜品。🦑脆炸魷魚鬚 +$28魷魚鬚炸得脆口夠熱，表面灑有香草，仲可以點埋沙律醬，個人覺得唔點都夠味！🍟薯條三兄弟 +$38最鍾意薯條有好多種醬點，計埋茄汁有4種醬，分別係青芥末醬、松露醬同明太子醬。薯條粗身，無油膩感覺，忍唔住不停食！三種醬中最鍾意松露醬，同薯條最match!🦪芝士/蒜蓉焗生蠔 +$68/4隻生蠔大隻飽滿，新鮮完全無臭味。兩種味道，焗蠔面嘅芝士焦香，呢款比起蒜蓉會更加食到蠔嘅鮮味。蒜蓉份量夠晒多，蒜蓉味滲透落蠔到，兩款都好惹味。🦞法式蟹肉龍蝦湯 +38套餐本身包左沙律/餐湯，+$