一鳴丼食堂

Open Now

Now Closed

連續第 4 日的悠長假期，繼續暴飲暴食，還有 2 日。老媽的生日盛宴，埋單 $2800 好意頭。食頭圍不是太多食客，舖面有點窄，檯櫈都較細件，肥少少都坐得非常不舒服。再次忘記不可以一次過點菜，出餐亂七八糟沒排序。第一道菜上丼飯清掉已經半飽，緊隨串燒壽司刺身再串燒刺身！搞到比平時食少好多。有機會再幫襯記住記住記住要分開落單，先前菜、刺身、壽司跟住丼飯，最後燒物、炸物。我食日本料理必定續款點菜，依次序小食、頭盤、刺身、壽司，食完一輪刺身及冷盤，中間飲碗熱湯暖暖胃。到下半場熱燻、鍋物、炸物、串燒，最後就粥粉麵飯。餐廳一次過出晒所有，見張檯都知道無可能放得到啦，激死我﹗到中途我要立即喊停，暫不要再上菜，無位放搞到迫迫夾夾、頂手頂腳極度討厭﹗如細心及有妥善管理的餐廳會替我安排上菜速度及次序啊。上菜雜亂無章，見到都頭痛，冷靜冷靜，不要上火！首先衝線係兩碗丼飯，第二名炸軟殼蟹，各款串燒一一抵步，接住刺身同壽司牽著手出現，最後白子斯斯然地到來！還未夠喉，加多幾串雞珍先。舩坂深山菊大吟釀，唯一一支細清酒，全家只有我飲酒的呢！色香味優質，獨尋醉兩支細唔少得。純米吟釀，鞋鞋不幼滑，酒味淡而不香醇，有放棄的衝

今天囝囝說提前慶祝母親節，便近近地帶我來大埔一間日本餐廳，聽到日本餐廳，價錢應該比較貴，所以點餐便就著就著， 主要都是由兒子發板。裝修很有日式風味，最重要的是這裏有酸薑任裝，非常合我口味😋不太酸又不太辣。 原來呀囝點了火炙三文魚脂壽司、燒汁油甘魚、一鳴海鮮湯烏冬、蟹膏甜蝦軍艦、火炙牛肉壽司和蒲燒鰻魚帆立貝盛。叫了這麼多很怕價錢會貴，但他說放心這裏的價錢相當合宜，可以放心吃。由於胃痛的關係所以不敢吃魚生，但也想試一下炙燒壽司，但這個三文魚壽司充滿魚脂，加上微微燶的表層，令人齒頰留香。燒汁油甘魚充滿了日本的味道，充滿口感的魚肉燒汁，是令人實在的味道哦！那個招牌海鮮湯烏冬真的10分抵食，除了烏冬之外還有甜蝦 牡丹蝦赤蝦，還有一些炸物！非常豐富滿足！其實已經開始飽了因為需要留些空間吃鰻魚飯所以我只吃了一件火炙牛肉壽司，燒得剛剛好把牛肉汁所在微微焦香的表層內。最後我最喜愛的鰻魚飯終於出場了，由於quota 有限所以把帆立貝讓給仔仔最後吃了三份一的鰻魚飯已經非常飽了，幸好仔仔食量較大沒有浪費食物，但我

阿妹成日都話要食日本嘢，聽同學講話大埔有間食丼飯唔錯嘅舖頭就決定黎試下！一黎到舖頭就覺得成間店啲木系裝修好日式、好舒適。Menu畫得好靚！好有心思！（有少少想攞返份留念🙈）真係見到啲咁靚嘅畫，全部都好想試！諗住試下魚生同熱食，所以就嗌咗個「蒲燒鰻魚帆立貝盛」（$128）同「北海五品盛」（$178）。另外就加咗個三文魚壽司（$28）同八爪魚刺身（$28）。好快就上咗北海五品盛！真係砌得好靚同埋好足料！三文魚同油甘魚各有三大片帶子有六粒薄嘅，仲有海膽同一隻大嘅牡丹蝦魚生完全唔會有雪味，魚生唔會切得好薄，食得好滿足！之後就上咗三文魚壽司同八爪魚刺身。三文魚嘅厚度繼續令我地驚艷，八爪魚刺身相比之下就比較薄，不過依然好爽脆彈牙。之後就到蒲燒鰻魚帆立貝盛喇！全個飯都鋪滿蒲燒鰻魚，仲有大大粒帆立貝🤤鰻魚食落有少少咬口彈牙，唔係平時食開嗰啲cheap cheap淋鰻魚，好正！！！食飯時，店舖職員一見我地飲咗啲茶就會主動幫我地refill，好細心！不過如果芥末可以再辣少少就好，可能我同阿妹都食慣辣啲嘅芥末，所以食北海五品盛全程都要係咁不停加更多芥末食🤣🤣🤣

依次來到距離大埔壚火車站約六分鐘路程嘅日式食店晚餐。如果唔熟路，可能有少少難搵，認住依條小巷。依度店仔細細但好多客人，相信食物有一定質素。我地坐在一個最入嘅二人枱，靜少少幾好。旁邊有水吧，整體裝修都幾有日式感覺。點餐紙好精美。聽到都有其他食客點日本酒，佢有好多唔同酒類。先來兩客壽司。飛魚子壽司粒粒脆，蟹棒味道都幾好。好足料😊一上枱就香噴噴，非常之吸引！鰻魚燒得好香，有微微嘅焦連同油脂味好好。帆立貝都幾大隻多肉，味道鮮甜。而珍珠米飯都好香，連同蛋絲同蔥一齊食好好味。我習慣左加少少wasabi 入米飯內，食入口更香。今次食得好滿足開心😊在此店旁邊，有一間都係同名嘅一鳴拉麵，我地以前食過都幾好食。

今日嚟到依家係大埔開咗唔係好耐嘅日本野餐廳，原來佢同隔離嘅拉麵店都係叫一鳴㗎喎！就咁睇佢門面嘅裝修覺得好骨子同埋好日式嘅感覺。入到去，我哋安排左坐吧枱位。就咁望雖然成間店並唔大，但係成間鋪頭嘅裝修都幾有心機喎，全部都係以木做主題，小至連牙籤筒都係用木造㗎。坐係到等緊既時候已經聞到好澎湃既炙燒刺身既香味！食物方面，主要分為丼飯、刺身、壽司、串燒同埋其他小食等等。值得一讚嘅係佢嘅點餐紙真係好靚好有心機！我哋嗌左幾款壽司，刺身都好新鮮喎，特別係個免治吞拿魚軍艦，好滑好好味呀！個人覺得仲好味過日本食到嘅哈哈！我哋仲帶咗一個蒲燒鰻魚帆立貝盛，醬汁比較龍未，不過好足料，整體來講呢個都好味，值得推介！佢仲有一個平時可以拎黎拌飯嘅調味粉，食落好香芝麻同埋紫菜味，我哋拎咗啲黎滲喺個飯同埋壽司上面，估唔到又幾好味喎。最後埋單只係$241 ,雖然我哋食咗唔算好多野，但用呢個價食到呢個質素嘅嘢我都覺得幾抵，不過如果坐嘅位可以再闊落少少就好啦。

最近朋友推薦大埔廣福道附近新開左間有質數既日式料理小店，一向支持小店經營加上朋友推薦，一於星期六放工後去一探究竟先，我同朋友用Google map先搵到去附近條行，哩度食店林立，人流都比較多，我地發現靠左手邊一角有兩間同我地要搵既店名一樣，原來一間係食拉麵，另一邊箱就係朋友推薦既食堂，一入到去，店內地方唔大，只有6張檯，店員倒了兩杯玄米茶給我們，而檯面上早巳放了幾張印刷精美的彩色菜單，朋友唔想諗，叫我隨便拍板幫佢叫埋，於是我叫了鰻魚盛、玉子燒同兩串串燒先品嚐，如果唔夠之後先再叫。一碟兩串的鹽燒牛柳粒送上，牛柳粒面加左蒜片同蔥粒，食落彈牙多汁，有牛味，唔會老。另一碟燒腩肉，本以為應該會好肥好多油，但可能夾左大蔥係中間燒吸左D油，加上同調味料味道好夾，食落完全唔會覺得肥膩。到紫菜櫻花蝦玉子燒送到，視覺望落去唔系好大碟，但面頭佈滿櫻花蝦同鰹魚片，切出黎煙霧四起，熱騰騰的，紫菜卷埋左係蛋裡面，食落滋味又多汁。最後蒲燒鰻魚帆立貝盛都黎埋，個碗唔系好大，望落去似小朋友份量，但面頭既鰻魚足足有成條份量甘多,加埋粒帆立貝仲有好多蔥花和蛋絲，同朋友分左黎食，帆立貝咬落比較乾身，但橙色膏狀部份咬落似食緊杏

以前食過隔離嘅一鳴拉麵，最近知道呢個麵店一分為二，開咗一間丼食堂，依日星期五晚放工去咗食晚餐。淺色嘅木系設計，有table 位有bar枱。餐牌裏邊有唔同嘅丼飯、串燒、小吃，日本酒等。我哋兩個人叫咗一個丼飯、同埋唔同嘅串燒晚餐。🥢🥢蒲燒鰻魚帆立貝盛鰻魚烤得好香，外皮有微微嘅燒焦；帆立貝都好大粒，配合埋其他嘅配料，再加少少飯素同wasabi 混合埋一齊食非常之正！🥢🥢燒物串燒熱辣辣上枱嘅時候香噴噴好吸引！燒雞翼本身調得好入味，加上檸檬汁感覺香濃而不油膩。翠玉瓜keep住好多汁喺裏面影到黑蚊蚊添，哈哈！係燒冬菇同埋燒日本紫薯仔。一食串燒我都好鍾意食燒冬菇，我覺得菇類燒香左係好有菇菌香，又健康。而日本連皮嘅番薯仔燒到個皮好脆，裹面仲軟綿綿嘅，好香甜。茄子都係我嘅至愛，茄子本身係冇特別加好多調味料，感覺好清，但連埋木魚碎一齊食係好好味。滿足開心嘅一餐