喜茶 (時代廣場)

Open Now

Now Closed

比較過好多間芝士系列茶飲確實系喜茶 真系冇得輸口感 味道 都系好出色芝士鹹香 加埋果味竟然有獨特味道 令人好回味但真系人龍長店 長期都好多人次次都好想飲 都比人龍嚇怕等候時間都偏長

係銅鑼灣食晚飯，意猶未盡，想同老公行陣街咁岩見到原來喜茶有新分店係時代廣場。老公就話：如果排大長龍，就唔飲。於是我就話：如果排隊多過十五個人，就唔飲。結果行近鋪頭，排隊既人唔多。排左唔洗五分鐘就可以落order了，佢門口有寫每人只能限買兩杯！我揀芝芝莓莓（$47），老公揀布雷波波（$28）加$8換抹茶。但竟然要等100個number😦於是係附近行下街先。行半個鐘，岩岩好！芝芝莓莓（$47），杯面有教先開蓋飲兩啖芝士奶蓋先，芝士奶蓋味濃，杰身，creamy!雖然好邪惡之後再飲士多啤梨汁，清甜，中間有粒粒果肉！布雷波波換抹茶底（$36）見佢是用十字牌鮮奶沖的，幾好飲，珍珠煙韌彈牙！唔死甜不過價錢唔平，又要等半個鐘下次飲唔知幾時lu

話說新年前嬲爆地寫左一遍「喜茶」既劣評，好快後就收到佢地誠懇既回覆及邀請，所以決定再一次光顧。今次依舊約幾十人排隊等待畀錢買野飲，唔同既係再聽唔到買完要等2個鐘😏。問過下d職員，由於之前係新年前夕，突然爆多人光顧，所以先至出現人手勁不足，野飲要等勁耐既情況。不過依家已回覆正常，平均一杯只須等15分鐘就有。今次試飲「芝芝莓莓」，平時其他鋪頭既芝士奶蓋飲到最後總會打冷震，但難得今次唔會，甚至想追飲芝士。如果下次唔多人排隊，會再試其他芝類飲品。😋

香港區終於有喜茶對於住香港區朋友仔來講，唔洗山長水遠反深圳或去沙田都可以飲倒，係好消息但由比錢到攞杯野飲要最少九個字🙈不過來緊有app 訂order,到時應該方便好多🥳之前試過芝芝芒芒，個人覺得一般今次第一次試芝芝莓莓，濃濃的帶點鹹的芝士奶泡，口感綿綿又香又滑，一啖芝士奶泡再加新鮮粒粒口感草莓，成個口感好正！好好味真心覺得好飲。但價值$47一杯真係有點貴......會想再惠顧，試埋其他。但排太耐😩等出左app先！