尚座 (Closed)

鄰近生日，朋友約食飯，帶咗我黎呢間，因為我哋都好鍾意食片皮鴨。因為得我哋兩個，叫得唔多，但每樣都好好食🥹。蒙古孜然小羊排一上黎就係引人入勝嘅香氣，本身諗住等埋片皮鴨先，一齊影張相，但幾經掙扎之下都係先食為快。一入口，皮脆肉嫩，香料的孜然香、羊肉的油脂香充斥口腔，無他，我決定了，今夜，我就係蒙古公主。🫡（btw要趁熱食，凍咗就膩了）爆汁牛肉煎餅真爆汁，小心熱，小心口腔健康🔥酥香烤鴨烤鴨唔會太多肥膏，皮薄而香。同平常嘅配料唔同，哈密瓜嘅水果清甜同油脂香好夾，好好味😋麵皮下面還有小火爐加熱，食幾耐都唔驚！食完大滿足～本身同朋友仲有少少鬱結未解，食完餐飯，腸歸腸，胃歸胃，一切回復原位，咩都疏通曬，好極！😚

1️⃣酥香烤鴨（$428）加皮10塊$30真的好好食🤩而家鴨皮同肉都好多，一籠不太夠🙈2️⃣蒙古孜然小羊排（$208）個人覺得比羊架好食🤤🤤因為有羊啲脂肪中和啲肉，肥瘦分明，非常推介！3️⃣招牌小籠包（6件）（$68）正常發揮，都保留到肉汁🤔4️⃣清脆萵筍（$98）也是正常發揮😎📍留意慶祝生日的話會收切餅費$100🥲📍另外侍應都非常有心，會擔心我哋掛住傾計而食飯凍曬，會提醒我哋儘快食用先慢慢傾🤣🤣