六両三 (鉅利大廈) (Closed)

今日去左天后一間超高性價比台灣餐廳，食物質素都幾高👍🏻古早味厚切排骨便當首先試左排骨便當, 排骨嘅size相當大夠cover曬啲飯, 肉質偏向厚實😋 除左排骨其他配料都豐富, 有滷蛋、切片台灣腸、椰菜、芽菜等, 食落似係麻油涼拌好惹味~ 另外飯係mix左少少滷汁所以唔會太乾, texture都唔會太淋岩岩好👍🏻蕃茄紅燒炸墨汁墨魚扒麵另一款主食試左墨汁墨魚扒配台灣粗麵, 蕃茄湯底好濃郁面頭仲有大量新鮮蕃茄, 另外墨汁墨魚扒都幾有驚喜, 食落口感係似蝦餅好彈牙, 中間仲夾住啲墨魚粒超香墨魚味, 熱辣辣即叫即炸!✨ 粗麵條條分明唔會痴住或者煮到一pat~炸黃金地瓜條同樣都係即叫即炸, 每條都炸到金黃色, 而且幾粗身啖啖蕃薯肉😋 overall唔會好鹹, 同埋估唔到份量咁多~荔液滿白峰加配都只係半價, 主要嘅toppings有雲呢拿味雪糕、芋圓、荔枝味爆爆珠, 而主角黑糖仙草勁好食!!!! 仙草味好fresh, 口感少少彈又無涼粉咁硬, 成份唔會好甜, 食得出無落人工糖水, mix埋雪糕透心涼🌱白桃烏龍白桃烏龍係寫明係無糖, 用茶包沖出離但桃味都幾出, 食完咁多濃味野balance番都唔錯~

早前因為過到嚟炮台山一帶換禮品，估唔到時隔兩個多星期，又嚟呢頭食晚飯。但今次就近天后呢邊，揀咗賣台灣菜嘅「六兩三」，因為見佢有幾家分店，風評上佳，值搏率高。 整間店嘅裝修都好有心思，除了天花放咗幾幅竹簾之外，最大亮點喺兩邊牆上嘅壁畫，一邊喺紅燒湯麵，另一邊喺鐵路便當，加上全店深色木系枱櫈，一室甚有古早風！ 餐牌就簡簡單單兩大頁，一張喺各款台式小食、涼菜、炸物、湯麵、拌麵、飯品……等等，另一張就喺各款台式飲品。落單可以用二維碼，點知更有驚喜，因為有啲小食可以用優惠價加配，雖然細份啲，但可以試多啲嘢。 百頁豆腐 +$8正價賣$25，唔知有幾多正，依家加配就兩件，啱啱好一人試一件。豆腐都幾大件，外皮少少煙煙韌韌，裡面卻好嫩滑，甚有豆香，淋上濃厚嘅醬汁，頗為惹味。 台灣香腸 +$10除咗4片香腸，仲伴有生蒜頭，香腸切得厚薄均一，外層口感脆脆，肉質挺實，味道香口，帶有少少蜜香，配上生蒜頭一齊食，風味獨特。 牆上仲掛有一張教人食紅燒牛肉麵嘅攻略，不過，我哋無跟，因為臨走時先見到，哈哈！牛腱牛肋條麵 $85老友就幾鍾意食牛，所以，就揀呢一款既有牛腱，又有牛肋條，選幼麵，無論餸料，還是麵底，都非常份量

食台灣野，不外乎要唱下台語歌，隊下啤，大叫我愛台妹呢d基本野唔在講。不過「六両三」貴為人氣台灣品牌，當然要試下佢地地道台灣特產例如鐵路便當呀，紅燒湯麵呢類啦，你估台妹嗌下就有咖啦咩，ff下好啦。👇🏻📌麵 食 -▪️ 紅 燒 三 寶 牛 肉 麵 - $95▫️ 先黎個「紅燒三寶牛肉麵」，三寶一次過食勻牛腱、牛肋條、牛筋，湯底完全唔係味精或者牛骨粉呢d味道，熬出黎既牛香味相當濃郁，牛筋夠腍滑，牛肋條煙韌有彈性，牛腱有咬口，加8蚊有一隻溏心蛋，夠哂滑溜，加多10蚊食埋台灣香腸，燒得夠惹味的，食落質感軟硬適中，好食。▪️ 麻 醬 麵 - $48▫️ 我fd就試左個「麻醬麵」，呢個拌麵用麻辣醬同埋花生醬撈埋一齊，食落麻辣味突出，加上面頭大量青瓜絲營造到唔會好膩既感覺，麵條夠爽彈，加加8蚊仲有滷甜不辣，口感似韓國年糕咁，幾軟糯，跟餐餐飲只需要12蚊有埋杯荔枝烏龍，唔錯。📌小 食 -▪️ 麻 辣 鴨 血 豆 腐 - $48▫️ 最後整多個小食「麻辣鴨血豆腐」過下口癮，鴨血夠濃香嫩滑，豆腐吸收哂辣汁精華，夠哂惹味！📌甜 品 -▪️ 荔 液 滿 白 峰 - $28 ▫️ 呢個甜品「荔液滿白峰」亦有驚喜，份量相當之大，芋

去完會展，想食台灣嘢，就過咗嚟呢間。好耐冇食過，今日再試吓。裝修充滿台灣感覺🤣。叫咗碗牛肋條麵，因為本身唔鍾意食筋，所以鍾意就咁嗌肉類。可以加錢配小食，如果唔係既話每樣都想食嘅時候就眼闊肚窄食唔晒。$82牛肋條幼麵面+$5麻辣湯＋$8溏心蛋＋$8滷甜不辣＋$10台灣香腸加錢要咗麻辣湯，糖心蛋，甜不辣，香腸。每份小食都有三至四塊，性價比高。糖心蛋超級流心，甜不辣有口感，香腸煎得好香。本身鍾意食幼麵條，覺得個幼麵煮得幾好，唔會淋晒。個湯底好濃郁，一上枱已經聞到好香。牛肉份量都好多，大概有四至五條，啖啖肉。跟餐+$10 白桃島龍（無糖）跟餐加$10好抵，有原個茶包，白桃香味濃郁。$23 蜂蜜檸檬唔係得檸檬糖漿，有兩片檸檬，感覺呢一餐冇咁邪惡。$38鹹酥雞小食叫咗個鹽酥雞，仲有九層塔，有種去咗夜市嘅感覺，鹽酥雞都揸得脆卜卜。跟餐+28 荔液滿白峰另外而家跟餐可以加個甜品，呢個淨係個名都好有詩意🤣。有滑嘟嘟嘅仙草，雲呢拿雪糕，大大粒三種口味芋圓，仲有荔枝味爆爆珠，一咬落去荔枝嘅香味爆出嚟。

路過見到呢間台式食店個名幾得意，望到門口嘅餐牌啱食，又唔使等位，就入去試吓牛三寶拼盤 $98牛筋丶牛鍵丶牛肋條，睇落好似細碟，但每款幾件，其實都唔少，其中最鍾意牛筋，較軟腍入味蕃茄紅燒湯墨汁墨魚扒麵 $83麻辣鴨血豆腐 +$18鍾意食墨魚嘅朋友，應該會覺得呢款墨汁墨魚扒好味，酥脆鹽酥外層，彈牙墨魚粒粒蜂蜜咸金桔 $20掃code落單，本身冇得選擇少冰少甜，但係可以喺備注嗰度寫，而男店員亦有配合要求，good呀！胚芽珍珠奶茶 $29胚芽珍珠佔咗 1/4杯，奶茶底可以揀只要烏龍茶/茉莉茶，可以自選啱自己口味嘅配搭荔液滿白峰 +$28芋圓丶仙草丶雪糕丶荔枝爆爆珠，好耐無食過呢款台式爆爆珠，仲要係荔枝味，略嫌太甜