民華餐廳

Open Now

Now Closed

今日同男朋友出咗旺角，佢話想食茶記就提議去民華，全場都keep住坐滿人幾full～去茶餐廳識食梗係食常餐同咖哩😂我哋叫咗個常餐茄牛通粉拼火腿炒蛋多士，多士仲加咗煉奶同花生醬😍 仲有咖哩雞飯，菜心，金錢肚同一杯薑檸樂蕃茄牛肉通粉湯底好濃郁👍有幾嚿蕃茄好有誠意，通粉又唔會過淋， 個多士我哋加咗花生醬同煉奶，佢搽得好均勻， 仲係新鮮烘起，勁好食！！😍😍😋😋 咖哩雞飯嘅雞幾滑，咖哩好香，唔會太辣同太咸，愈食愈開胃咁🙈🙊菜心唔會係好沉悶嘅蠔油菜心而係魚湯菜心，湯底幾香魚味，菜心都係煮得啱啱好唔會過熟👍金錢肚我冇食不過男友話幾入味幾好食， 估唔到茶餐廳食點心有呢個水準😅薑檸樂有三片厚厚嘅檸檬同埋好多薑絲，夠味但又唔會太辣👏👏店員唔會急住催你走而且坐得舒適，茶記嚟講質素屬於高上，價格合理，令我呢個極少去茶餐廳既人改觀🤣

是日胃口麻麻, 想食D開胃D嘅野~又想食常餐~ 所以決定去民華餐廳食茄牛通~常餐($43) 叫左茄牛通, 腸仔炒蛋配多士~ 田走(姐係阿華田走糖加煉奶), 咁樣飲會滑D嫁!~腸仔好食, 但應該係白烚的~ 冇煎炸過嘅~炒蛋好味! 滑, 又香蛋味!我中意放係多士上面一齊食, 牛油多士香脆, 配左炒蛋嘅香滑, 冇得頂!不過如果有人唔中意咁食, 我見佢可以加$2要多隻醬, 姐係可以加果占/花生醬/煉奶~蕃茄牛肉通粉個蕃茄湯! 真心濃湯來! 完全濃到係實色, 冇半點透明嫁!真係勁蕃茄!!!  而且入面都真係有一舊舊嘅蕃茄肉!牛肉, 我諗有5-6舊~ 好食! 係新鮮牛肉來! 冇用粉"也母"過!

可能晏晝食得太飽，成十點幾都未餓，但唔食又唔得，就去呢度食個常餐，估唔到咁夜都係坐滿要搭檯。叫左茄牛通，朋友就叫叉燒麵，茄湯味道不錯但牛肉冇乜牛味。 環境有少少迫，枱與枱之間都唔係好夠一個人過，啲人出入又要就住佢地都幾煩，快快趣食完就閃人。

民聲冰室晏晝時間食好多人,大家有心理準備排一陣隊,入面茶記格局我點左一個茄牛通加多士茄牛通推介,牛肉吸左茄汁味變得JUICY滑身，　蕃茄湯底好香好濃可以飲埋，正！多士真係幾厚下，出面烘底烘得不錯，成塊包有一粒粒分離既口感比較鞋身，但配牛油ＯＫ火腿一般貨色，而炒蛋大慨８，９　成熟，夠滑／值得一試

本來打算行街看金魚而已......點知中途竟然肚餓...原因係比經過的呢間餐廳吸引...入到去見到人山人海...座位空間狹窄但仲係爆滿...好辛苦先搵到2人位...一坐好已經要落單...好彩入去前已經想好...來到當然要試蕃茄通粉...一搭牛一搭豬潤...再跟餐肉蛋多士和餐肉蛋三文治...還有一杯華田一杯熱朱...每人也是大約30$...怕唔飽再加了燒賣加底...通粉先上份量跟正常茶餐廳的一樣...但蕃茄湯底什有特色而且很香更好味...牛肉豬潤味道可以...但不算上等貨色...反觀餐肉蛋份量非常大碟...而多士跟麵包也是厚底...多士當然香...但牛油麵包卻更帶出牛油味~~炒蛋也來得滑...建議配上麵包一起吃....至於飲品跟平常的差不多吧~

「近期」又一新「專做」常餐的快餐店開張。老公吃過,都覺得唔錯,不過坐得逼D。一入鋪,食評Lawerence Lau所說貌似,藝員徐淑敏丈夫黃皓的侍應招待我們坐下,落order至送餐,埋單都很順暢,沒問題。只是座位本身,枱與枱之間,虛位已細小,在繁忙時間,更一定要搭枱,四人枱,兩個parties坐,就真的很逼,令人有鼓壓力,要快食快走。我們叫了一個常餐$30,茄牛通、炒蛋餐肉、牛油多士、奶茶糯米雞$22糯米雞先到,很大隻,多肉碎,還有唔肥的义燒,雞件,冬菇粒,蝦米。餡料尚算企理,味道都有茶樓水準。茄牛通,茄湯紅得奪目,(應該加了茄膏/羅宋湯),所以湯口濃厚,不過我都是喜歡「星座」的無雜質齋茄湯。牛肉輕輕醃過,很淡,留有牛肉香。炒蛋有奶香,少少熟過火,蛋汁較少。奶茶茶&奶比例對板,好飲!講「常餐」,很多人會用澳牛比較,但澳牛水準穩定,已太深入民心,給人認同了。我會用後期的北海道牧場、華星比較。次序是北海道牧場>民華>最差華星。