大灰熊廚房 (Under Renovation)

今日陪朋友去拎身分證，就順便係附近揾食。帝景灣樓下嘅商場都有好幾間餐廳，今晚想食中式，就揀咗呢間大灰熊廚房。除咗有舒適嘅卡位，仲有幾張大圓枱，一家大細黎食就啱哂，係用餐期間都見到唔少外賣單！前菜係自家製醃蘿蔔青瓜，個人最鍾意白蘿蔔，爽口夠酸超開胃！因為要減肥要減食量，所以淨係叫咗兩款小菜店員推介小菜，蒜香一字骨同千島蝦球。所有小菜都係即叫即製，保證上枱新鮮熱辣辣！蒜香一字骨係用左單骨雞翼，食起上黎方便啲，一字骨炸到好香口，加埋新鮮蒜加乾蒜一齊炒香，又係一道下酒好菜！千島蝦球，大粒又彈牙嘅蝦球裹左薄粒再炸到外皮酥脆，再撈埋邪惡千島醬，食落唔油膩，酸酸甜甜好適合夏天食。伴碟用咗沙律菜，整體菜式顏色豐富！

入將軍澳探朋友新居，然後一齊出去食飯。她帶我去帝景灣商場1樓，地點都幾隱蔽，不是有人帶路都未必識上去。這是一間中菜餐廳，地方不是好大，有卡位和大圓枱，還算闊落。我們叫了兩味小菜，家常得來又有水準。湯：粟米豆腐羹小食：黃金豆腐粒小菜：蒜香一字骨、三色蒸蛋粟米豆腐羹雖是簡單家常湯水，但也不是人人都煮得好。今次師傅埋獻埋得靚，豆腐嫩滑，蛋花夠香，整體味道和口感都不錯。唔係講笑，黃金豆腐粒真係秒清，我和朋友對筷子無停過，直到食完為止。外皮又薄又脆又乾身，內裏的豆腐又嫩又滑，調味啱啱好，不會鹹也無需蘸醬汁。蒜香一字骨表面看好似有點乾，但咬一口又發覺肉質鮮嫩，香口惹味。三色蒸蛋嫩滑好送飯。

朋友住將軍澳，得知最近開了間做私房菜的，於是同佢去食下，果然好有水準。由於商場本身不是好明顯，所以都要格外留心入口見到屋苑後源電梯上，之後行入條走廊就會見到餐廳。餐廳內坐得舒服，而且可以有partition，privacy幾高🌟椒鹽粟米非常出色，外皮燒得好香，入面juicy ，而且鹹度適中，絕對係必食之選🌟柚子雞翼外皮香脆，配上面頭的柚子，酸酸甜甜的，幾有心思😋🍲蟲草花燉湯是冬天滋潤之選，松草湯好香濃，而且熱辣辣上，好暖胃☺️而且真材實料，絕非味精湯。🌟苦瓜炒豬頸肉好有鑊氣，而且水準幾好。豬頸肉肉質軟香，配上新鮮脆香苦瓜，味道甘香。由於豬頸肉是薄片，肥瘦適中，口感好好😋🐷蒜香一字骨非常惹味，特別喜歡上面惹味、炸得剛剛好的蒜粒，配上一字骨一齊食口感好好。難得發現一間如此用心的中菜館，食材也有質素，食過後更不會口渴！下次再來三餸一湯🤩l