泰贊- 創意泰餐廳 (Closed)

六點幾到達大埔超級城，踩完單車好肚餓，見到呢間暫時未需要等位，就即刻衝入去食。叫咗個黃咖喱雞肉，唔辣，蔬菜配埋黃咖喱好甜，雞肉份量都唔少，唔鞋口，小朋友都好鍾意食。海南雞飯反而啲雞肉冇咁滑，可能今次個位置唔係咁靚，份量略嫌少了一點，個湯都係一般般，反而個菜煮得好入味，冇菜青味。蒜蓉包值得推介，上枱嘅時候好香口，好脆，蒜蓉味好均勻，就算放耐少少，都唔會好快冧身。餐廳環境都算寬躺，但係服務一般般，人手唔係咁足夠。

2018年8月5日朋友飯聚一黎就叫左兩個沙律～青木瓜沙律真係冇得輸！必食！！串燒，普普通通冇特別。雜菜咖哩。要配包食！呢個蒜蓉包正！配咖哩一流！個蒜蓉炒雜菜。勁失望。佢淥完先放干蒜。冇乜味好特別既紅石榴特飲芒果菠蘿沙冰一流芒果吉士拿破崙加雪糕pancake一啲普通。間野食唔錯。但係啲人既服務態度就麻麻地。成日掛住自己傾計。要叫好耐先有人理你。如果無乜耐性既話。唔建議黎呢間食。上菜都幾慢。太餓的話都唔建議黎食。

爸爸生日，唔去酒樓食，又要有飯氣到肚，見到食評唔差，就試下呢間，環境幾好。因為老爸大人生日，叫野都無諗住就住就住，打開menu，見餐牌唔係傳統泰菜，都幾特別，叫左8樣野，每樣賣相精致而且份量都足，食唔曬仲要打包，咁啱信用卡做緊推廣，食滿$500減$200，4人埋單$400幾，確係抵食之選