醋娘子 (Closed)

見到有好多人讚呢間舖頭，當然想試一試啦。首先係個花雕醉雞賣相唔錯，啲肉亦都好靚，但賣相同實體成日都係有啲失落感，咬落去嘅肉質還可以，都算係有小小滑，但係肉反而唔太入味，需要額外用匙羹去淋啲酒上去先有一啲味道。第二度嚟嘅係小籠包 個皮算係普通，裏面嘅肉咬落去，汁同肉質都算係普通，其實除咗講普通知外，我都唔知有啲咩其他嘢可以講 第三度嚟嘅就係個流心豬扒 一切開嘅時候，我其實都有少少興奮，因為個流心真係爆曬出嚟，但係一樣，食落去同賣相都係有小小差別，塊豬扒好似完全無醃過咁，感覺比較乏味，其實炸咗嘅嘢，應該乜鬼嘢都好食架？但呢個炸完之後嘅味道真係爭咗小小......最後就係個擔擔麵一嚟到嘅時候我望到佢已經覺得有小小中伏嘅感覺，個湯底完全唔擔擔麵。食落去，個湯底竟然有啲花生味，不過以我係一個超食得辣嘅人都覺得個湯底過辣。最後，無論係湯底，麵，咩都好，都係普通嘅味道，無咩特別咁出色嘅地方。食後感：全部嘢都係普普通通，喺呢一區嘅價錢嚟講其實算係ok，不過不失啦。

晚上在上環覓食, 由於行完PMQ都太累了, 就隨便揀左間上海菜食, 見價錢都合理就入去食.花雕醉雞 $48睇個樣都幾靚, 切得整整齊齊, 酒香味都重, 夠入味. 只係浸得太耐, 肉質好實好硬, 雞脾位都有點鞋.麻辣皮蛋 $20, 好好味, 夠哂麻辣好刺激, 而且麻辣味好快散, 唔食得辣既人都食到. 加上份量也算多.鎮江小排骨麵 $48, 有d似 糖醋骨的做法, 因為炸過一層炸皮, 吸到更多鎮江醋, 但炸皮淋哂, 好糊口.原本我想食的是沒炸皮, 煮得入味的款式, 跟這款相差太大.幸好麵條煮得剛好, 軟硬度適中, 不太淋帶咬口的麵條. 湯底也清而濃味.鍋貼 $26, 也不是我想要的款式, 上海的餃子都是偏厚身粉皮的, 脆口度也差很遠.這款跟超市買來的餃子味道差不多.不過廚師也煎得脆脆的, 只係味道普通.重慶酸辣薯粉 $42, 味道幾好, 夠酸也很辣, 食到花生碎既香味, 辣度刺激得黎有後勁, 最後真係頂唔順既辣.最令我扣佢分的是薯粉, 超難咬斷, 彈性有如橡根的難斷, 所以一直在口中, 連帶辣味也是, 最後越食越辣.總括, 小食類味道幾好, 粉麵類雖價錢吸引, 但味道麻麻. 整體感覺不夠正