拍板小館 (Closed)

經常見傳媒介紹拍板小館，食物有質素，地點方便泊車，聽說老闆有很多藝人朋友，是藝人聚腳地。 每天都有 $1 特別優惠，今天我們一行8人，選擇了果皮蒸大連鮮鮑，果皮磨蓉放面，蒸得腍滑。前菜涼拌雲耳酸甜平衡，頗討好。 欖角骨先到，一字排開，排骨有咬口，味道帶甜，欖角味不重，不油不膩。蝦仁炒蛋考火候，蛋滑蝦仁爽。百里香牛肋骨已起肉，軟腍入味帶少許肥，有牛味，值得推介。 花膠扒是拍板小館的拿手菜，厚身軟滑，鮑汁濃厚美味，吃過花膠後，不想浪費醬汁精華，整煲回廚房加入粗麵伴食，醬汁滋味，可惜粗麵仍有點點鹼水味，算是美中不足。 蔥油雞用新鮮雞，嫩滑有雞味，皮下脂肪少，還附上腑胵，蔥油味淡，下次還是預訂炸子雞吧。 啫啫芥蘭煲後，再來金牌銀芽肉絲煎米粉，香口而不油膩。送上甜品桂花紅豆糕，甜味適中，兩種口味集一身，蠻特別，雖然個人還是喜歡分開食。 拍板小館以小菜為主，但用料有堅持及火候控制得宜，這餐每人平均消費約 $300，不收開瓶費，是聚餐嘆酒傾計的好地方。

係屋企附近新開一間小店,一直都好好奇想試試,終於搵日拉大隊黎掃餐牌. 試過幾次都覺得唔錯,值得推介俾大家!!涼拌豬肚絲 - 刀功一流,洋蔥絲配豬肚絲一樣爽脆,唔錯小食前菜.麻醬四季豆 - 夠哂清涼,夏天小食佳品.金沙茄子 - 咸蛋黃唔會過咸,炸得唔油膩,必點!七味黃金粒 - 細細粒豆腐炸得外脆內軟,亦係推介小食!椒鹽鮮魷 - 佢煎炸野做得唔錯,椒鹽亦好惹味. 另外我都會點椒鹽九肚魚,同樣外脆內軟!!避風塘豬手 - 炸得極香脆既豬手外皮令人又愛又恨,肉質無過咸,送啤酒一流菜色!!!蝦籽柚皮 - 呢款傳統菜已經冇幾間做得好,呢度既絕對無苦澀味,又腍又無根,介紹俾好多老一輩都十分喜愛!! $48一件極之超值!!!酸菜魚 - 又係另一道必點菜色. 少許微辣既濃濃魚湯,每次必飲到見底. 魚肉十分滑溜,仲有其他青瓜,薯粉配菜,每次都食到清碟!!鮑汁扣原隻花膠扒 - $268又係超值,夠厚身,鮑汁又好味,每次都一定加一份粗麵撈埋啲鮑汁,人間美味!!!籠仔排骨飯 - 焗香過既排骨,配上炒過既香蔥蛋飯,其實真係好好味,可惜好多時大家都已經好飽冇機會試.馬拉糕 - 無人不讚既馬拉糕其實係附送甜品,但極之鬆