越滿 (Closed)

係旺角友人想食雞煲，我又想食越式湯粉，竟然俾我哋揾到嚟間鋪，一次過滿足我地兩個嘅願望內裡主要用卡通壁畫作裝修，又cute又靚同川式雞煲最唔同嘅地方係佢使用左大量九層塔，極香跟套餐有牛肩胛肉片，牛柏葉，黑椒牛丸。牛肉有越式生牛肉湯河d牛肉嘅感覺，好滑；牛柏葉很爽；牛丸牛肉味勁重而且亦極爽口彈牙而我叫的就剛好是生牛肉湯河，吃了此塊牛肉後更覺同雞煲火鍋嘅牛肩胛肉相似，同樣嫩滑湯底超重牛味，再配合大量越式香草，一碗非常出色的越式湯粉另外再叫了個菠蘿豬頸肉炒飯，豬頸肉d邊位是脆的炒飯不止有菠蘿，還加了提子乾，可中和豬頸肉的油膩感

試新野💁🏻‍♀️對越南菜一直冇乜特別興趣黎到當然試返啲大路野🤭👉🏻菠蘿豬頸肉炒飯一黎到覺得飯既份量有啲少不過味道好好豬頸肉好大塊，又唔會特別難咬開不過唔知係咪天氣關係，好快就會凍所以要爭取時間食！👉🏻咖哩牛腩配法包一黎到斷有驚喜見到有個火燒緊，就唔怕會凍啦牛腩炆到好淋，配埋法包同咖哩醬就啱啱好👉🏻馬拉盞炒通菜平時食開既都會有啲辣但呢個反而冇，另外有啲意外呢碟都可以既，不過驚喜唔大啦😂整體都幾滿意，平日6點黎到上菜整度都適中

咁岩約開朋友去旺角食飯 又一排無食過越南野 咁就搵左兩三間 見呢間正評都幾多就去試試啦...六點幾去到 無咩人食緊 一開始以為有啲伏 但見其他人既野食都正正常常 未必似伏 又唔洗等就入左去。叫左個粉同飯試下 菠蘿豬頸肉炒飯 豬頸肉好香 整得岩岩好 幾脆👍🏻 但係飯呢就唔係好夠熱 同埋雖然有菠蘿粒去炒 但整體菠蘿味唔大... 個粉就無咩特別...另外仲叫左串燒 可以嗌4/8串 每串既份量都有啲少 食兩啖就無哂... 如果可以再多啲就好。至於小食都有好幾款可以簡 蝦餅係好食既 最好就一出黎就食 熱個陣食真係有水準既！整體都okay 服務態度幾好 就算食完坐係到吹水都唔會想趕你走咁 仲會間唔中幫你加下水 態度一流！

是晚約咗朋友出旺角交收，諗住食完飯就順便搭車返去，揀咗喺最就腳嘅洗衣街附近，見到有呢一間新派嘅越南菜，於是試下。入到去就見到好多好色彩繽紛嘅壁畫，畫咗好多好可愛嘅公仔，展現越南嘅風情，環境都幾舒服，光猛企理。不過由於晚市嘅關係都比較多人，需要喺門口等咗一陣先至入到去，都幾爆㗎。同朋友都嗌咗幾多嘢，嗌咗越式生熟牛河，菠蘿豬頸肉炒飯，咖哩軟殼蟹，原條烤魚，另外亦都叫咗個蒜蓉炒芥蘭。 由於原條烤魚係即燒嘅關係，侍應都同咗我哋講需要等一陣，不過其他嘢食都好快送到，所以食住等都冇問題。首先送上嘅係越式生熟牛河，同我係越南食嘅牛河一樣，都會附有芽菜、金不換、青檸等等嘅配菜。 牛可表面亦都鋪滿咗蔥絲同埋香菜。所謂嘅生熟牛河，生牛肉係一般平時食生牛河會有既肥牛件， 熟牛肉就係牛展， 食得出牛展都鹵咗幾耐， 有唔少香料味，非常入味。 而生牛肉亦都非常嫩滑，可以睇到係粉紅色咁上檯，咬落亦非常重牛肉香味，值得一試。生牛肉仲係pink pink嘅粉紅色， 食落非常之嫩滑 好好咬口，比較重牛味。至於咖哩軟殼蟹，咪睇落一碗仔細細地咁，原來都幾足料， 入面都有五六件蟹件， 咖哩係黃咖哩，唔會太辣，但係食到唔少嘅椰香

朋友仔加班完去他公司附近有一間好像新開不久的叫＂越滿＂經過幾次望入去覺得整潔光猛舒適，而且價錢相宜決定今日一試😛燒豬扒撈檬 $42豬扒分量十足而且燒得十分惹味可口，材料豐富有蒜片丶紅蘿蔔絲丶蔥花丶生菜絲和花生碎既爽口又有咬口，檬粉撈上醬汁一起吃酸酸甜甜零舍醒胃菠蘿豬頸肉炒飯 $50炒飯乾身而且內裡有一粒粒的菠蘿和提子乾甜甜地增添炒飯豐富的層次，豬頸肉爽口彈牙👍🏻越式炸春卷 $30炸春卷香噴噴脆卜卜，一啖咬下去材料豐富有木耳絲，紅蘿蔔絲，肉碎和粉絲，包上他們的新鮮生菜，真的一絕軟殼蟹沙律 $68沙律的醬汁有點特別，有少許麻油味和平時食開的有點不同😆軟殼蟹大大隻而且還有膏，外脆內嫩鮮味十足青檸梳打 青檸味清新感覺消膩👏🏻這間真的幾抵食

好像很久沒有吃過越南菜，今晚經過洗衣街，見到新開的越滿，被牆上可愛的壁畫吸引了，所以就走進店內⋯店內裝潢非常色彩繽紛，非常舒適⋯餐牌簡約，全是越南特色菜⋯椰青水非常新鮮，椰青味道濃郁⋯凍越式滴漏咖啡配以煉奶，甜滑又濃純的咖啡香，咖啡迷不要錯過⋯河內魚餅香軟油甘，內裡混合馬蹄的爽口帶出層次口感⋯蝦米卷晶瑩的皮內透出大大隻蝦，沾上魚露，夾著酸蘿蔔絲一起食，絕對令人胃口大增⋯菠蘿豬頸肉炒飯，抄飯很有口感，帶點煙軔，豬頸肉也很爽口⋯蕃茄蟹肉湯檬以新鮮蕃茄作湯底，沒有茄膏假假地的味道，麵線爽滑⋯雖然不常吃越南菜，但越滿的口味清新且充滿越菜風味，價錢合理，值得再來啊﹗

今天與老公過旺角金魚街買魚，順道周圍逛逛 。偶然見到一間越南食肆內裏食客不多，而我太耐沒食過越南嘢;所以入去幫襯。店內地方不大，只有數十張枱;而環境乾淨企理，佈置亦很講究充滿越南感覺。 庶蝦 分量頗多，有四大件。蝦膠彈牙而庶本身的汁很清甜。 炸春捲 熱辣辣的春捲炸得很脆，配以新鮮生菜食落毫無肥膩感覺。 雞翼撈檬 雪白的檬配以炸蒜、紅蘿蔔絲、生菜絲和元茜 混合魚露撈埋一起吃，味道清新滋味。 雞翼 炸得乾身把肉汁鎖住。 菠蘿豬頸肉炒飯 豬頸肉肉質鬆軟味道唔錯，炒飯亦很乾身有口感;惟獨菠蘿粒太細小冇睇頭。

今日去左旺角行街，緊係食埋野先翻屋企啦。去左洗衣街個頭，見到呢間好似新開就試下兩個人唔係太肚餓 主要叫小食share 主食就叫左個菠蘿豬頸肉炒飯share 豬頸肉幾爽口 份量正常 做配菜既青瓜都幾好食 哈哈小食方面嗌左一份牛油雞翼 但得三件 都要$30 雖然幾有牛油香 又大隻 但$10一隻好似有啲貴 如果可以多一隻既份量就好啦食越南野點少得豬肉米紙卷 有薄薄既紙卷包住左豬肉米粉同其他配料 配埋個汁 幾清新 推薦大家嗌黎食 最好一啖食哂 唔係會跌哂d料出黎仲有叫蒜仔牛柳粒 呢個都食得過 幾好味 份量ok 佢有鹽同黑胡椒可以點 我就鐘意唔點就食 如果想點既話 點少少就夠 唔係就會好鹹最後仲有叫燒大虎蝦 有啲失望 因為似將一隻蝦一分為二 仲要唔係好大隻 味道正常但唔太抵食飯或河粉跟野飲半價 我叫左青檸蘇打 半價都要$16入到去覺得幾光猛，卡位都幾好坐，餐牌精簡