利寶閣 (Closed)

之前在網上預訂兩小時黑松露魚子醬系列點心放題，週末成人價錢$158，另收茶芥加一$39.9。埋單每人接近$200其實在其他酒樓都可以食點心食到飽，只不過就是想試一下這個黑松露點心放題，點心質素是還可以，但出餐速度真的太慢！我覺得自己最後是等到飽…1點半前入座後即刻填寫第一輪點心單，等左大概半個鐘先上每人奉送一份的黑松露蟹鉗酥、黑魚子鮮蝦腐皮卷、及花膠灌湯餃。前兩者其實黑松露與黑魚子唔算濃味，但總算鬆化與脆口；灌湯餃皮薄餡多，幾好食。再過十分鐘（即係落左單都四十分鐘～），第一輪落單的點心開始陸續送上。其實上完灌湯餃我已經入第二第三輪點心紙，但等到3點都未上晒啲點心！雖然酒樓職員無趕人走，但我都唔係好得閒無了期地等…所以我地都無食齊所有點心就離座。而我覺得酒樓先出較平價車較能飽肚的點心，黑松露叉燒腸出了一次之後都沒有再出。點心都唔想多提拉…等廿分鐘上幾籠，幾好食都無用拉。

聖誕假期boxing day， 食了幾天西餐今天下午轉吃點心， 想試下點心放題， 上網揀了利寶閣， 位於尖沙咀彌敦道100號The ONE 17樓， 相當方便。 早上訂位店員安排我們坐在窗邊附近， 望住維港靚景飲茶心情特別好。點心放題$148一位， 茶位$15一位再加一， 加埋大約$180一位，每位送花膠灌湯餃和原隻鮑魚酥一份。 花膠灌湯餃熱辣辣都幾好， 鮑魚酥鬆化好味。 放題點心紙上， 我比較喜歡蝦餃、燒賣、腸粉和牛肉球， 還試了其他款式蘿蔔糕、鳳爪、 鹹水角、排骨和叉燒包等等， 全部點心即叫即蒸， 蝦餃不算大粒但皮薄餡靚， 燒賣新鮮肉質紮實， 鮮蝦腸粉大大粒， 牛肉球口感鬆軟，最後還有雪糕、 楊枝甘露和杏仁茶做甜品。整體來說環境好， 服務質素唔錯， 點心種類中規中矩， 如果有炒粉麵飯就更加理想。

今日1:30去食點心 除翻開每個人150蚊 可以食兩個鐘 🙆🏻‍♀️價錢親民 食物質素中上 ❤️ 店員服務好細心 feel到佢好盡責做好本分 又有禮貌 值得一讚喔💕💕 上菜速度唔會好似大家講等太耐 可能由於今日唔太多客人 所以上菜速度都好快😁👍🏻點心都好多選擇❤️ 而佢哋而家自己設計左啲菜式 我覺得木魚百花茄子🍆值得一試 比我預期好味同特別 🤩 不過佢嘅腸粉同皮蛋瘦肉粥有少少令我失望😞 不過都有蝦餃同燒賣搭救haha 🤤 甜品方面 佢好多都係喺外面買返 除咗桂花糕 杏仁露 楊枝甘露之外 所以如果想食佢地自製嘅話 建議大家叫返呢三樣就ok架啦❤️係食之前聽好多朋友講呢間野好伏 但係冇大家講到咁差 所以試吓呀❤️❤️ 大家快啲嚟食啦🦄🦄

想在尖沙咀望著維多利亞港海景任食點心? 利寶閣絕對是首選，它位處the one，方便到達，而且二百元左右便可任吃多款點心，完全符合我生日豪食的願望。先來點心放題附送的原隻鮑魚酥，原隻飽滿的鮑魚在撻上，光看已經覺得很奢侈，入口感受到鮑魚的彈性，與酥酥的撻皮交織激盪出好滋味。另外不少得開胃菜陳醋雲耳，雲耳酸香爽彈，十分醒胃。XO醬煎腸粉一上桌馬上感受到它的鑊氣，其XO醬香味誘人極致，醬汁充分滲入腸粉中，脆嫩入味，XO醬和腸粉融為一體，好不美味。蘿蔔金錢肚是我飲茶最愛吃的點心之一，金錢肚細火慢滷，色澤才會如此漂亮，吃起來更沒有死鹹感，蘿蔔鮮甜無渣滓，十分對味。飲茶怎會少得晶瑩鮮蝦餃，蝦餃尤如其名晶瑩薄透，讓人驚艷，蝦餃渾圓豐腴，咬下去蝦肉新鮮富彈力，而且蝦餃均採用原隻鮮蝦呢。來到利寶閣，一定必吃它的招牌黯然銷魂飯，炙紅色的叉燒有著淡淡的玫瑰酒香，賣相可口。叉燒肥瘦剛好，香香甜甜，白飯拌上爆汁蛋黃吃可謂一流，飯粒粒分明，乾濕度剛好。榴槤布甸令「榴槤」忘返，布甸柔嫩幼滑，口感細膩，榴槤味道濃郁，與牛奶融洽地混在一起，唇齒留香，讓人忍不住一口接一口吃著。煎炸點心，難逃我們的大口，沙律蝦春卷，香煎蘿

朋友話想食下點心放題，咁就搵左呢間黎試下，坐享維港景色，環境亦非常亮麗優雅，感覺舒適。午市放題先送原隻鮑魚酥，鮑魚都幾大隻，都算彈牙入味，偏凍既，個酥就暖既幾酥脆。再送花膠灌湯餃，花膠無腥味有口感，個灌湯餃都幾大舊，入面充滿湯汁，鮮蝦爽口。晶瑩鮮蝦餃同鮮蝦水晶餃都係必嗌既，晶瑩剔透，皮薄涵靚，新鮮爽口，好食到都唔記得相機食先。百花燒賣皇都係值得嗌，新鮮熱辣辣，幾有咬口，如果鐘意食鵪鶉蛋都可以試下鵪鶉蛋燒賣。腸粉既皮還可以，偏薄，最好食係原隻鮮蝦腸，啲蝦好爽口。仲有唔少得既係炸點，燒汁木魚釀茄子、香煎韮菜魚餅同春卷都好值得推介，新鮮熱辣辣，茄子整得好入味，魚餅同韮菜都幾夾，比預期好食，春卷皮薄又脆，值得一試。仲有醬皇蒸鳳爪，個醬汁都幾濃郁，如果鳳爪可以整淋啲就更好。