Le Café de Joël Robuchon (Closed)

2016收到第一朵花 ，朵花就係聞名已久食得落肚的立體花花雪糕。 付款後行往左邊少少嘅雪糕櫃挑選雪糕，花花雪糕可以選兩種口味，我好鍾意食朱古力，原本心大心細唔知揀50%定80%既朱古力, 但送花者話.... 啡色朵花咪唔靚囉... 所以最後決定揀色彩較鮮艷既紅同黃.... 紅色揀了士多啤梨雪芭，黃色揀咗芒果。之前，在網路上見過朵花花雪糕，一路都唔明點整出來，今次可以看著店員為我製作了；店員先𢳂一球士多啤梨雪芭放在威化脆筒上作花芯（筒內即係空蕩蕩 ），雪芭球比脆筒較細，僅僅'𢲲'著脆筒未至跌入筒內；繼而用特製的雪糕羹壓平兼壓軟雪糕桶內的芒果雪糕，再一羹一塊咁沿著花芯弄出4片花瓣，芒果雪糕花瓣砌在威化脆筒上粗略拼成黃色花花；店員弄的花瓣有點粗糙，每片花瓣的邊緣並未能製作出圓滑效果⋯最外層花瓣用番花芯的士多啤梨雪芭，外層有5瓣，全都是黏在威化脆筒邊沿向外伸展，感覺好崖厂，溶時更容易滴下來，雖然有紙托但幫助不大，吃這杯花花雪糕必須加快速度，切勿比相機食咁耐。士多啤梨雪芭比起HD嘅淺少少色，味道亦唔夠HD嘅香濃，酸度唔夠，味道方面我覺得HD較優勝，但質地較滑溜；芒果雪糕的芒果味不夠香

路過想一試聞名已久的花花雪糕，原價$88，但現在只要消費滿$50，再加$40便可得到花花雪糕。於是我先選了一盒三粒的杏仁朱古力，付了錢，再拿著收據到右邊雪糕櫃挑選雪糕。可以選兩種口味，我選了芒果及朱古力。而朱古力又分50%及80%兩種，的確細心，由於我不喜歡太甜，所以選了80﹪。看著店員為我製作，原來是用特製的雪糕羹，𢳂一羹造一塊花瓣，一塊一塊地砌在威化筒上拼成花形。可是，不知是這位店員不熟手還是甚麼原因，弄了很久才完成。須知道製作雪糕這類食物是刻不容緩的，當遞到我手上，花兒都開始溶了。而且最外層花瓣是黏在威化筒邊沿向外伸展，很"溶"易就滴下來，即使有紙托亦只是幫得一時，所以吃花花雪糕要跟時間競賽。80%朱古力乎合我的預期，但芒果雪糕的芒果味不夠濃，不知是不是朱古力太濃烈蓋過芒果味的原故，這兩種味是不是不適合放在一起呢？終於把花瓣吃完，發現威化筒內空空如也，根本沒有雪糕。原來花花雪糕只是虛有其表。