意粉狂熱 (皇室堡) (Closed)

勞動節假期，還以為這間餐廳開12點，所以12點左右去到仲諗住一定有位，竟然離遠已見到坐滿晒人。即時㩒飛排第二，個侍應話好快，有人就快埋單，會馬上執枱，結果等左不夠10分鐘。服務態度好好。👍😊坐底已開始慢慢明白點解咁多人讚同咁多人等。餐牌首先已好值🉐讚，食物有好多選擇，餐牌都好多個，又有好多靚相增加食慾，真係樣樣都想試。😆😍午餐真係抵到無朋友，最平的由$58起，包一個湯或沙律、一個主食 (意粉、飯)、及一個餐飲，餐飲除有奶茶檸茶咖啡外，也有特色的水果茶。叫得意粉狂熱，當然要食意粉。試左後的確覺得口感與一般不同，忍不住上網去睇下餐廳資料，原來是和民旗下的，是日式🇯🇵意粉製法，用小麥粉自家巧手製作。👍😊👍😋蒜香白酒汁海蜆意粉午餐 $68 🉐超級抵食，咁嘅價錢，食到優質手製日式意粉，包前菜飲品👍 意粉彈牙好味，份量足，好大碟，同時質優，汁亦夠多。😊😊午餐前菜可選沙律或南瓜湯，沙律一般，好多人讚南瓜湯，下次我會試個湯。秘製炸雞 (3隻) $38叫午餐可以$38追加這個好多人讚的炸雞，真係好好味，炸得鬆脆，不會厚粉，味道亦剛剛好，惹味👍😋🉐香草烤雞羅勒忌廉意粉午餐 $78😋👍喜歡味道濃的朋友相信會

2018年11月5日。晴。銅鑼灣。約舊同事食晚餐，約喺銅鑼灣就一定啱，勝在多餐廳選擇呢日就揀咗呢間，睇落係意粉專門店咁除咗意粉當然都試下其他嘢啦～香草烤雞凱撒沙律（S），$33上枱之後侍應會即時場磨芝士喺沙律上面過程都幾賞心悅目～味道都唔錯，烤雞肉質嫩滑，麵包粒脆卜卜加上大量芝士，鹹香十足～海蝦牛油果法包多士，$38法包多士本來以為會好硬，但又唔會喎！麵包好鬆軟，上面鋪咗好厚嘅料有牛油果、蝦，仲有估唔到嘅wasabi有少少辣口，不過味道好夾，好味又抵食！芝士牛肝菌濃汁鮮製意粉，$78好多好多牛肝菌啊！啱晒愛菇之人醬汁味道果然好濃郁，但食唔出係咩汁，有啲似洋蔥汁意粉麵身柔軟但有咬口，呢個鮮製意粉就算擺咗陣先食都係一條條咁，唔會變成一餅嘢蒜香白酒汁海蜆意粉，$88蒜香令意粉非常惹味～蜆都大大隻，唔會有沙，有鮮味～醬汁有淡淡嘅白酒味，鹹淡適中Matcha Frozen，$53Matcha Latte，$38一人一杯綠茶嘢飲～～結束敍舊嘅一餐飯

好姊妹帶我食好野，去到間餐廳先知年幾前去過，印象中食物質素都唔錯😃，環境又好，可以慢慢享受。哩到叫意粉狂熱，我估意粉喺賣點。當然要點個意粉試下，鍾意哩款意粉夠乾身，無醬汁淋喺意粉上面，不油膩。白酒汁同蒜香好均勻被意粉吸收，好入味；蜆就冇沙粒，可以放心大啖大啖食落口😋。之後點左個西冷牛扒，牛扒上面有一格格網燒紋理，應該喺網烤過程中造成。牛扒個size都幾大塊，如果一個人食哂應該會幾滯。牛扒大約5成熟，切開裡面仲粉粉地色，肉質好淋，有牛味。牛扒邊邊約半吋位置喺脂肪位，脂肪位置超淋入口即溶。平時都唔會食脂肪位，不過哩塊牛扒幾高質，所以都食左少少，好滿足😋又好怯疚。本身想試埋個薄餅，不過太飽嘅關係食唔落。好彩仲有個食甜品嘅胃🤣，所以點左個香蕉朱古力披薩。披薩即製即出，薄餅面層有些少焦糖，脆得黎有少少軟身。香蕉🍌數量唔多，有幾塊調下味，不過反而冇咁滯👍🏼。最後要讚下個侍應哥哥，又靚仔又好笑容😉又有禮貌。