貴族蛋糕

Open Now

Now Closed

早喺六七年前認識一次客人送上貴店嘅忌廉蛋糕而認識呢間蛋糕店。一年後偶爾吃過很好味的曲奇餅，原來也是來自貴族蛋糕。呢間餅店身處喺太子地鐵站，花墟附近，地點方便。我會推介佢以下幾樣野：1. 傳統嘅水果忌廉蛋糕：睇個樣其貌不揚，款式老土，但係一吃下去便甚為有驚喜感，忌廉10分香滑，蛋糕軟熟濕潤，很好味。2. 雜錦曲奇餅：有超過八至10款曲奇餅選擇，店舖亦很細心貼出熱賣的頭三款曲奇餅。這裏曲奇餅主要分了牛油曲奇餅及果仁曲奇餅兩大類。牛油曲奇餅牛油味及蛋味突出， 10分鬆脆好味。熱果仁曲奇餅校硬身，每啖都有果仁。可能我比較鍾意食鬆脆曲奇餅，所以我個人推介朱古力曲奇餅及腰果曲奇餅。3. 必試：👯👯👯👯鳳梨酥 👍🏼👍🏼鳳梨酥一向都係啲好貴嘅嘢，例如台灣既伴手禮除翻要$10.1件。但係本港自家製造嘅鳳梨酥只需要$7一舊，仲有買五送一。出邊嘅餅皮就好似牛油曲奇餅皮一樣，很香鬆脆，入邊包有滿滿嘅傳統鳳梨餡。如果可以放落焗爐度翻熱1分鐘，口感更佳4. 菠蘿蛋糕同事極力推介，我就覺得一般。感覺似一個牛油蛋糕，上面加咗一件烤乾咗嘅菠蘿片

家人告知有位國內的親友到港，期間又正是其生日，聽好友說在旺角花墟那邊可有壽桃造型蛋糕，於是去看看。依然地圖來到附近，漸漸有陣陣的牛油及蛋糕香味，似乎這店的出品應該不錯。來到店前，已有不少食客，並濟滿整間店舖，可見是非常吸引。店前的雪櫃擺放著已完成的蛋糕，而且也有壽桃造型，非常精美。另一個是擺放著曲奇餅，有著多種款色，隔著玻璃造的櫃也有陣陣曲奇香氣，非常吸引。等上了好一會，排隊等候才到我，可見客人之多。我說要壽桃造型蛋糕，店主說我好幸運，還有一個未被訂購，預先訂造的一般可以在蛋糕上加上名字等，對於臨時才知道與親友慶祝，能買到壽桃造型蛋糕已經很幸運，正是蛋糕雪櫃沒有名字的那一個。大大的造型蛋糕，重兩磅，約為$250，價錢相當合理。為食的我，自然也不會借過機會，多要了菠蘿蛋糕、芒果布甸及木糠布甸，菠蘿蛋糕還是買五送一，可是我不可吃太多菠蘿，只要兩個。回到家中，有點餓，與家人分享了菠蘿蛋糕，當打開了包裝，已有鮮香的菠蘿香氣，兩片菠蘿鮮甜，蛋糕濃香牛油味，又不過太厚，還帶著點點菠蘿香氣，口感全不乾，吃過後不會如一般蛋糕一樣會感覺口乾，非常香口。芒果布甸，口感滑滑，還帶著香香的芒果味道，卻又不會過

每次經過花墟都會被這間傳統餅店的蛋糕吸引，這裡的蛋糕是傳統蛋糕但又可以整不同造型，購買當天見到有Lego公仔、壽桃、玫瑰花等。今日經過這間餅店，被曲奇味引左入去，所以決定買黎試下。貴族什錦曲奇($ 100/磅)，這裡的曲奇有很多不同的味道，如朱古力，合桃，腰果，咖啡，果仁，牛油味等。曲奇鬆軟香口，所有味道都很突出!日式芝士蛋糕($24)，半磅蛋糕只係$24好平，蛋糕放在室溫成日都冇變質。食落有淡淡的芝士味，而且很鬆軟，口感同我係日本食到類似的芝士蛋糕一樣!菠蘿蛋糕($7)，這款傳統的蛋糕細細個已經好中意食，這款蛋糕仲做緊買5送1，即是$6一件，都幾抵。而且蛋糕面有一大塊菠蘿，比坊間的菠蘿大片，蛋糕一D都唔甜，細細個用黎當茶點食都唔錯!有機會要來這裡預訂造型傳統蛋糕試試！

行過花墟，係橋腳附近有間餅店，望落去好似幾傳統咁，就試左佢幾款出品。曲奇餅有十幾款，而買兩磅最多可以揀兩款，就揀左原味牛油同咖啡。呢度嘅曲奇餅無咩牛油既香濃不過咬落都好鬆化，食完唔會覺得好油膩，食多幾塊都唔驚滯，好過坊間一啲好出名既牛油曲奇咁太油太鬆，不過口味呢家野就見仁見智啦。另外試左佢個鳳梨酥，個皮係薄既，都算實在，咬落唔會散；而個餡食得出係用新鮮菠蘿整，唔會太甜又唔會太酸，味道剛好，值得欣賞。菠蘿蛋糕都有試，質地似牛油蛋糕咁，食既時候會有少少菠蘿味滲出黎，而蛋糕上面有一塊真菠蘿。蛋糕嘅味道不過不失，幾蚊用黎醫肚都唔錯。

這家老字號的西餅蛋糕曲奇店，以各款曲奇和立體造型蛋糕馳名，在太子道已經開業多年。這天路過，順道在這店買些曲奇和菠蘿蛋糕回家吃。這裡的菠蘿蛋糕賣相特別，香甜鬆軟的小蛋糕上有一小塊乾菠蘿片，與蛋糕一起吃，可感到有一股真正的菠蘿味道。至於這裡的曲奇，其實有不同的款式，這次買了四款，包括紅莓、朱古力曲奇等，還有一款心形的杏仁曲奇，味道都不錯，不會太甜。牛油味和朱古力味夠濃，咬落也甚為鬆脆。這家老店的曲奇雖然不能算是最好的，不過都算做得不錯了。

係太子附近食完lunch就行下街shopping下咁，由於媽咪又想換下屋企D花，所以我地行左一陣又行返去花市個度睇下有無咩花買。行下行下都行左幾耐，之後買完走既時候經過呢間貴族蛋糕又忍唔住行下望下有咩買。其實我之前去CHURCH經過時都幫襯過一兩次，食過下d蛋撻蛋糕都ok既。不過D姐姐仔服務就麻麻，唔知係咪因為我買得少呢，所以好似無咩禮貌咁。我今日買左件菠蘿蛋糕食，其實呢隻蛋糕我之前已食過一次覺得幾好，所以今日又買件黎食下。上次食係熱辣辣新鮮出爐，今次唔係，不過佢好好都係微熱的，我覺得佢最好係呢樣野。因為蛋糕麵包都係熱辣辣好食。個蛋糕係落好鬆軟，有好香既蛋味，不過其實唔係好大個。蛋糕菠蘿味唔算好濃，佢得意在有一片薄薄既菠蘿舖左係面，個菠蘿係乾身抽乾哂D水份的，咬落去好香好甜，所以我覺得呢款蛋糕幾好食。我之前食過佢個蛋撻都OK，唔算難食，同埋最好就係佢D野真係夠熱，所以下次經過又口痕時都會幫襯的。=)