The Mafe Cafe (Closed)

不時都鍾意去樓上CAFÉ，因為環境比較輕鬆，食物質素都OK，有啲仲會有Board game玩今次去呢間CAFÉ，店面都幾大，空間充足，多座位，裝修雖然比較簡單但有心思，有唔少細緻裝飾，整體氣氛悠閒舒適當然唔少得有嘢玩，一櫃玩具，有棋有卡牌，仲有大富翁等等嘅board game，啱晒一班朋友上嚟聚會又食又玩 食物方面以西餐為主，我點咗一份白汁煙三文魚天使麵係CAFÉ多數唔會咁快走，所以飲品叫咗一壺花茶食物好快上枱花茶主要有薰衣草、茉莉花、檸檬馬鞭草，咁嘅配搭比較少見，味道同想像中一樣清新，仲有蠟燭係底下KEEP住花茶嘅溫度，真係可以慢慢嘆茶而天使麵賣相唔錯，煙三文魚大大塊，最驚喜係個醬汁，同一般白汁唔同，有微微輕甜，食落唔似普通白汁咁漏，仲有大大片菇菌+洋蔥，增加口感及風味 整體而言，呢間CAFÉ無論食物或環境都相當唔錯，而且位置都幾方便就腳，可以一試！

其實本身想去呢間前身既cafe，點知執左又開左呢間，而我地又上左去，咁就入左去試下啦，發覺原來佢係上面果間既朋友，咁就叫下其他野食試下啦～新開個環境唔錯，好乾淨，而且有兩張好大既枱，一張都已經可以坐成十幾人，開party絕對一流呀！先來一個roast beef牛角酥，牛肉好稔而且切得好薄，配上鬆脆既牛角包係小食的不錯選擇。Set Dinner的款式同上面有啲唔同，由於特然好想食天便麵，所以兩個都叫左天使麵哈哈！先係三文魚忌廉天使麵，好多好多好多汁！最愛就係忌廉汁！天使麵掛汁度真係好高，不一會就KO左成碟。肉醬天使麵要焗所以耐小小，但冇失望架～個汁酸度剛好，配埋芝士熱辣辣食好有細細個去舊式西餐店食果個味。黑松露薯條忍唔住又嗌左，真係好中意佢地炸得剛剛好，黑松露醬又唔會太多太咸，根本停唔到口～因為滯滯地，所以叫個花茶，可以消消滯同埋抗氧化，好fresh～

假日與好友來到樓上cafe，坐在窗邊闊落的Sofa卡位，自然光微微透入，邊食邊玩，舒適寫意~😚眾多遊戲中，還是最愛波子棋~🎮午餐選擇多，款款吸引，價錢更吸引。🤑黑松露野菌忌廉意大利飯，份量十足，意大利飯軟硬適中，黑松露野菌的芳香及Parmesan芝士的鹹香非常突出，滋味無窮~🤤Oreo奶昔，幼滑的慕絲/朱古力🍫/曲奇🍪/牛奶🥛味道合襯，滿口香甜，甜入心的味道~ 同時，跟餐飲品升級加$18，大杯抵飲!😍日式黑椒牛柳粒飯，沾滿甜燒汁的牛柳粒🐂有咬囗而不韌，入口具肉香，配菜紅椒/青椒/洋蔥爽脆多汁，白飯更盡吸燒汁及配菜的鮮香味，風味十足!👍花茶，加入薰衣草/茉莉花/檸檬草/馬鞭草，富強烈清新的花香味，喝後靈神舒適~💐 喜歡花茶的朋友讚不絕口!💋特色拼盤，即叫即做，灼熱可口，全都炸得金黃香脆，香口惹味! 個人最喜歡蟹籽魚蛋，外層魚蛋彈牙，內釀滿脆卜卜的蟹籽，口感豐富，滋味無窮!🤤芝士蛋糕，質感幼滑，餅底鬆脆，芝味醇厚🧀，甜而不膩，跟餐加配更抵食 ~又食又玩，輕輕鬆鬆，稱心滿意~😊

與幾位友人在西洋菜街血拼完畢, 因為有未完的話題, 唔想逼係女人街D 小鋪坐唔得耐, 就過左黎高氏大廈轉戰樓上cafe, 而Mafe Cafe 係我第一次黎。第一次黎感覺都幾溫馨, 尤其係果幾張大梳化, 如果多D friends 黎坐到果張好似大爺gam 坐係到嘆住食都幾梳孚~食物方面, 初頭以為cafe的食物只係普普通通, 但食食下發覺其實都幾唔錯吃, 係有誠意的~~前菜, 我們叫左個凱撒沙律($88, 連飲品)。雖然Cafe 可能番貨量唔多, 但羅馬生菜仍然係新鮮爽脆的, 麵包粒、煙肉粒和巴馬臣芝士份量也足, 唯一美中不足的是: 蕃茄不應放在凱撒沙律裡。另外又叫了特色拼盤($78)特色拼盤來到時, 第一眼感覺餐人回到以前兒時開party , 很開心~裡頭食物種類很多, 有薯角, 雞翼, 蟹子丸, 炸魚, 炸春卷, 咖哩角,每款也有3數件, 並配上蕃茄醬和沙律醬, 讓人不知不覺一口又一口的吃,真的很香口啊~~主食我們叫了黑松露意大利飯($108)連飲品, 這意大利飯飯的軟硬度適中, 不過硬不過軟, OK,而黑松露味也夠香, 讓人感覺滿足飲品方面我們叫了花茶, 是薰衣草+茉莉+檸檬馬b

又係兩個女人既組合食飯談心去，今次揀餐廳既工作就交左比朋友，佢就係旺角揀左呢間孖啡cafe，地點都算方便，油麻地站行5分鐘就到。佢位置一個商業大廈既全層，咁岩lift壞了...好在行樓梯都只係3/F😂 我地7點都未到就上到去，時間仲早店內無咩人，店員安排我地坐窗邊。餐廳乾乾淨淨係舒服既，佢有兩邊，另一邊就多d大枱。野食既選擇因爲開左無耐既關係唔算多，都係d大路野實有一款岩大家心水🤗食物款式少，但Drink menu就好齊好多選擇😍 應該都係預客人上黎飲野傾計玩下board games。女人食飯唔少得既當然就係salad🥗啦，份量都算幾多幾大碟，偏多醬撈得都好勻，唔中意多醬既朋友記得要叫少醬喔！菜都新鮮既，麵包糠唔係炸到好脆會覺得好熱氣個種。兩個女人... 都算嗌左幾多野下哈哈！叫左個三文魚天使麵🍝🐟 意粉好多汁，忌廉汁都幾濃，佢算好多煙三文魚，仲有我最中意既菇菌😍 仲叫左個黑松露薯條🍟🤤 唔係炸到脆卜卜既個種薯條，係中間會軟軟地林林地既個隻，黑松露份量足夠食薯條食到最尾👏🏻 兩個女人都開始養生了，竟然唔叫smoothies叫熱花茶🌹🌷💐🍇🍓☕️ 一壺係藍莓花茶，一壺係紅莓花茶。唔甜無落糖