拍板小館 (Closed)

首先好多謝認識沙陳K,介紹咁多好食又特色食物,同唔好食食物比我們一班老友,拍板小館菜式是有自己風格的,同一般餐廳是有點不同,價錢算優惠,唔好的我們都會出聲同包容,又幫我訂菜式,再一次多谢！平時咁飲得K 哥,講真他酒量是很唔係最後结業呢幾日不停咁飲唔同嘅酒,真係好難見到你咁樣,聽聞k 仔架車停左呢個位快成個星期

起初拍板新開,得知呢間一點都不簡單？花籃都3條街！刚開始已經有很多明星光臨,所以有明星飯店之稱,後來蔡瀾先生亦有介紹這餐廳,我們重一個老友介紹下大家去試試,食物真係比出面有點不同,是有點自己特色,我們頭幾次去都未認識K e n 的,還覺得他有點cool後來慢慢認識了至到熟了,其實他很好玩、開心、真情,到現在结束了,我們一班老友轉場在外面食飯有點不自然,本身去邊度食有乜所謂,但人群中聽到放题店,雖然有私房菜,亦有人反對,有機會會去支持你°

我都覺得奇怪，佐敦好少有餐廳咁多明星，原來係拍板小館搬左過來，明白唒，飯後D野食好食、新鮮，大家都覺得OK，走的時候見到盆菜海報，阿姐話之前食過好食，咪叫人來即訂一個新年取

知道小館開返，仲要在佐敦，開心到呢，第一時間上去睇下個新場，好大好多人，新開就爆，拍板真好野我上来，影盆菜海報，因為呢幾年都有訂，出品有保證，家人决定，順便影下新埸地，但係食野好似有點不同？多元化左，我只知道私房菜在房內350位，房間oK最大可以坐约40人，出面最優惠200位有找，詳情自己問。

得知小館開返，睇到廣告有盆菜，即時訂返1個，上年訂過有信心品質保証，場地真係大好多，裝修幾靚，下次可以約朋友上來試下，回到家睇睇個盆菜份量足，一樣咁好味、好食，可能會再訂一個過年

.新拍板重開大家都好開心同支持，原訂30人加到4拾幾人、大家今晚都覺得食物OK ，.特別要比讚蝦籽柚皮比前小館做得更好、外形吸引美觀，內裏件柚皮鬆化，沒有苦酸味、已經有人即時訂位了！除咗私房菜原來现在有更多野食同盆菜、下次要試試。

廣告停咁跳出來，就知道应該好快会從開，真係估中，打比K哥問下未知！原來都係在佐敦区開張間大野，出面大廳做多囯音樂放题，房内做私房菜！已经安排下次上来食團年飯！今日係過來訂盆菜，食過好味足料有保証！

知道小館從開，又响佐敦區第一時間去睇下環境食返餐，一到樓下就知道Ken哥作風，成條街擺滿易拉架廣告上到去食法有D不同有放題或話全港首創半私房:放題就2佰幾，半私房菜就$350位全包任飲包加一，免開:有刺身食唔錯～鮮，又可以食海鮮蒸氣火鍋～海鮮新:後又可以打邊:‘濃湯雞煲翅湯加花膠用來打邊:就係呢味菜已經:每天都會有條活魚推出，今日係大立魚約10斤重，多口問句可以取？原來可以的，當然不客氣，正！:刀功一流，原來又可以玩鐵板開開始有飽f牛肉好靚燒出來好香，食落有D近禾牛？試下用來火my:f特然鮑汁扣柚ve:大家ckrt:大家都讚比以前更佳～酸味零～夠鬆～外ke:最後甜品可以自取，但大家都好飽了！下次團年飯已經訂好在此店了！

得知拍板從開,即時在群吹行佢,大家一常已往作風支持拍板,由我book位同訂菜,新地址都係佐敦白加士街新寶廣場5樓全層,一出電梯依舊見到K 哥同明星合照,亦增添不少新合照地方比之前大好多,仲有個舞台歌唱,現有5間大至細房,K 哥比左間30人大房我哋,謝謝！講返食物：私房菜低消350起,我哋每次都450-500,由k 哥安排,除非我哋群友指定特別想食菜式,今晚500@位：一開始泰式小食蝦餅、生菜包,唔錯群主至爱,生菜包帶點微辣、夠熱豉油皇蝦保持水準好食鹽焗螺真係好食,新野之前都未食過,做得很好無過火,又不會太咸紅燒翅足料,湯底加多D 肉更佳,柚皮鹅掌大家都掛住至愛,好快清晒,柚皮比以前更靓,煲時間應該減少左,外形好靓仔,內裹一樣鬆化鮑魚汁能夠保持三原條海參又係鮑魚汁,夠爽滑、海参做過功夫內裹亦夠味濃湯花膠雞好得,湯底食得出就係招牌雞湯花膠加濃湯一樣好味水煮牛肉,夠麻夠香,辣道我叫少辣的,牛肉亦煮得淋滑乳鸽無得輸,食落帶肉汁,没有過火,好食大家見到盆菜海報,有幾個老友已經訂購了。有機會再来

佐敦晚飯的其中一個飯堂, 因租約關係結業, 每次去到佐敦, 心裡還是有點掛念. 店名”拍板小館”裡的”拍板”, 在廣東話除了有決定的意思外, 也代表了導演大喊”Action”時拍板的那一刻. 果然這食肆的老闆是個電影人, 除了餐廳Logo有一個電影拍板外, 餐廳内也有很多明星的光臨照!和麻甩佬的飯局, 炸物和蠔也是必點的. 豬手以避風堂煮法, 先炸後炒, 皮脂香口而且外脆內淋, 比起以濃厚的醬汁煮吃得更爽, 還是那句—“身體健康先放一邊”. 薑䓤焗蠔也是單純而直接的美味, 夠鮮夠大夠Juicy, 最重要是煮得剛好, 不會縮水, 這可是麻甩佬進補恩物呢!帶子蒸豆腐上的豆豉豉油是整個菜的靈魂, 有了它除了令帶子更鮮, 更重要是令豆腐的味道提起, 要不然就淡而無味了. 雲耳蒸雞的雞夠滑, 而且沒有雪味, 除雪是辛苦的, 新鮮雞當然是最好, 但成本之下就沒辦法. 正如餐廳的結局一樣, 租金成本要令其休息一會, 但我會期待她在草根地區再回來, 麻甩佬就是夠草根吧!

印象中喺網上面有好多呢間小菜館嘅介紹、實則被吸引嚟嘅係鮑汁柚皮鵝掌煲、呢個係個人嘅童年回憶、而且相信近10年來從來在香港未食過一個真正滿意嘅柚皮煲。。。～ 鮑汁柚皮鵝掌煲又係非常失望！所謂嘅鮑汁感覺只係用醬油整色整水出嚟嘅效果、柚皮同鵝掌食得出係各有各煮咁、完全無法融合在一起的感覺。。。鵝掌重好D、柚皮嘅火候完全掌握不到！雖然賣 $178 （另加一）呢個價錢真係非常合理、但重點係食物要煮得好食！食唔落剩下 2/3 決定打包夜宵、但最終結局係將食剩嘅柚皮同鮑汁放咗入屋企雪櫃、1 個星期後忍痛棄掉。。。因為真係唔吸引。。。～ 椒鹽鮮魷漿粉同油溫配合得宜、要挑剔的話個人建議用厚肉嘅大尾魷會更加出色～ 咸魚蒸肉餅可以、要挑剔的話一D都感覺唔到網上傳說中嘅手剁肉餅、反而俾兩件霉香馬友鹹魚搶晒鏡、送飯妙品～ 椒絲腐乳炒通菜可以、足夠鑊氣、要挑剔的話可以小些油綜合來說拍板小館係一間用心做嘅中式小炒菜館、價錢合理、期待下次有機會再來試試其他菜式。

點了蔥油雞、欖角骨 、黃金茄子、 蜜絲骨、咸排骨芥菜湯、 蒜蓉豆苗、豉椒龍躉炒河， 全都是水準之作。金銀菜燉白肺味道其實不錯，可惜上枱時已放涼了，略為遜色。 壽包是全晚最失望之作，包皮像已放幾天的硬，實在吃不下去。服務水平值得一讚， 我們只有六位，亦安排坐八人枱，坐得很舒適，而等待壽包時，主動幫我們更換新的碟及餐具，並更換了新茶葉。雖然壽包水準欠佳，在向店員反映時亦禮貌地回應，值得一讚。隔鄰一檯正在吃羊腩煲，味道很香，下次到來必定一試。

阿拉斯加蟹要预訂中秋節食好D，好鲜甜不水芝士龍蝦個汁好好食，好似童年老豆帶我地去黄大仙食果间的味道，一樣咁香濃，還有優惠128隻婆婆當然要食返碗燕窩，出來外觀好靚，一睇就知足料，售價198位

今次公司請客人食饭，老闆叫我安排！當然要揀間有熟人的地方，又有名人飯店之稱，老闆同意下要安排房，當然要低消，老板話食好D，预定了火曈翅，阿拉斯加蟹，火曈翅汤底好香，飮落—古火腿香味，肘子淋道刚好，翅亦燉得刚好，没有太硬，正！阿拉斯加蟹K哥見意原隻做凍蟹，原汁原味，保留蟹精华及質感，好好食鲜甜来形容，又没有太凍，非常正！當然要叫多個我的至愛芝士龍蝦，香濃芝士味，客人整餐都讚不绝囗，走前客人到門囗明星相位置影相留念，整晩唔該K哥

爵士湯經理介紹話好正，又話要預訂，又話之前D乜爵士飲过，同老公商量下，可以一試，真係好甜好好飲，阿仔都飲左3碗，果然無介紹錯，你好野！低我成日幫襯你K哥，另外麻醬四季豆1樣好食，凉伴做法，四季豆帶爽，配上日本麻酱，好食，做餐前小食1流！呢条1魚兩食？第一次甘做法！分開做就食得多，半条蒸伴金华火腿、另一半起肉炒班球一起做都係第一次，有料K哥！仔仔至爱脆皮雞，但老人家又鍾意清啖D，K哥幫我安排双併雞，你真係好好野，唔該晒你！脆皮雞皮一樣做得咁脆，肉質帶嫩，白切就嫩滑，正！後來仔仔上網查过，真係有爵士飲过爵士湯，還要有佰歲命，大家記得要訂位，好爆，還有很多菜式要預訂的