強記美食

Open Now

Now Closed

凍冰冰，想食小食又唔想喺街邊捱凍吉魚蛋🥶於是嚟到後街｛強記美食｝，舒舒服服坐底食🤟🏻✴️花生旺菜豬骨粥✴️粥底軟綿厚身，令人食得好舒服☺️配料方面有少少豬骨粒，肉唔多，鍾意啜豬骨嘅朋友應該會失望😢✴️蝦米煎腸粉✴️蝦米唔多，不過煎得尚算香口👏🏻自己加辣醬同甜醬，可以過口想食腸粉嘅癮～✴️原味蘿蔔魚蛋魷魚✴️原味滷汁甜甜地，唔會好鹹～魚蛋彈牙，魷魚份量較少～不過蘿蔔就滷得好入味，無根又清甜，好食😋✴️生菜魚肉湯✴️魚肉質感唔係我鍾意嗰種，依隻係比較實，無彈牙嘅口感～而且份量偏少，唔係好抵食😅✴️熱綠豆沙✴️食完鹹食食碗糖水好舒服🥰陳皮味道唔係太出，不過食落都幾清香，多啲海帶就好了😆

有位香港小姐(由細到大都係香港區打滾嘅小姐👩🏻)大大力推介呢間小食，原來呢間鋪喺灣仔已經有70年嘅歷史，屹立不倒，三代相傳，傳統地道小食味道之外，仲有份人情味🧡憑住一碗香噴噴的糯米飯，榮奪連續6年米芝蓮街頭小食店，實在令人有衝動想一擁而上😍新店裝修乾淨、企理、靚仔，除咗有招牌嘅糯米飯之外，仲有粥品同埋魚蛋等小食、中式糖水。🍚鴛鴦腸雜錦臘味糯米飯賣相吸引，飯面滿油光，有臘腸、潤腸、臘肉、冬菇、蝦米，糯米飯炒到粒粒分明、軟糯，唔會太硬/腍，吸引哂臘味既油份，入口油香四溢👍🏻臘腸潤腸半條上，新鮮紮實，充滿臘味肉香。整體成個糯米飯夠乾身，口感飽滿，陣陣新鮮臘味油香，滋味十足😍如果加幾粒花生喺面就Perfect啦😚。🍳香煎蝦米腸粉加雞蛋一定要加蛋！蝦米腸粉煎到金黃色😍外脆內軟，係每一條腸粉嘅外層都有一層薄脆皮，加埋甜麻辣醬混埋一齊，食到停唔到！。🥜花生旺菜豬骨粥粥底夠哂綿滑，配料有花生🥜排骨🐷蠔豉仔，冬天食完夠晒暖胃。🥢咖喱汁小食3併（魚蛋、豬皮、麵筋）反觀咖喱汁小食比較遜色，魚蛋無彈牙兼且只有粉團口感☹️豬皮同埋麵筋正常水準，不是推介名單😢

強記美食地址: 灣仔駱克道406號地舖電話: 25725207🔹🔹🔹🔹🔹🔹🔹🔹🔹🔹🔹🔹由佢地舊舖食到新舖。以前起舊舖多數叫碗糯米飯或豬骨粥配腸粉，但係真係食到大汗疊細汗。聽到強記開舖，梗係要黎支持下。新舖店面新裝修，啲嘢新束束好乾淨好企理，坐得好舒服，香港地最緊要有冷氣👍🏻兩個人好似肥妹鬼上身咁嗌咗以下咁多樣1️⃣臘腸雜錦糯米飯裏面有蔥、冬菇、蝦米、臘腸、臘肉碎 ，又足料， 香口，咬落去好豐富。有時出面食啲糯米飯會半生不熟，不過強記做咗幾廿年梗係無呢個低級錯誤啦！而且佢啲糯米仲煮到好Lim，但啲米又一粒粉分明有油光，唔會溶咗一pat嘢咁。2️⃣花生旺菜豬骨粥個粥底好綿好滑，唔會好水好稀咁,入面有豬骨花生蠔豉菜乾。今日天氣涼涼地，食啖粥真係好暖胃。3️⃣豉油王炒麵呢個都好味😋 碟底無油，我唔鐘意啲好乾嘅豉油王炒麵，佢係有少少🤏🏻咁啲啲濕，個麵就會軟少少。咁當然，如果食開好乾好硬嘅麵的話，呢個麵可能唔啱你。4️⃣南乳蘿蔔魚蛋燒賣個南乳蘿蔔好入味，夠淋！魚蛋我無食到comment 唔到。燒賣就正常無乜特別。5️⃣香煎蝦米腸粉超級正。我覺得好過舊舖！我記得有一次在舊舖食煎過咗龍碎濕濕。今次係一啲都無呢個問題！煎得