均香餅家

Open Now

Now Closed

呢間本地老港式餅店，時不時都推出新產品，而今期令大家長期都要排隊就係即叫即整嘅手工糯米糍，有6款口味㗎！糯米糍攞上手會攞到成手粉，因為個皮本身都幾黏身，不過外皮嘅厚度不一，有時厚啲，有時薄啲。💚 開心果糯米糍 (HK$12)． 開心果碎粒、花生碎粒和糖粒，一齊炒香，所以餡料暖暖的，口感豐富，不過感覺加咗好多糖，我覺得太甜，開心果味唔夠香，比較淡🤎 花生糯米糍 (HK$6)． 好多的花生粒，被與糖一齊炒香後，好香脆，不過同樣都令我覺得太甜🖤 黑芝麻糯米糍 (HK$8)． 爆餡的黑芝麻，香濃味道，相對甜度啱啱好💜 芋泥糯米糍 (HK$8)． 芋泥軟滑口感，芋頭味濃厚，不太甜喎！

呢間主打即做即賣糯米糍，仲有好多月餅、雞仔餅既傳統食品賣～不過今次淨係買左糯米糍同雞仔餅試👀🔅開心果糯米糍 ($12)開心果味幾濃💚，有粒粒果仁口感，撈埋砂糖，食落偏甜少少，唔怕甜既幾推薦試～糯米糍皮無啲人講咁厚，但軟糯偏黏，視乎閣下鐘唔鐘意呢種口感🔅花生糯米糍 ($6)花生粒都唔細，都係加左砂糖所以偏甜，表面仲沾滿椰絲💬糯米糍賣呢個價錢又夠大粒，夠抵食～但留意返擺得耐啲餡會出油，手感&口感都會偏濕啲腍啲，所以記得要快啲食✨