葡匯咪走雞葡國餐廳 (Closed)

最近同事去澳門玩，談論起葡國菜，突然興起好想食。想食正宗葡餐又唔一定要坐船過大海嘅，有朋友推介過呢間咪走雞，而家仲由西貢搬咗出尖沙咀，非常方便。🍞橄欖多士坐低每枱都會有多士同橄欖。多士好脆，可以用嚟配牛尾食。🐂砵酒炆牛尾牛尾炆得好冧好入味， 個汁好濃郁， 蘿蔔等配菜都好出色。夾住多士食連汁都撈埋唔會嘥😋。🧀 爆芝馬介休球馬介休球就食得多，有芝士係入面嘅都係第一次食。 炸得香香脆脆，外皮唔會太厚身。Size比普通馬介休球大一倍，砌開有好多芝士流出來。 本身係芝士控，所以勁like呢個爆🧀馬介休球👍🏻🍝葡式海鮮意粉味道酸酸甜甜好開胃，海鮮好多，用料十足。食完主菜當然要試下甜品啦試咗兩款熱嘅甜品：🍞葡式西多士葡式芝士多士加上砵酒肉桂醬🍞外脆內軟，好香口。食起上嚟，完全唔覺得油膩。🍴 廚師專業推介就咁睇個名雖然唔知佢係乜，不過真心推介呢個甜品😋 脆薄嘅酥皮紙包住香軟嘅香蕉，再加入咗薑汁， 估唔到香蕉同薑係可以咁match㗎！最後加埋凍冰冰嘅雲呢拿雪糕，成個甜品非常之有層次。可惜訂枱時冇預訂埋🐷葡式烤乳豬， 下次有機會會再試。 是次推介：🐂砵酒炆牛尾🧀爆脂馬介休球🍴廚師專業推介

朋友介紹美麗華酒店廣場愈來愈多野食，今晚一於去打打卡，尋找特色食物。點菜後，侍應端來了香脆麪包。這個香脆麪包是免費的，豬仔包外脆內軟，蘸點牛油及橄欖油來吃，好。加入橄欖粒，更好。傳統葡式拼盤包括葡國香腸、馬介休球、炸魷魚片和脆雞粒四款食物。葡式香腸是醃製食物，保留了臘腸的濃烈味道，但沒有廣東式臘腸那麼硬，較香軟有肉味；香脆雞粒炸得有點火了，太乾及硬了，有點失色；馬介休球薯仔味香濃中帶點鮮味，不俗；酥炸魷魚件最有驚喜，外脆內軟，保留了魷魚的香軟煙韌。四款食物中，我和朋友都最鍾情這款小吃。這個刀背蜆一上枱，我和朋友都不禁說了一句︰「好大隻呀！」刀背蜆很巨型，每隻都有半個豬仔包大，size 比湯匙還要大。 刀背蜆很鮮甜，用白酒來煮，既可除去海鮮的腥味，又可將蜆的鮮味提升到更高層次。我和朋友對這款刀背蜆菜式都讚不絕口，不一會便 K.O. 了整碟刀背蜆，滿足！滿足！見旁邊食客的意粉蠻不錯，我們也要了一客。這個海鮮意粉用料十足，絕不欺場，除了大大隻的青口和大蝦外，還有魷魚片、帶子、石斑魚片，以及三色椒、鮮磨菇、橄欖及洋蔥等配料。用料十足，味道調教得亦好，茄汁的酸味不會太過份，可以將食物的鮮味發揮得