安安燒 (染布房街)

Open Now

Now Closed

呢間每次係旺角經過染布房街就會見到好多人係門口排隊🔥個晚同娘娘睇完夜場戲就想揾間餐廳食宵夜，見呢間開到凌晨就試下啦。💂🏻‍♀️《燒清香翠玉瓜+燒白家製juicy韮菜餃》$21/ $33呢兩樣嘢平時好少會拎黎燒烤咁食，估唔到2樣燒完出黎個味道係咁有驚喜❤️翠玉瓜超清甜，燒到面有少少焦香，入面好多汁👍🏻韮菜餃都好juicy，燒到外脆內軟。評分: 85/100💂🏻‍♀️《安安秘製三重芝士撈丁》$54呢個即叫即整，一上枱記住快啲食，呢個秘製三重芝士犀利喇👍🏻由藍芝士、車打芝士、巴馬臣芝士製成，芝士味十分濃郁，但兵仔覺得芝士味太重喇，如果鐘意芝士的朋友仔可以試下。評分: 80/100💂🏻‍♀️《燒鹿兒島豚肉串》$32太鐘意食肉了，呢串豚肉串燒得好惹味，唔會太乾！而且油脂同肉的分佈啱啱好。🔥評分: 85/100💂🏻‍♀️《惹味沙茶燒金菇 》$35用一個迷你煲仔上，好得意份量又好多，個沙茶味好濃，金菇索晒啲醬汁，食到停唔到口。😋評分: 80/100💂🏻‍♀️《蒜蓉燒扇貝》$60呢個係必叫嘅，佢60蚊有4隻 仲要好大隻，cp值超高！好多蒜蓉係上面，扇貝都好新鮮。評分: 80/100💂🏻‍♀️《日式煉奶燒麻糬》$29

旺角染布房界一帶真係好多好食又有氣氛嘅餐廳🍴今次俾呢間外面掛住紅燈籠嘅燒烤餐廳吸引咗~呢間店有唔少海鮮選擇,我就揀咗最鍾意嘅扇貝🦪~扇貝面鋪滿蒜蓉勁香,而扇貝燒得剛好唔會韌~另外仲有黃立倉🐠,食得出新鮮,魚肉好嫩滑~仲配咗一個酸辣汁🌶,加埋有少少燒焦嘅魚皮,一齊食感覺好夾~呢個秘製醬燒雞中翼 揀咗小辣真係有啲辣🙈雞翼燒得香口,雞皮非常脆🐔!呢個安安秘製三重芝士撈丁真係要快食!因為凍得好快🌬,而凍咗個麵就會比較硬,啲芝士都會結埋一舊🧀…新鮮熱辣時啲芝士溶溶地,加埋個面燒過特別香🍜~每次食燒嘢都會叫茄子🍆,因為喺屋企完全做唔到呢啲效果!佢滿滿嘅蒜蓉真係好夠味🧄,茄子肉燒得軟熟又juicy~粟米燒完特別甜🌽,再加埋啲蜜糖就更正。呢個燒墨魚丸就好似去bbq咁,墨魚烤香咗再加蜜糖🍯~不過墨魚丸比較重粉,如果有多啲墨魚粒就好啦🐙~本身勁鍾意飲冬瓜檸檬🍋,而家竟然將佢化成咗冰沙🍦!面頭嘅冰較為淡,飲到後來融咗就夠味了~味道同我喺台灣飲嘅手搖杯一樣,大愛💗💗呢間店好熱鬧好有氣氛,啱晒一班朋友嚟飲返杯再食啲串燒🍻

旺角「安安燒」大家應該都唔陌生🤓喺染布房街屹立多年，每次行過都聞到勁香串燒味♨️令人勁有衝動即刻入去整兩串😝.好多年前食過一次，多年後已經由以前紙仔進化成QR code落單📱價錢都係同以前一樣主打性價比，每串都係$20-40左右，經濟實惠🤟🏻.🍴安安秘製三重芝士撈丁💰$54芝士撈丁係呢度名物之一🌟好多時出面嘅都係用車打芝士，但餐廳混合咗車打芝士、藍芝士、巴馬臣芝士🧀趁熱將芝士撈勻，每條麵都沾滿芝士，好重芝士嘅鹹香味，勁正😍.🍴蒜蓉燒扇貝💰$60（四隻）蒜蓉、辣椒佈滿扇貝，扇貝彈牙鮮甜，好惹味😚.🍴美國牛小排💰$63啖啖肉之選🥩牛小排燒到七成熟左右，好重肉味又有肉汁，一啲都唔韌👍🏻加少少辣椒粉、孜然粉，增添香氣😋.🍴惹味沙茶燒金菇💰$35沙煲滾住上🔥一打開個已經好香沙茶味、金菇吸晒沙茶醬汁好惹味🤪.🍴燒韮菜💰$25韮菜依然保持水份，燒得啱啱好👍🏻孜然粉、辣椒粉配上韮菜嘅鮮甜，好好味😋.🍴正正麻吉年糕燒💰$22魚糕包裹著年糕，食落去先係魚糕嘅彈牙然後年糕嘅堅韌，幾過癮😆.🍴燒鹿兒島豚肉串💰$32豚肉肥瘦適中，肉質爽口，油脂部份燒完特別香口🤤.🍴火辣牛丸💰$25辣辣地幾過癮，唔食得辣可以叫佢走

安安燒🔥評分：🌕🌕🌕🌖🌑今晚朋友聚會，係旺角訂左位食串燒，未入店係對面街已經見到全店滿座，心諗好彩有訂位☺️ 串燒上菜好快，亦都好惹味，香味洋溢，食到一班朋友舔舔脷😋包括：烤翠玉瓜、燒雞軟骨、燒牛脷、燒娃娃菜、燒安格斯肉眼牛肉串、燒魷魚、燒多春魚、鰻魚汁芝士撈丁等等重點推介有：·蒜蓉燒茄子🍆 - 蒜蓉入味·蒜蓉燒蟶子王/燒扇貝💦- 惹味juicy·芝士焗蠔🦪 - 新鮮滑口·燒韭菜🌱- 多汁開胃唯一有少少失望既係撈丁，雖然芝味濃郁，但鰻魚汁在攪拌後幾乎食唔出，亦無傳聞中嘅未食不可，建議留返多啲quota食多啲串燒更回味😀

在旺角逛街，途經這間食店，好耐無食港式串燒喇，就吸引咗我哋入去一試。香港既串燒又貴又細份 性價比較低. 這間食得 relax 的安安燒烤店，好好食的一餐。令我刮目相看 🤫🤫 地點方面：同地鐵站係有段距離既，大約5-10分鐘行到由於時間尚早, 所以不用等位便可入座😬 首先要稱讚店舖在每一枱都有一本精美食物相片提供, 可以先看相片, 再自行剔紙落單📝餐牌上有超多選擇，基本上講得出嘅都有肉類有雞牛豬羊，蔬菜選擇都好多，另外仲有海鮮。這小店還有很多另類選擇，啱曬我呢啲有選擇困難症嘅人，可以嚟多幾次逐啲逐啲試！ 環境係比較逼夾既，但食物搭救。不過限時食60分鐘，感覺有啲少，想坐低傾多兩句都唔得😂沙茶醬燒雞脾菇～燒得嫩嫩的菇伴著濃濃的沙茶醬，味道濃得化不開。白汁芝士煙肉碎烤大蘑菇～清淡、香脆口感，共冶一爐。羊肉有少少so味，如果好羊肉既朋友都可以試燒雞軟骨串性價比十足，有兩串，一人一串就啱啱好！軟骨脆卜卜，食極都唔厭，最後再encore多碟🤣蒜蓉燒扇貝有四大隻，但是燒完啲帶子縮晒水，好細粒, 雖然價錢唔太貴，但係一般好味金銀蒜蓉燒生蠔蒜蓉味十足 生蠔啖啖肉食串燒當然要點返枝啤酒飲下啦，cheers

找一間專食串燒的食店不是太多好選擇, 今天選擇位於旺角"安安燒". 由於時間尚早, 所以不用等位便可入座😬 如果店舖坐滿人客, 座位都比較迫夾首先要稱讚店舖在每一枱都有一本精美食物相片提供, 可以先看相片, 再自行剔紙落單📝燒韮菜 👍👍燒四季豆👍👍燒一口甜薯👍👍麻吉年糕燒(一般)👍惹味蒜蓉燒原條茄子🍆 👍👍👍皇牌燒牛舌👍👍烤雞腎(一般)👍燒雞軟骨👍👍香辣醬燒雞中翼(一般)👍蒜蓉蒸扇貝👍👍燒原條黃立倉🐟 👍👍👍甜美地捫菠蘿🍍👍👍冬瓜檸檬沙冰🧊👍👍👍總共13款食物連飲品, 埋單都係$4xx. 極力推介, 惹味蒜蓉燒原條茄子🍆& 燒原條黃立倉🐟, 這兩款食物燒得非常好👍👍 🍆非常惹味, 少少辣🌶️, 🧄蒜蓉是甜的🐟 外脆內軟, 魚肉又滑, 近魚骨位非常香口食完串燒, 飲杯冰凍沙冰, 非常爽😃😃下次可以再去試其他的串燒😅

實在太耐沒有出外晚飯，所以上星期五終於決定要到安安燒放肆一下。入餐廳前職員會替每位客人用紅外線溫度計量度體溫，確保每位客人健康狀況良好吃得放心。而且桌上也擺放了濕紙巾，可讓客人進食前和進食後用來清潔雙手，非常貼心。聞說安安燒的串燒十分滋味，我和友人吃過後也深感同意。不論是串燒還是海鮮和芝士撈丁也弄得非常出色！芝士燒翠玉瓜每塊翠玉瓜都佈滿芝士絲，而且不乾身、仲好多汁添！沙茶醬燒雞比菇同樣Juicy，而且雞髀菇唔會得細細塊。皇牌燒牛舌牛舌好難做得唔韌，但呢串串燒做到。不但易咬，而且超級惹味，佈滿七味粉，好滋味！脆皮燒滑雞片呢個好抵食，因為佢有三大塊。雞皮燒到好香，食落口雞肉仲好嫩滑！惹味黑松露墨魚滑墨魚滑打邊爐吃得多，但燒的還是第一次吃！黑松露味非常突出，而且咬落去口感亦好豐富！麻吉年糕燒如果你跟我一樣都喜歡煙韌的食物，就一定要點年糕燒。但要有心理準備他們加上了不少七味粉，吃下去後勁凌厲。蒜蓉燒扇貝除了扇貝燒得好吃外，每隻扇貝還放上了海量的蒜蓉粒和蔥粒，實屬個人心水之選！燒原隻鮑魚我們二人分享一隻燒鮑魚，切開兩份，亦不算太細。燒過後的鮑魚非常彈牙，真後悔沒有多點1份！燒聖子王蟶子皇非常大條

收工太肚餓，三個女仔衝落旺角食串燒，10點後又有優惠，食佢啦🤭一黎到狂叫，原來有d係一份2串，好在我地肚餓，都食晒咁濟。😂😂另外，呢度出餐可以話係極速，15分鐘d野黎齊咁濟😳岩晒肚餓既我地～見到幾得意咁，叫左支青瓜啤酒試試，聞落一陣青瓜清香，飲落普通淡啤酒味，搭落又有青瓜味，本人表示喜歡💕燒響鈴：我無食，因唔鍾意食響鈴，但朋友話怪怪的，唔太適合串燒方式😮溏心皮蛋：點糖都係第一次試，又幾得意，ok的。燒茄子：重蒜蓉，調味幾好👌🏻👌🏻蒜蓉燒蜆：味道還可以，但唔夠香。牛骨髓：呢個我幾鍾意，份量多，而且飽滿，滑嘟嘟好正點～愛辣既我覺得再辣d就好🤤燒扇貝：小size 的，燒得剛好唔會un..安格斯牛柳粒：大家都想食牛，叫左三串，覺得熟度ok,但會有渣，覺得可以更好🤔蒜蓉芝士燒蠔：芝士是我喜歡的芝士味道，蠔肉脹脹，鮮甜的～燒牛舌：大片軟熟但偏騷...雞軟骨：ok的...豚肉串：肥瘦適中，香口。燒日式年糕：其實係有年糕個款丸，燒黎食幾好。鴨舌：見佢地都清晒，但我嫌麻煩無食😂總之，宵夜時段抵食，唔差的～肚餓既話搵佢真心不錯。

燒雞軟骨串 HKD25/2串就咁睇已經見到好多孜然粉，所以味道都幾重。美國牛小排 HKD42牛味濃郁，嫩口多汁，唔會燒到過熟，岩岩好，正～燒菠蘿 HKD23串燒除咗要食燒肉同埋海鮮之外，菠蘿亦都係我嘅必選之一，最鍾意佢燒到好軟身，然後啲菠蘿汁出哂嚟，好鮮甜滿足～燒一口港式魷魚仔 HKD39呢款買少見少嘅港式魷魚仔，以前經常都會嚮戲院門口見到，但而家已經無呢支歌仔唱，不過竟然可以係呢到見得返～食落味道好濃，咬口煙韌，最岩邊飲啤酒邊食～金銀蒜蓉燒生蠔 HKD77/4生蒜味好重，重到幾乎食唔到蠔味，加上隻蠔本身唔大隻，已經無乜肉感，所以成隻連埋生蒜擺落口嘅時候，係分唔到自己食緊蒜定蠔，不過對於好鍾意蒜味嘅人可能會好鍾意。蒜蓉燒扇貝 HKD49/4扇貝同生蠔嘅情況差唔多，都係好多生蒜，所以我都係麻麻地。惹味蒜蓉生燒茄子 HKD42燒茄子最大嘅魔力就係佢會吸盡所有調味，食落名副其實好慈味，少少辣～惹味黑松露墨魚滑 HKD48呢塊墨魚滑好似漢堡扒咁樣，魚滑打邊燼就食得多，用嚟燒都係第一次試，惹味之餘，仲好彈牙，唔錯～

難得今日可以收早，就約左同事行下街，食下飯！去左旺角周圍都勁多人！又唔知食咩好！就諗起染布房街個邊有好多野食可以選擇！所以就去左個邊揾好野食！點知就聞到勁香串燒味？？就係咁見到呢一間安安燒！餐廳是半露天的，同地方就有點迫！我們就立刻睇下食乜！？呢到是自己畫紙的！店員都好主動去介紹海鮮同當日的價格但我們本身都唔太好海鮮，所以只係叫左個燒扇貝！同埋其他小食！我們叫左個勁吸引的黑松露菌醬三重芝士撈丁，烤到表面既芝士焦脆，再加上黑松露菌醬，菌味香濃，真係好惹味，兩個人食，剛剛好！牛舌，有少許辣，而且牛舌夠厚身，一點也不韌，係好食！玉子燒，表層至焦香，味道清甜，口感細滑！燒扇貝，可能太多蒜容，同埋細隻左D,呢個就一般般！燒牛排，牛肉燒至五成熟，肉質鮮嫩多汁！好好味！

最近寶壓力爆登，呢晚要陪佢食下想食既野，睇下減唔減到佢壓。返返下工無啦啦whatsapp我話今晚想食串燒，腦裡面梗係即刻閃過呢間長期長龍既安安燒啦。又咁岩，時間尚早仲見到無乜人係舖內，所以諗都唔使諗立即入座。原來我地兩個都從來冇食過呢間，今日係第一次試平日係要自己主動問d海鮮價係幾錢架嘛，但我地一坐低老細就主動介紹返今日時價要幾錢，呢個服務都幾貼心點完冇耐d野食就旋風式咁黎哂，店員仲好搞笑話一次過影開心d蟶子又真係幾大條，啖啖肉無沙，食得好開心，但39蚊又好似貴左d喎扇貝，大小適中啦，又唔會話好細舊；調味ok，燒得又岩岩好唔會un呢間好似出名三重芝士撈，但可惜d麵凍左d，龍蝦汁冇龍蝦味，又得兩粒龍蝦沙茶醬配雞脾菇又幾好喎，汁又燒到入哂去，啖啖肉啖啖汁內臟唔係我果範，但寶話呢個雞腎都好爽口，好食！呢個新既冬蔭公丸又幾surprise我，我鐘意佢好似芝士丸咁爆汁出黎，入面d冬蔭公湧出黎果下好治癒，重點係佢唔會太辣！但可能因為唔夠辣寶又覺得唔夠過癮（？）牛好似係例牌串燒必叫既野食，呢個普普通通，幾好味啦燒得岩岩好唔會食到痴哂牙最後呢個燒墨魚滑都係冇乜驚喜，要形容既都係佢幾彈牙好彩寶都滿意今餐

有時候選擇餐廳也令人感到煩惱，朋友A說不吃辣，朋友B說不吃海鮮，朋友C又不吃牛。找間餐廳能夠照顧每個人的喜好實在不易。今晚跟這班朋友食飯，眾人決定去食串燒，自己叫自己吃的就最prefect喇旺角區串燒店不多，個人認為最出名莫過於安安燒。甫坐下立即開始點食物。前菜先來一客麻辣豬耳。喜歡吃辣的朋友不要錯過，豬耳爽口，辣度十足，麻辣味後至，食到停唔到口燒雞泡魚干也是my favourite之一，煙煙韌韌又香口，絕對是送酒皆品蒜蓉燒扇貝 $454隻價錢只需$45, 真心平到震扇貝肉爽彈無比，配上蒜蓉來燒最惹味！燒焦糖蕃茄，外層燒至脆卜卜，想不能蕃茄與焦糖的結合能夠為味蕾帶來驚喜蒜香燒白鱔，鱔肉肥美甘香，外焦內嫩，香噴噴，有水準之作燒韮菜是我每次吃串燒必點之物。再加勁多辣粉就prefect喇秘製醬燒雞翼，重口味之選，雞翼夠入味，佐酒一流。燒一口甜薯，蕃薯仔咬下清甜，細細粒易入口最後點了燒棉花糖夾餅作完美句號，棉花糖燒至半熔狀態，非常吸引，與餅乾一起吃可減少膩感，外層的朱古力醬更是精華，yummy!!

曾經在旺角工作時，經常到來吃宵夜，感覺良好昨日再次到訪，發現環境依舊，食物不再美味了當初一試難忘，而家再吃仍舊不錯，但建議必須盡快吃用，放耐了會變乾及硬。份量偏少，醬汁也是在錫紙上面，需要自行把醬汁攪拌味道不錯，但邊位燒得較焦很細隻，扇貝肉已經離殼因為在這裡吃過覺得不錯，所以往後我才會在其他店舖點這個菜比較生及很難咬開這個有骨，吃得不方便，並且較少肉以上2款味道一樣，雞這個比較乾身恰巧這天是入冬以來最凍的一天，店內可能因為油煙關係會開很大的冷氣及風扇，所以當日的食物很快就放涼了。同埋野食未必係即叫即燒，只是微微翻熱，因為我們落單到食物到齊只用了20分鐘!連最簡單叫了杯熱的柑桔蜜，上到枱已經是微暖，一點熱的感覺也沒有!!!名是出了，但質素下降了。

串燒加芝士撈丁依個組合，叫人如何拒絕安安燒位置雖較遠，但8點已經坐無虛席，門前企左唔少食客，聞住串燒既香氣，等左半個鐘終於入得，由於等時已經諗定食咩，一入去即可落單第一樣黎既係最期待既三重芝士撈丁，藍芝士&巴馬臣芝士&車打芝士混和下，加上面頭帶有燒焦既芝士膜，令我第一次試到如此香濃的芝士撈丁！第一口，即夾起微微燒焦的芝士部份，濃郁且帶咸香的芝士即帶來味蕾的衝擊，混和芝士與公仔面之後，每一條公仔面都被濃濃芝士汁包圍，作為芝士迷的筆者，每口都十分滿足扇貝上蒜蓉鋪得滿滿，加上少許蔥粒與辣椒粒，扇貝本身鮮味唔明顯，而且有2隻扇貝好細粒，有少少失望。筆者將過多的蒜蓉混和芝士撈丁同吃，又有另一番滋味與燒韭菜實在相逄恨晚既感覺孜然粉&辣椒粉均勻撒落韭菜串燒上，加上本身已燒得香甜juicy既韭菜，實在忍唔住一口接一口，十分之出色！！燒芝士餈飯係失望既，無特別，食唔出加左芝士燒牛小排，面頭燒得有點香脆，本身好有肉汁，肉味香濃，讚炸餃子雞翼，表面有大量蜜汁，對筆者而言太甜，內裡應該係豬肉餡料，食起來啖啖肉，算是不錯！燒鯖花魚唔腥，而且魚皮燒得脆脆，好香口鹽味加鯖花魚，是一種簡單的純粹的味道麻吉年糕串燒，外

Hoegaarden Dranght Beer $65/杯夏天熱辣辣仲要食串燒，一定要黎返杯啤酒先夠爽。$65一大杯，仲要夠晒冷凍，真係透心涼，抵飲。黑松露三重芝士撈丁 $63雖然安安燒主題係串燒，但呢款黑松露三重芝士撈丁卻成為今餐的主角。芝士味非常濃郁，配上黑松露真係無得輸。(記得趁熱撈均，如果吾係會變左一餅野~~)沙茶醬燒雞脾菇 $14/串雞脾菇厚切保持到本身的水份，所以十分juice，配上孖然粉，正。焦糖燒蕃茄 $15蕃茄SIZE 好大個。外層有焦糖再加上燒過，咬落口脆卜卜，而且蕃茄十分多汁且鮮甜，效果相當吾錯。惹味蒜蓉生燒茄子 $38茄子大隻多肉，好食。蒜蓉燒扇貝 $45/4隻蒜蓉同扇貝一向都係perfect match。美中不足係扇貝SIZE吾算大。極品烤餃子釀雞翼 $29/2大大隻雞翼裏面塞面餃子餡，外面有惹味醬汁。燒手打魚皮餃 $29/串 .一串有三大隻，餃皮好煙韌。朱古力糖脆玉子燒 $27玉子燒十分嫩滑而且有濃郁的蛋香，朱古力沒有遮蓋住蛋味，反而加強甜味，吾錯。P.S.可能串燒主題加上廚房係開放式設計的關係，店鋪本身沒有玻璃，意思即係店內冷氣不足，而且店內環境頗窄，在夏