LIFETASTIC Patisserie (Fashion Walk)

Open Now

Now Closed

《食完晚飯🍴，好多時都想食返件🍰好好享受一下！但又好怕漏😪今次買左件草莓西瓜蛋糕一試🤤睇個樣已經覺得好靚好鍾意💓層次又分明😍因為面頭鋪滿食用花，所以已經聞到陣花香味，好清新🌷食落士多啤梨就甜甜地，夾著d玫瑰忌廉🤤但因為加左好多水份既西瓜係入面，食落覺得好fresh🍃唔會覺得又甜又漏！聽講最底果層係杏仁粉做嘅餅底👍✨食完成件，都唔會覺得有罪惡感🤡搞到我好想試埋其他Cake!下回再戰😎

傳說中嘅港女蛋糕，今日有港女同事生日，終於可以食到草莓西瓜蛋糕蛋糕一拎出黎真係好靚，蛋糕面鋪滿紅紅的士多啤梨加上玫瑰花瓣乾，未食已經有一陣陣玫瑰花香，令人好期待。食第一啖，就俾佢嘅cream吸引咗，佢嘅cream打得厚身，好滑，好香奶油味，同西瓜非常夾。蛋糕唔係一般嘅海棉蛋糕，我嘅得有d似好鬆嘅麵包，內裏有果仁碎，非常香，加上淡淡嘅玫瑰花香味，整個蛋糕非常完美，由內到外都 💯分。唔怪得咁多好評，我下次生日都會訂。

在銅鑼灣行到差不多想走，實在太多人，正準備坐地鐵走，經過Fashion Walk，好耐無去過，諗住入去係咁易兜個圈。LIFETASTIC 的廚窗是正向對著行人流向，所以一入去商場行幾步就好自然見到，離遠看到感覺頗舒服，所以行埋去睇吓。一見覺得啲蛋糕好靚，每件都一層層，顏色好舒服之外，感覺好矜貴。店中主打重點推介的招牌蛋糕signature cake是草莓西瓜蛋糕 strawberry watermelon cake，好特別，無聽過咁嘅配搭，最重要係好靚，蛋糕頂層一睇好豐富，有好多玫瑰花瓣，又有少少綠色的開心果碎襯托，色彩豐富得來是令人感覺既舒服又開心繽紛，我第一次對住一件蛋糕仔有呢個感覺，通常至少係個好特別或好有心的大蛋糕先令我有呢種一見就喜悅的心情。🥰咁特別嘅喜悅感覺就梗係睇下幾錢先，一件$68，感覺有點貴，同時個蛋糕真係好吸引，睇到都有高貴感覺，諗住都試一次。喜歡店用木叉，我自己不想用太多膠，所以已加分。蛋糕一共6層，所以我好小心想一次過試6層的味道，結果有少少難，咁靚都不太想破壞😅 結果小心翼翼的第一啖，好特別，自己突然食家上身，因為味道又有層次，好清新，甜度恰到好處，有草莓味，

友人向我推薦這個草莓、西瓜蛋糕 ... , 聽起來覺得奇怪，因為西瓜多汁，覺得蛋糕很快便會很濕。蛋糕很有層次，有差不多5、6層。一層層的忌廉、蛋糕和西瓜，上面還有滿滿的草苺和乾玫瑰花瓣，很漂亮。原來他們用忌廉分隔西瓜和蛋糕，令其不會被弄濕。蛋糕的最底層的是一層有脆脆的底。暫時未辨認出內裡有什麼材料，但蠻好味。咬落下薄薄的蛋糕層好像有碎開心果或杏仁，令蛋糕增加了質感。再咬下去，西瓜汁便出來，令整個蛋糕的味道變得很清新，感覺不錯。細嚼下還感受到濃濃的玫瑰花🌹的香味 ... 感覺浪漫 ...(我們買了一個$210，應該夠4人吃的小蛋糕，因饞嘴的友人說他要吃兩塊 (一塊$65)。我還打包了一塊蛋糕回家)

LIFETASTIC草莓西瓜蛋糕我終於試到喇🍉🍰一層cream一層西瓜肉仲有士多啤梨同玫瑰花瓣係面第一啖已經充滿玫瑰花香味士多啤梨唔算甜🍓但加上西瓜🍉整體都幾match個味係幾新鮮既🤗初初以為個餅底係脆既點知口感係煙煙靭靭，似杏仁穀物個種味道但我都係鐘情lady m既海鹽焦糖千層蛋糕😂😋