水蜜桃冰室 (Closed)

早幾日朋友係instagram有post過佢地既🍑sorbet見到覺得好吸引，所以就預約同男友黎試～佢係女人街啲露天舖頭隔離，個位有啲偏僻；一入到真係好有冰室feel，坐低會有80年代既感覺我地嗌jor個低溫牛柳煎飯同鰻魚蛋包飯；主要係因為煎飯聽落幾得意，而蛋包飯張相好吸引😂我地跟餐嗌埋一口芝士同蟹肉薯餅～餐湯係忌廉湯同羅宋湯，仲額外加酥皮🤩佢個酥皮湯好香！而且味道好正蒜蓉包蘸埋湯都好好味～😚主食就好大份：煎飯有好多芝士同菇類，好脆同好味；而蛋包飯個飯唔係齋白飯，有咖哩汁底，加分☺️鰻魚就無得輸真係好好味，覺得朋友無介紹錯去到甜品已經好飽，但係甜品係重頭戲😂因為無曬水蜜桃sorbet，所以嗌jor柚子同蘋果柚子！🤯大推！🤯鍾意酸酸甜甜既人一定唔會失望！蘋果就好香，但我都係鍾情柚子！而且甜品係sorbet，無雪糕咁heavy我一定會再黎試水蜜桃sorbet😌

茶記、冰室喺懷舊嘅代名詞，但最近到訪嘅「水蜜桃冰室」，絕對跟個名喺兩回事，既唔喺以水蜜桃為主打食材，又唔喺玩懷舊嘅冰室裝潢，但賣嘅產品又有點特色，小弟就覺得佢喺一家幾玩味嘅港式西餐廳。位處喺「女人街」內，還好鋪面都算幾顯眼，唔難搵。踏入餐廳內，估唔到裝修幾有特色，幾有個性，一室帶少少工業風嘅水泥牆，昏黃嘅燈泡，不過，襯深啡色皮梳化，感覺有點笨重，但又真喺幾好坐喎。而裝修最吸晴喺啲花花階磚，唔止鋪晌部分牆身，仲連所有枱面都鋪埋，令整體感覺沉實而多添一點繽紛及活力。此外，牆上所掛嘅帆船模型、美國色彩甚濃嘅懷舊廣告板，都睇得出老闆確喺花咗唔少心思。翻一轉餐牌，選擇幾港式西餐格，由鐵板燒、沙律、焗飯、意粉、小食……等等，較為特別喺有一系列雪葩，以及仲提供懷舊港式特飲，如黑牛、忌廉溝鮮奶。店員就推介我哋試試一款「期間限定」嘅套餐，會定期轉款，喺韓式火山石燒靚牛肉，或可加錢轉日式壽喜鍋，依家更喺做緊「老闆瘋了」價，打個六五折，就算喺宣傳策略，睇個折實價都極之「MK」吓。蒜蓉包受人歡迎嘅餐前麵包，其實，有啲心機搽勻蒜蓉牛油，焗香佢，上枱時熱辣辣應該喺最基本，但有時有啲餐廳貪快，連基本都做唔好。「水蜜

同朋友睇完戲就到隔離嘅女人街覓食，冇咩特別想食，所以就周圍睇下先，見到水蜜桃冰室個名幾得意，野食又幾多款式就入左去試下啦，焗飯、意粉、扒餐都有。我就叫左個焗鮮茄豬扒拼芝士石斑飯，而朋友就叫左個鐵板牛扒，好似都唔錯，不過佢太餓，我未影得切佢就己經食緊了。我個焗飯50蚊就包哂蒜蓉包、餐湯、野飲同個飯。蒜蓉包同餐湯好快就黎，一黎到有啲嚇親，明明我叫白湯，點解會係綠色嘅，心諗唔係菠菜掛... 好彩飲落去係正常忌廉湯味，一啲菠菜味都冇，係顏色唔同姐。個焗飯就正正常常啦，兩種口味，一半茄汁，一半白汁，兩面都不過不失，鍾意食焗飯都可以黎試下。

今天與媽媽到女人街巷仔覓食，常去的店已爆滿，眼見這間冰室未爆滿，裝潢精緻獨特，便被吸引進去Dinner。 酥皮湯配蒜蓉包，媽媽最喜歡的湯，表層脹卜卜的酥皮鬆脆可口，充滿牛油香，與暖和的忌廉湯味道襯絕!鐵板燒薄切三文魚配薯角，冰室罕見的日式三文魚菜式。由於三文魚是薄切的，肉質嫩滑不嚡口，更能吸收醬油的香味，加上白芝麻/香草調味，鹹香滋味! 底層燒過的洋蔥爽口多汁，味道層次更豐富~ 配菜薯角炸得香脆，份量十足，差點吃不下。鐵板燒紐西蘭西冷配薯角，侍應淋上酒精後，點火一剎，火光熊熊，嚇了一跳 燒過的西冷鮮嫩多肉汁，有韌性，邊位的肥油香口肥美，富濃郁的牛味及酒香，非常惹味!日式一口芝士，外層炸得金黃香脆，內裏芝香流心，“芝”味滿瀉，再蘸上沙律醬，味道更錦上添花 ~熱檸水/熱華田，隨餐奉送。日本Lisse蜜桃雪葩，雪葩冰涼清新，一解鐵板燒的燥熱感，滿口清甜的蜜桃香味。餐牌寫著由日本空運新鮮水果果肉製造，感覺更抵食~日本Lisse芒果雪葩，富香濃酸甜的芒果味，果香滿溢~ 這間冰室既可點港式美食，也有提供日本 小食甜點，味道皆滋味十足，尤其日本空運的雪葩，冰室罕有，解膩一流! 是非一般的日式 x 港