鳴虎

Open Now

Now Closed

對上次食鳴虎已是一年前，今日路過想食拉麵，於是再去幫襯。同之前比起今次多了個拉麵套餐，包括一款拉麵、一款小食同一款飲品，多左唔同嘅配搭鳴虎拉麵套餐 | $128雖然湯底選了普通濃度，但魚乾豬骨湯味道夠哂濃郁，滿口油香。拉麵質地有選擇，個人喜歡幼身有嚼勁，連埋木耳一齊食，吸咗湯精華，口感豐富，溏心蛋入味，叉燒半肥瘦夠軟腍，肉味同油脂香濃。小食係雞軟骨，爽脆帶香辣、一粒接一粒，完全停唔到。飲品係茉莉花茶，用咗玻璃瓶焗10分鐘，口感清新芬芳，可以減少肥膩感浦燒鰻魚丼 | $68鰻魚大塊同嫩滑，鰻魚燒得好香，肉質淋，食到鰻魚嘅油香味，而且蒲燒醬汁撈飯一流，這個價錢確實幾抵追加一款小食吉列廣島蠔（2隻）$18大大隻炸到金黃色，咬入口脆卜卜，蠔味鮮香，配埋沙拉醬下齊食

同朋友係新都城行街， 行到咁上下，嚟呢間性價比高嘅拉麵店醫下肚先，有個$128嘅鳴虎拉麵套餐，有拉麵有飲品有小食，幾抵，鳴海老 - 蝦味噌豬骨湯拉麵，湯底味道鮮甜，拉麵灑上櫻花蝦粉，更添鮮味，叉燒厚身啖啖肉。套餐小食揀咗胡麻菠菜，睇落好似細細碟，但其實份量頗多，新鮮翠綠的菠菜，淋上胡麻醬，惹味又不會過咸，茉莉花茶，味道清香， 一大杯好抵飲，赤虎 - 特濃辛口拉麵， 湯底味道香辣，拉麵爽口彈牙，勁正嘅原隻溏心蛋， 蛋黃半生熟，蛋香味濃，口感軟滑。總結：餐廳座位寬敞舒適，餐桌和餐具均乾淨衛生，侍應招呼主動殷勤，拉麵湯底濃而不膩，拉麵套餐抵食，性價比高，可以做飯堂。

到鳴虎食拉麵，位於將軍澳貿業路8號新都城中心3期1樓161-162,169及171-174號舖。 店內環境開揚， 餐牌上除了拉麵，還有丼飯和小食，點了蒲燒鰻魚丼$68、鳴虎拉麵套餐$128 (鳴虎、濃湯、 肉餃子和茉莉花茶)。 ▫️蒲燒鰻魚丼🍚 ～ 鰻魚厚身啖啖肉， 口感細嫩， 濃郁甘甜配上白飯，好味！ ▫️鳴虎拉麵🍜 ～ 日本魚乾豬骨湯拉麵， 豬骨濃湯配上魚缸淆製而成的湯頭，味道很濃郁，拉麵煙韌度適中， 還有三塊日式叉燒、木耳、蔥花、紫菜和溏心蛋， 豐富的食材令整碗拉麵味道提升。 ▫️肉餃子🥟 ～ 炸餃子香脆可口， 熱辣辣，記得趁熱食呀！ ▫️茉莉花茶🍵 ～ 味道清香， 帶有淡淡的甜味。 拉麵和丼飯的價格都好親民😊， 下次會再嚟食其他種類的拉麵。 🏷️溫馨提示～ 整個用餐體驗均屬個人分享意見， 只作參考😊。

最近新都城不斷有新舖開張，特別係三期，呢兩年有幾間新店。當中有一間地點唔太顯眼既拉麵店吸引左我去試。聖誕節過左兩個月，都仲見到門面有個好可愛既雪人仔，應該係太可愛店長唔捨得拆？當晚都有唔少客人，店員好熱情介紹餐廳推介食物，有個$128拉麵餐睇落好抵食，包一個拉麵+小食+飲品。最特別係可以免費加一個麵底。最初以為小食只有一兩件，點知有全份，合共五件，餃子脆卜卜，好食。主角拉麵黎啦，蝦咪噌湯有濃濃既蝦味，湯不會太鹹，最重要係一點也不油膩，食完成碗都不覺膩。麵底大大個，係直身幼拉麵。有兩片叉燒、一隻溏心蛋、一片紫菜同好多木耳。平時拉麵會有筍，但呢間無，正合我心意，因我䑁得日本筍味道怪怪的。另一個係黑鳴虎，有好濃既黑蒜味，跟$128餐可免費加一次麵底，初時以為加得半個，點知有成個麵，食到我朋友好飽。餐飲點了茉莉花茶，好多茉莉花呀，味道甜甜地，唔錯。整體來說呢間係一間很不錯的拉麵店，會再黎食。