勝香園

Open Now

Now Closed

第一天返新工，經過中環一定要去食返碗茄牛麵。記得第一次食勝香園是朋友帶我去食，食過之後念念不忘，可惜長時間在新界區返工，很少機會能過海，所以有成四年多無食過。今日過開金鐘，尊程去食過午餐，懷念一下想當年的味道。大熱天時都坐無虛席，可想而知它的吸引力有多大。餐牌上的食物價錢不算太貴，如果只吃不喝，都是$30~$40，在中環食lunch不算貴了。點了茄牛麵，蕃茄是地們牌，全碗面都舖滿了茄蓉。牛肉是滑牛，味道一般，但整碗麵的主角其實是茄蓉，很香濃，真是百吃不厭。

中環有不少出名餐廳，但胃就得一個，揀左一輪，決定去「勝香園」，希望不會浪費我一番苦心。叫左：凍奶茶，澀左啲出名嘅茄牛，可惜賣晒通粉，只好叫麵。碗麵充滿左茄醬同蕃茄，如果偏好茄嘅人最啱，可惜我對茄只係一般。牛方面，韌左啲，感到失望，只係平同量多，不要要求質素。帶住失望嘅我，好想試埋個脆脆，於是外賣左個「檸蜜脆脆」，回家後和家人分享。竟然超級好味，而且仲係脆，味道又好夾，真係出乎意料脆脆絕對可以encore, 其他就免。

今天早上一個人要去中環工作，突然行到一間叫勝香園，看見好多人在這裡吃早餐，我見我仲時間吃個早餐，就行入去試下，我叫了個茄牛通吃，來到看見好多蕃茄肉在湯入面太興奮，因為我最鍾意吃番茄，試了真的很好吃，價錢又合理，下次去中環一定要去勝香園吃過早餐！

星期三中午12點半左右到，雖然好多人，不過我地都係等左大概20分鐘，還可以接受。我點左茄牛麵（$26），好多番茄，番茄有D酸，不過新鮮。牛肉肉質幾嫩，公仔麵夠彈牙。吃完一碗都幾飽。而朋友點左茄牛通，D湯底比我葛濃稠，我個碗湯底比較稀。檸檬脆脆（$13）酸酸甜甜，味道好特別，炸得好脆，口感好正。奶醬多（$12）雖然其實就係多士加醬，但多士真係炸得好脆，D醬又唔會太甜！吃完唔會覺得滯！

琴日難得閒日放假😎同男友經過中環~就去依間好出名但一直都無試過既勝香園食個tea✌可能因為係閒日同3點幾😮一去到就有位唔洗等！行上去都出晒汗💦個風扇就唔多強力…不過食得街邊既都預左👌睇到餐牌👀一個麵都係二三十蚊！比出面d出出地名既冰室平好多🙈出面一個麵都4x 特飲又2x咁上下💰💰💰我地叫左2個麵一個奶油脆脆加2個飲品都唔洗100蚊😳講返d野食先😂個茄既味係好鮮果隻🍅酸酸地既同出面唔同~我個人就幾鐘意 但我諗未必個個like依隻鮮味😗佢個奶奶脆脆真係好脆下😂好好食！不過就唔好擺咁耐先食 一耐左就差d👀個咸檸七都正既 總括黎講我覺得值得一試👍😎 ps個姐姐都好friendly~好有街坊feel

光陰似箭，蘿拔兔原來已加入食家行列快近一年！由當初只是想寫日記般記下自己所吃的，到現在落力地寫食評，才發覺跟大家分享我倆的飲食經歷是非常愉快和減壓的事！記得我們的第一篇食評是勝香園，那我們這篇第一百篇當然要來個呼應了！這年香港到11月才有涼意，那正好！到大排檔終於不用汗流浹背了！由皇后大道中拾級而上，到達歌賦街的尾段。未走近勝香園，已經見到一大堆人！人逼人、比阿姐叫唔好阻住、捕實邊d人就快食完，20分鐘到終於有位！可能好多人覺得咁辛苦等，又要逼住咁食唔值得，但我每次都覺得自己就係咁“犯賤”，係要咁樣食先有勝香園既風味！唔使睇menu，當然又係叫蘿拔妹最愛既三寶！茄牛麵大大舊番茄肉足夠遮蓋整個面麵！雖然這碗麵有的是最普通的材料，但其酸度、香氣、麵的軟硬度都是蘿拔妹最喜愛的！與其形容這為美食，不如說它是我心目中的comfort food。人人的comfort food各有不同，你的可能是早晨全餐、奶油豬或叉燒飯。但在我心目中comfort food的第一位，肯定是這裡的茄牛麵！對面的大陸人不停說：“為什麼說得這麼好吃，我能比他做得好！”ok，口味呢d野，各有不同。你喜歡土豪style的野味

係附近既元創方睇完熊貓之後，就心思思要去勝香園食返個午餐。其實今次已經係第二次食，雖然去到隊唔算好長（個陣大概一點幾），但天氣又熱又焗，唔使幾分鐘已經等到成身汗。（建議呢種天氣最好帶返把扇/遮/...先去，因爲大排檔無冷氣，係馬路邊，而且多數要等位）呢d出名既地道食店，要同人搭台是常識吧！（建議唔好一大班人去，實有排都未到你，除非你肯分開坐啦）就算有得坐低，大熱天時都難免係咁滴汗，因爲就算有大風扇，都唔一定吹到你，而且地方有限，你同你隔離個位又是那麽親近，但為左美食，唯有頂硬上。熱辣辣，梗係整返杯鹹檸7消一消暑，但略嫌鹹左少少，檸檬味有D淡。主角出場，熱辣辣茄牛通！雖然湯底明顯係加左番茄膏，但仍不減我對佢既喜愛，牛肉唔會太老，分量剛剛好，加上包保熱騰騰上台，難怪咁多人慕名而來。相反，茄牛麵略爲遜色。除左因爲佢既湯底同茄牛通唔同，又淡左少少，唔係幾吸引之外，而且佢用既麵應該係福麵，如果可以轉成出前一丁相信會更好。檸蜜脆脆係勝香園既另一個賣點。真係好好味！脆得黎檸蜜差唔多完全滲入麵包，好食過翠華個D好多！雖然環境真係比唔上個D連鎖餐廳，但勝在有一份香港既本土特色。雖然裏面D阿姐係有D粗聲粗

來了第四次，終於試到了，因為之前來的時候也是關門，今次終於可以食到了。看見也有不少人排隊，以為要等很久，但很快便安排入座了。我們三人坐下，因為我太想試那個最出名的檸蜜脆，所以忍不住叫了兩個，又叫了茄牛麵，奶醬多檸蜜脆脆$12，很便宜，在這種有大排檔風味的地方吃真的別有一番風味，烘得很脆，又不會太甜，我足足吃了一整個，雖然很飽，但很有滿足感，滿足了我來了三次也吃不到的心情和份量茄牛麵加蛋$28，味道不錯，酸酸的，我們叫了麵而不是通粉，因為本人太不喜歡吃通粉了，反而我覺得公仔麵是特別好吃的，雖然較為不健康，我們加了蛋，蛋不9畢煎和炒得特別香，不過濃濃的湯配上蛋是更加好吃的。我叫了我最愛的奶醬多$11，由細到大我對奶醬多也是百吃不厭，對於食評也有人推薦，我當然不得不點了，味道沒有什麼的特別，多士也不是特別厚，不過這餐飯可以滿足我很想吃的東西，所以整體也滿足的。

第一次去食大名鼎鼎既勝香園，老實講好少去中環，反學又係火炭個邊，平時又忙，根本無時間黎中環覓食，呢一次特登趁sem break。勝香園真係想食好耐，點解？咪就係因為佢馳名既檸蜜脆脆嚕~我平時唔好蕃茄，所以今次都可以話係為脆脆而來。唔知有無人同我有同感，第一次黎既話，真係勁難搵，呢間仲要特別難搵。對於我呢啲0耐性既人，真係有諗過搭的士就算。但偏偏我份人又要死硬頸，最後都靠我無比想食脆脆既意志搵到呢間老牌茶檔。 一坐低就有兩張menu係我地面前，本身唔中意蕃茄既我見到四周既人食麵食到咁滋味，咁我就姑且食一碗茄牛麵同為左佢黎既檸蜜脆脆啦~個阿姐好勁，記得哂我地食咩。茄牛麵首先黎到，滿滿既蕃茄肉，一聞就知唔係新鮮蕃茄，因為無個陣酸酸既味道。睇反下面各位食家既食評，都有提到衣家勝香園用既係罐頭蕃茄。不過其實都岩，24一碗麵，而家咩都貴，唔用fresh蕃茄都無可厚非的。不過個湯頭都唔錯，麵都唔係好硬，適中。牛肉實屬一般，份量都不太多，罷了，它不是重點~一邊食一邊感受那種豐腴的香氣，無可否認真係改變左我對蕃茄既睇法。檸蜜脆脆($11)食到一半就到左！果然不枉我山長水遠黎><!砌成米

第250篇，就懷舊一下。在我心目中十大必去的食店中，並不是全部都是星星推介，當中有一間碩果僅存的奇葩，它就是位處中環的勝香園。此處仍然保留了大排檔的特式，沒有冷氣、沒有整理的舖而，大顆兒只可一起擠在綠色的帆布下，吃著通粉、公仔麵、脆脆，喝著咖啡、奶茶、咸檸七等等的飲品食物，此等情景已買少見少，偏偏就是這個光境，人龍不絕，大家為了一嚐，不惜在炎熱天氣下等待。就趁著現時天氣還可接受下，我也來了緬懷一番。這裡的名物除了各款脆脆外，當然茄牛麵或通也是焦點，蕃茄湯底鮮甜而茄味濃郁，酸酸甜甜的，很醒胃，配搭新鮮嫩滑的滑牛，有濃厚的住家風味，不吃不可。如果嫌茄湯較酸，加隻煎蛋中和一下，刺破蛋黃後拌勻於麵中，微微的蛋香隱隱若現，又有另一番滋味。不喜歡這些組合，又可自組，只要你想，他們也會盡量滿足，不愛吃麵，又可吃通粉，不喜牛肉，又可轉餐肉炒蛋，簡簡單單的材料，卻能做出千變萬化的美味。既然來到這兒，豈能放過脆脆不吃，是次就點了奶油脆脆及檸蜜脆脆。在烘得脆卜卜，一咬即碎的豬仔包上，抹上牛油煉奶，總是令人愛不釋手。然而由牛油煉奶轉為檸汁蜂蜜，又有另一番滋味，感覺上熱氣滕滕的脆脆因檸汁蜜糖的滋潤下而變得很溫和

有朋自遠方來，除了要帶他們到古廟古董街看看，當然少不了要一嚐這快要變成古董的味道勝香園的味道不止於食物，也包含了它的環境，風味和大牌檔這個集體回憶不過熱騰騰爬上山吃大牌檔真的不是每個人都覺得值得茄牛麵，蕃茄有很多，事先去皮，不會吃到有渣湯充滿蕃茄的田園味道，不知道是不是茄膏加新鮮蕃茄煮出來的呢牛肉沒有筋，份量不錯 外面焦脆，塗上檸蜜很好吃 但裡面沒有很脆，可能因為速度要快所以烘不到整個都脆另外鹹檸七夏天解暑非常好朋友第一次喝覺得很特別 很難得吃到這種舊香港的味道，價錢也不貴，只是要花點力氣走上去

心血來潮, 想食脆脆, 雖然之前也曾經試過, 但巳是年幾前既事了. 茄牛麵 : 看到很多的蕃茄蓉, 配上新鮮的牛肉, 而且麵身軟硬適中, 很好味.牛油檸蜜脆脆 : 知道這是勝香園的招牌菜, 我不愛牛油, 所以事前跟伙計講左 “走油”. 上枱時看到一開四件的脆脆, 有點兒似 “米老鼠” 哈哈. 吃下, 很香的檸蜜味道, 不過個人覺得太脆了, 變成內裡沒有質感, 像似是 “空心”, 有點兒失望. 蛋治烘底 : 本來想要麥飽, 但賣晒. 這裡不是厚飽的, 但整體比想像中要好. 微烘過的白飽再加上薄薄一層的炒蛋. 雖說炒蛋偏乾身, 但起碼不會像一般茶記的油淋淋炒蛋. 同樣是一開四件, 很細心的. 凍奶茶 : 茶味不太夠, 而且偏奶了一點. 後記 : 多謝老公陪我, 眼見他汗流浹背地食, 真的不好意思哩.

去完書展就直到這兒品嚐品嚐~去到的時候未到滿座.就叫左茄牛麵加凍奶茶,等左約5分鐘.第一樣上的係奶茶.奶茶茶味香濃,就算係加左奶都感受到茶的苦澀味.如果好甜奶茶的人可能唔係好岩.接著是茄牛麵,茄湯湯底非常新鮮,並唔會過酸.而且還可以找到一些茄肉.麵也不會過軟.牛自己就覺得冇咩特別.雖然小小的一碗茄牛麵,但好像看到了不少心思.而整體上是很不錯呢!希望水準能夠保持

11月14日, 呀菲好想食蕃茄麵, 咁我地特登黎到勝香園, 未黎都知會大排長龍, 好在等咗唔係好耐就有得食~ 雖然我地都係食d例牌野, 不過好似食極唔厭, 所以唔駛睇menu已經可以叫野食~::: 茄牛麵 ::: $19蕃茄照樣十分新鮮, 咬落好多汁, 甜得黎少少酸, 好開胃! 湯底雖然係用麻油丁麵嘅味精粉, 不過又冇搶咗蕃茄嘅鮮味~ 最欣賞佢冇落茄膏, 茄汁等等去人做茄味! 牛肉都好新鮮, 都幾彈牙~ ::: 茄旦牛通粉 ::: $25旦牛配茄味道實在一流! 比普通煎蛋有層次之餘又比茄牛味道豐富! 通粉煮得軟稔不失彈牙口感, 索埋鮮味番茄湯底無得彈~ 正!::: 檸蜜脆脆 ::: $8每黎親我地都會叫黎食~ 蜜糖香甜而又加上d檸檬汁, 酸酸地刺激味蕾~ 另外朱仔包又烘到好脆, 黎到即食熱辣辣~::: 凍華田 ::: $11凍華田就不過不失, 唔夠濃但係好夠凍~凍朱要整得好飲都係好難…雖然又露天, 又要排隊等位, 野食唔叫做平, 但係食得出佢地整作用心, 又保留到香港大排檔風味~ 係我地食過最好食嘅蕃茄麵!

今日浮游到中環食早餐. 唔知食mug 好, so 打開 notebook check 一check www.openrice.com. 嘩.....原來現在在中環區有最多妤平是勝香園. 事不而遲, 立即行動!!!! 9:15am 到達,不是太多人. 睇咗menu就叫咗以下的食物:1 -- 蕃茄牛肉湯麵 -- 牛肉味道可以接受. 質地比一般茶餐廳的沙嗲牛肉好. 蕃茄湯底沒有想像中那麼attractive. 味道還比sesame source 搶走2 -- 檸蜜脆脆 -- 一般....我覺得旺角翠苑(豬扒飽)D飽比較好3 -- 凍奶茶 -- 我比10分!!!!!不過, 全個早餐都要食得很專心. 因為實在太多"小飛飛"跟我一起進食. 有時, 佢地還跟我share食物. em.........