Séan Cafe (Closed)

今日陪女朋友來呢間好少女心+花主題嘅cafe，餐廳唔大，可以容納嘅人數得十幾位。好彩咁啱嗰日早人一步入門口坐低左，如果唔係又要等位。座位與座位之間都幾迫下，但係環境就真係幾靚，所有裝飾同埋佈置都好有心思。我叫咗一份英式早餐，裏面有香草腸，炒滑蛋，火腿，薯餅，茄汁豆，麵包（牛角包），水果（哈密瓜乳酪），黑醋汁蕃茄。每樣食物都好精緻，好啱女仔打卡。 但對我來講，份量唔係好夠。至於食物質素，都有一定嘅水準。我個人幾鍾意哈密瓜乳酪。女朋友叫咗一碟牛柳粒香蒜扁意粉 ，試食左一啖，好重蒜香味，牛柳粒好易咬，啱啱好，唔會過硬。至於意粉就偏鹹，但整體來講都好味嘅。另外女朋友仲點左一杯跟餐嘅玫瑰花梳打，味道清甜好香玫瑰花味，杯隔離仲有一朵玫瑰花做襯托，真係啱晒影相打卡。

約左朋友到尖沙咀最鐘意帶朋友來Sean cafe 花花做主題野食又好食就算唔食得都睇得同影得下先來忌廉粟米餐湯勁多粟米幾乎每飲一啖都有好多粟米簡直係非一般嘅粟米湯我哋揀咗個英式早餐分量剛剛好全部食材都好新鮮煮得都好出色最想講下係黑醋汁扒蕃茄個黑醋汁特別好食一啲都唔稀流好濃郁夠晒醋鍾意食酸嘅朋友不要錯過簡直係成份英式早餐嘅精髓主打pancake 好出名我哋揀咗個朱古力脆脆pancake 勁多朱古力醬總共有三層cake每層中間都有厚厚嘅忌廉相隔側面鋪滿朱古力脆脆令到口感非常之豐富叫左杯 朱古力latte 勁香朱古力味仲有個好香牛油味既迷你曲奇🍪婺源黃菊杞子茶去火清熱解毒作用配上杞子明目功效廣益最後跟餐加$28叫埋個甜品揀左抹茶芝士蛋糕抹茶味同芝士味都好出唔會是但一邊冇味道細細件過下口癮就啱晒啦

早前放工後, 去尖沙咀做療程, 療程之前, 我先去食嘢. 為了方便, 就係附近覓食, 見到一間幾靚的café, 叫Sean Café, 便入去試下. 店內佈置以花為主, 女仔見到一定好鍾意和開心. 我點了英式早餐. 材料幾豐富, 有香腸, 煎蛋, 薯餅, 蒜蓉包, 火腿, 煙肉, 蘑菇, 蕃茄, 茄汁豆和自家制的士多啤梨醬. 每款食材也不錯, 我自己特別鍾意香腸, 蘑菇和自家制的士多啤梨醬. 飲品點了熱水果茶. 賣相精緻. 客人可以因應自己喜愛的甜度, 加入蜜糖於水果茶中. 食完英式早餐, 嘆番杯茶, 可以幫助消化, 去油膩. 愛食甜品的我, 甜品當然不可少. 點了朱古力脆脆班戟. 份量比我想像中細, 一個人絶對可以食得晒. 忌廉幾幼滑, 班戟幾鬆軟, 甜度又夠適中. 食晒一碟, 也不覺得膩. 這一餐好滿足.