天天海南雞飯 (新城市廣場三期)

Open Now

Now Closed

未係香港試過天天海南雞，又見佢係米芝蓮推介，於是喺沙田行街就入咗去食。星期五晚上都幾多人，等位等咗半小時，入座後服務速度都算快，店員幾勤力送餐同埋收拾碗碟。不過入座已經感覺到座位的軟墊太薄，坐落去會比條邊頂住，唔舒服。一開始，佢會比壺熱茶無，就算我轉咗做滾水，最後都收咗每位$9茶錢，其實呢間餐廳都主打飲西式飲品，我覺得冇必要收茶錢，有啲多餘。因為第一次食，就試左無骨雞海南雞細份、油飯細份。個雞份量都算OK，話晒價錢都唔平，最細分都已經是二人分，上碟時後發現，除咗汁醬以外，雞件上面會林有一個獻汁，食落其實有啲唔夾。雞的肉質一般般，冇乜肥膏，但係亦冇乜雞味。油飯係有調味過的，份量夠二人食，但是不夠香。我地仲叫左酸菜水煮魚，其實個湯同埋其他配料做得唔錯，酸辣適宜，可惜佢啲魚塊醃得過份鹹，失去左酸菜魚嘅滋味，不過其實都幾足料，所以呢個都可以一試。至於小籠包，就一盅兩件，佢有個醋插住咗喺小籠包上面，有啲新玩意，但其實食落同自己點醋冇乜分別，佢的皮過厚，所以大家都係唔使試佢。最後叫咗個美祿豆腐花咁嘅甜品，反而有驚喜，食完濃味嘅主菜，食佢做甜品也唔錯，而且價錢唔貴，推介。食完呢餐，我估我之後只會喺呢

一直都好想試嘅天天海南雞飯終於試到啦！今日同朋友收工就去咗沙田分店試試佢必點大佬推薦第一位嘅正宗海南雞$188/中份呢個價錢佢都真係相當大份唔好睇佢好似裝唔晒成個盤咁其實係因為佢個盤真係比較大咋雞肉食落去非常之嫩滑～而且啖啖肉無乜骨點解得海南雞嘅？個飯呢？飯係要散叫㗎不過因為我哋都唔係好肚餓所以就冇叫到飯啦必試皮薄餡靚小籠包原味 $28@2隻 黑松露 $38@2隻見到佢個三色小籠包都好似好正一次過滿足我三個願望不過朋友唔食得辣，所以就冇叫到，我哋試咗原味同埋黑松露味最特別嘅係佢啲醋唔係好似平時嗰啲咁樣點嚟食，係俾你唧落去啲肉入邊！咁樣食嘅時候就會充滿醋味，但係又唔會得出面啲皮局部地酸呢個諗法真係值得一讚！無失望～皮薄餡靚原隻椰子八寶湯$88見到寫話燉足四個鐘好耐冇飲過湯嘅我就試試佢果然真係好足料啊！而且嚟到嘅時候真係原隻椰子🥥上，放左一陣先飲都仲係熱辣辣㗎！好飲有原粒栗子～螺片～雞肉～瘦肉～淮山等⋯⋯⋯⋯大推大推！誠意推介！芥末花螺$98本身都覺得小貴，但係真係超級有驚喜！！！啲花螺係超級爽口而且入味食到我停唔到口下面仲有好多青瓜～都係超級入味酸酸辣辣咁～非常適合香港呢啲天氣鍾意食醃青

今晚晚餐到天天海南雞飯， 位於沙田新城市廣場3期3樓，有米芝蓮口碑應該都ok， 店內環境裝修簡約，茶位$18， 今次試下二人天天海南雞飯套餐$388， 蟲草花拌、 涼瓜鳳梨湯、 天天海南雞、 天天石頭雞飯、 花好月圓。📝蟲草花拌～ 味道清爽， 涼拌小菜。📝涼瓜鳳梨湯～ 入口順喉， 清清地。📝天天海南雞～ 沒有特別， 肉質不夠嫩滑， 有點失望。📝天天石頭雞飯～ 普通雞油飯。📝花好月圓～ 全晚最正是甜品， 豆腐花口感香滑。整體性價比不高， 海南雞不夠嫩滑。

記得去星加坡旅行的時候，會特登去唐人街附近Maxwell foodcourt 找尋地道美食。其中一間好出名嘅係天天海南雞飯。剛巧沙田有呢間分店，我哋最近又去唔到旅行，就決定嚟到呢度懷念下。間店開放式，地方都幾寬敞，感覺特色。佢哋嘅餐牌都好特別，好似一本雜誌咁樣。我哋叫咗以下嘅食物：雞肉滑，醬汁都好有風味，有濃濃嘅星加坡豉油，另外有點雞嘅辣醬。呢啲醬汁攞嚟送飯都好好味。想不到咁大碗！有雞油香味，就咁食飯都滿足。我哋都好似冇食過西蘭花苗，感覺都幾特別。佢嘅口感有少少似菜心，味道係西蘭花。炒得都幾好味，有蒜蓉及銀魚仔香味。豆腐花同香港嘅好唔同，本身裏面有甜味，有啲似維他奶嘅味道，口感好細滑；加上美祿朱古力粉都幾特別。飲品好大杯！美綠同美祿粉一齊飲好得意，會有美祿粉係脆卜卜嘅感覺。另外下面嘅豆花都令到飲落去有層次。咖啡味道都幾香，唔會太過濃烈，平時好少飲咖啡嘅我哋都接受到。另外，本身入咗時佢哋會有壺茉莉花茶，都幾清新。總括來講，呢間店嘅感覺都唔錯。其實幾適合一家人一齊嚟。

今晚早放工，可以早食飯。終於可以入去呢間米之蓮食返餐。創辦人poster 同Menu嘅design，好有創意😂。餐廳裝修以藍色為主調，座位寬闊又開放，坐得幾舒服。海南雞🐥以外應該仲有好嘢食嘅，例如辣子雞翼，單骨雞翼上面包着一層脆漿，面層鋪滿左辣椒同炸蒜，又脆又惹味。賣相好靚嘅軟骨大根，豬軟骨大大塊仍然可以煮得好腍，底下嘅白蘿蔔炆到好入味，好好送飯。仲有小炒王呢，炒功同味道一啲都唔輸蝕比大排檔，而且好精緻。尤其是係一條條嘅魷魚絲，又香又脆，！嚟呢度梗唔會食白飯啦，扒左個雞油飯。雞油飯用石鍋上，香噴噴熱辣辣，又保溫。啖啖都好有雞湯味，唔係講笑。黃金蠔烙，類似蚵仔煎嘅香脆版，配以星加坡辣椒醬，又香又辣，蠔肉份量都幾多下，外脆內軟嘅口感，都幾正。🥣甜品當然要食呢度嘅招牌，「花好月圓」。個名好靚嘅其實係特色豆腐花，點特色法呢？唔似傳統嘅豆腐花味道，帶濃厚嘅豆漿味。超滑嘅豆腐花𢳂起上嚟嘅畫面好治癒！鍾意食朱古力味嘅我，食呢個美祿加花好月圓就最啱，嗰層美祿粉厚厚的，真係一碗甜品滿足晒兩個願望！嚟呢度食嘢唔怕冇人serve你，啲職員基本上係不斷留意每檯嘅需要，又會主動斟茶又琴日執枱，餐廳軟件硬件都唔錯

朋友出左糧話帶我去食好野，哩間餐廳外面有隻雞超人，幾得意加上都幾多人，感覺食物應該唔錯，於是行埋Reception 度拎位，咁岩有張枱，店員即刻安排我們入去，枱上放了兩本似雜誌的meau,打破傳統meau的沉悶，食物都多元化，有自己的特色，朋友同我好多野都想試下，於是決定叫個二人天天海南雞套餐，當中有小食、燉湯、飯同甜品，另外仲叫左兩杯飲品。我同朋友傾左一陣計，店員突然放下一杯巨型飲品給我們，我同朋友都被嚇親，哩杯飲品就係我地叫既百花奇龍，飲落真的有齊meau所介紹的食材：奇異果、火龍果、百花蜜及烏龍茶係當中，混合埋一齊幾特別。另一杯飲品係酸柑桔蜜熱飲，size正常反，杯面有粒話梅浮下浮下，飲落味道超濃郁，酸酸地好醒胃。海南雞套餐小食係芥末蟲草花拌合掌瓜，芥末味唔重，帶點麻油香，幾清新。食食下店員捧著兩盅用火暖住的燉湯放下，滿滿的，打開蒸氣四溢，這是蜜瓜瑤柱螺頭燉雞湯，當中好多瘦肉同雞件，熱騰騰飲落特別好味。主角出場了，海南雞加一窩油飯，啲雞肉全部起哂骨，雖然大部份係雞胸位置，但食落如同食脾位一樣滑溜，完全唔會鞋口，佢仲琳左獻汁，真的滑滑滑，另外仲有三款醬汁提供埋，包括老抽汁，自製泰式