越潮

Open Now

Now Closed

今次已經唔記得第幾次幫襯了，越潮係我食過咁多間越南河粉之中湯底最正最濃郁既一間，而且佢係飲晒啲湯都唔會口渴，由此可見係冇味精成份，完全靠佢本身既精華令到個湯咁好味。今次我去到岩岩趕到下午茶時段，叫左串燒同蒸粉卷，另外就叫左火車頭，貪佢多料啲同大碗啲，再加多杯每次必飲既龍眼冰。首先上某既係串燒，我簡左豬同雞，淋上惹味既沙爹醬，啲肉燒到岩岩好，好滑唔鞋身，醬汁有啲原粒花生，增加口感，正！蒸粉卷係我最愛，蒸出來，熱辣辣，滑滑既粉皮包住肉碎、面頭有大量蔥粒同炸乾蔥碎，配埋個醬汁真係天堂級好食。最後到火車頭，一定要加青檸同辣椒🌶️再落少少魚露，無敵

要搵一碗好食嘅越南河粉真係好難，聽講西環有間小店，好似幾好，開咗地鐵，好方便，又去試吓囉。 星期日，六點去到，已經有人食緊，店不大，得幾張細枱，好在有個corner 位。三個人叫咗火車頭、蒸粉卷、淨扎肉、牛油雞翼，仲有一個飯，三杯凍飲 。 首先出場係個蒸粉卷，睇個造型就知係好嘢，粉卷嘅嘢無他的，最緊要個皮夠薄同埋熱辣辣，做齊呢兩樣就冇得輸嘞。 火車頭，料就足，但個湯好淡，冇乜牛骨味，又失望添。 淨扎肉真係同碗粉啲扎肉一樣，切到紙咁薄，好心淨食就切厚啲啦。 牛油雞翼正常啦，個飯有豬扒，食咗一塊，麻麻地，好乾。 未夠七點，已差不多坐滿，好多街坊幫襯，我哋都急急埋單，費事阻人做生意，每人九十蚊。雖然唔係太出色，但始終係小店，都支持吓，若果佢喺我屋企附近我都會再幫襯，起碼唔難食，我屋企附近有兩間越南嘢，兩間都難食囉。 越潮 西環石塘咀德輔道西406B地下